Home Important ಕುಮಟಾ ಹೊನ್ನಾವರ ಕ್ಷೇತ್ರಕ್ಕೆ ಅನಂತ್ ಕುಮಾರ್ ಹೆಗಡೆ ಎಂಟ್ರಿ? ಸದ್ದು ಮಾಡುತ್ತಿದೆ ಸುದ್ದಿ

ಕುಮಟಾ ಹೊನ್ನಾವರ ಕ್ಷೇತ್ರಕ್ಕೆ ಅನಂತ್ ಕುಮಾರ್ ಹೆಗಡೆ ಎಂಟ್ರಿ? ಸದ್ದು ಮಾಡುತ್ತಿದೆ ಸುದ್ದಿ

SHARE

ಕುಮಟಾ : ಕೇಂದ್ರ ಸಚಿವರು, ಉತ್ತರಕನ್ನಡದ ಸಂಸದರು ಆದ ಅನಂತಕುಮಾರ್​​ ಹೆಗಡೆ ರಾಜ್ಯ ರಾಜಕಾರಣಕ್ಕೆ ಎಂಟ್ರಿ ಕೊಡಲು ಉತ್ಸುಕರಾಗಿದ್ದಾರಂತೆ. ಈ ಬಗ್ಗೆ ಈಗ ವಿಷಯಗಳು ಚರ್ಚೆಯಾಗುತ್ತಿದೆ. ವಾಟ್ಸಪ್ ಹಾಗೂ ಫೇಸ್ ಬುಕ್‌ನಲ್ಲಿ ಕುತೂಹಲದಿಂದ ಜನರು ಈ ವಿಷಯ ಹಂಚುತ್ತಿದ್ದಾರೆ.

ಆದರೆ ಇದು ಕೇವಲ ವದಂತಿ ಎಂದು ಹೇಳುವಂತಿಲ್ಲ. ಈ ಬಗ್ಗೆ ಸ್ವತಃ ಅನಂತಕುಮಾರ್​​ ಹೆಗಡೆ ತಮ್ಮ ಆಪ್ತರ ಬಳಿ ಹೇಳಿಕೊಂಡಿದ್ದಾರೆ ಎಂದು ಉನ್ನತ ಮೂಲಗಳು ಮಾಹಿತಿ ನೀಡಿದೆ ಎನ್ನಲಾಗಿದೆ.

ಈ ಬಾರಿಯ ಚುನಾವಣೆಯಲ್ಲಿ ಯಲ್ಲಾಪುರ ಕ್ಷೇತ್ರದಿಂದ ಅನಂತಕುಮಾರ್​​​ ಹೆಗಡೆ ನಿಲ್ಲಲಿದ್ದಾರೆ ಎಂದು ಈ ಹಿಂದೆ ಸುದ್ದಿಯಾಗಿತ್ತು. ಆದರೆ ಈಗಾಗಲೇ ಯಲ್ಲಾಪುರ ಸೇರಿದಂತೆ ಉತ್ತರಕನ್ನಡದ 6 ಕ್ಷೇತ್ರಗಳಲ್ಲಿ 5 ಕ್ಷೇತ್ರಗಳಿಗೆ ಬಿಜೆಪಿ ತನ್ನ ಅಭ್ಯರ್ಥಿಗಳನ್ನ ಘೋಷಣೆ ಮಾಡಿದ್ದು, ಕುಮಟಾ ಕ್ಷೇತ್ರವನ್ನ ಮಾತ್ರ ಉಳಿಸಿ ಕೊಂಡಿದೆ.

ಈಗ ಅನಂತಕುಮಾರ್​​ ಹೆಗಡೆ ರಾಜ್ಯ ರಾಜಕಾರಣಕ್ಕೆ ಕುಮಟಾ ಕ್ಷೇತ್ರದ ಅಭ್ಯರ್ಥಿಯಾಗಿ ಎಂಟ್ರಿ ಕೊಡುವ ಇಂಗಿತವನ್ನ ಹೊಂದಿದ್ದಾರೆ ಎನ್ನಲಾಗುತ್ತಿದ್ದು, ಇದಕ್ಕೆ ಬಿಜೆಪಿ ಹೈಕಮಾಂಡ್​​​ ಅವಕಾಶ ಕೊಡುತ್ತಾ ಎನ್ನುವುದು ಮಾತ್ರ ತಿಳಿದಿಲ್ಲ. ಇದರ ಸತ್ಯಾ ಸತ್ಯತೆ ಇನ್ನೇನು ಖಚಿತವಾಗಬೇಕಾಗಿದೆ.

ಇತ್ತ ಕುಮಟಾದಿಂದ ಹಲವಾರು ಆಕಾಂಕ್ಷಿಗಳಾಗಿದ್ದು, ಈಗ ಅನಂತಕುಮಾರ್​​​ ಹೆಗಡೆಯವರ ಈ ಸುದ್ದಿ ಮತಷ್ಟು ಕುತೂಹಲ ಮೂಡಿಸಿದೆ.

ಆದರೆ ಸಂಸದರಿಗೆ ಟಿಕೆಟ್​​ ಇಲ್ಲ ಎನ್ನು ಬಿಜೆಪಿ ನಿಯಮಕ್ಕೆ ಹೈಕಮಾಂಡ್​​​​ ಅನಂತಕುಮಾರ್​​ ಹೆಗಡೆಯವರ ಆಸೆಗೆ ಬ್ರೇಕ್​​ ಹಾಕಬಹುದು ಎಂದು ಬಿಜೆಪಿ ಉನ್ನತ ಮೂಲಗಳ ಮಾಹಿತಿ.

ಆದರೆ ಬಿಜೆಪಿ ಜಿಲ್ಲೆಯ 5 ಕ್ಷೇತ್ರಗಳಿಗೆ ಅಭ್ಯರ್ಥಿಗಳನ್ನ ಘೋಷಿಸಿ, ಕುಮಟಾ ಕ್ಷೇತ್ರವನ್ನ ಮಾತ್ರ ಉಳಿಸಿಕೊಂಡಿರುವುದು ಭಾರೀ ಕುತೂಹಲ ಮೂಡಿಸಿದೆ. ಈ ಬಗ್ಗೆ ನಿಖರ ಮಾಹಿತಿಗಾಗಿ ಕಾದು ಕುಳಿತಿದ್ದಾರೆ ಜನರು.