Home Local ಕಾರವಾರದಲ್ಲಿ ಸಮುದ್ರದ ಅಲೆಗಳ ರಭಸಕ್ಕೆ ಮುಳುಗಡೆಯಾಯ್ತು ಬೋಟ್ ಗಳು

ಕಾರವಾರದಲ್ಲಿ ಸಮುದ್ರದ ಅಲೆಗಳ ರಭಸಕ್ಕೆ ಮುಳುಗಡೆಯಾಯ್ತು ಬೋಟ್ ಗಳು

SHARE

ಕಾರವಾರ:ಮಳೆಗಾಲದ‌ ಪ್ರಾರಂಭದಲ್ಲಿ ಸಮುದ್ರದ ಅಲೆಗಳ ಏರಿಳಿತ ಹೆಚ್ಚುತ್ತಿದೆ. ಅದರಿಂದಾಗಿ ಅನಾಹುತಗಳು ಸಂಭವಿಸುತ್ತಿದ್ದು ಕಾರವಾರದಲ್ಲಿ ಅತಹ ಒಂದು ಘಟನೆ ಇಂದು ಸಂಭವಿಸಿದೆ.

ಅರಬ್ಬಿ ಸಮುದ್ರದಲ್ಲಿ ತಮಿಳುನಾಡು ಮೂಲದ ಮೀನುಗಾರರ ಎರಡು ಬೋಟ್‌ಗಳು ಕಾರವಾರದಿಂದ ೨೧ ನಾಟಿಕಲ್​ ಮೈಲು ದೂರದಲ್ಲಿ ಮುಳುಗಡೆಯಾಗಿವೆ.

ಎಂಜಲ್​-1, ಎಂಜಲ್​-2 ಎಂಬ ಹೆಸರಿನ ಬೋಟ್​ಗಳು ಸಮುದ್ರದಲ್ಲಿ ಮುಳುಗಿವೆ. ಅರಬ್ಬಿ ಸಮುದ್ರದಲ್ಲಿ ಮೀನುಗಾರಿಕೆ ನಡೆಸಿ ತಮಿಳುನಾಡಿಗೆ ತೆರೆಳುತ್ತಿದ್ದ ಬೋಟ್​ಗಳು ನೀರಿನಲ್ಲಿ ಮುಳುಗಿವೆ. ಸಮುದ್ರದ ಅಲೆಯ ಅಬ್ಬರಕ್ಕೆ ಬೋಟ್​ ನಿಯಂತ್ರಣ ಕಳೆದುಕೊಂಡು ಮುಳುಗಿದೆ ಎನ್ನಲಾಗ್ತಿದೆ. ಒಟ್ಟು 13 ಮೀನುಗಾರರಲ್ಲಿ 11 ಮಂದಿ ಸುರಕ್ಷಿತವಾಗಿದ್ದಾರೆ ಎಂದು ಮೀನುಗಾರಿಕೆ ಇಲಾಖೆಯಿಂದ ಮಾಹಿತಿ ದೊರೆತಿದೆ.

ಬೆಳಿಗ್ಗೆ 6.30 ರ ಸುಮಾರಿಗೆ ಬೋಟುಗಳು ಅಪಾಯಕ್ಕೀಡಾದ ಕುರಿತು ಮಾಹಿತಿ ಸಿಕ್ಕಿತು. ಕೂಡಲೇ ತಟ ರಕ್ಷಕ ದಳಕ್ಕೆ ತಿಳಿಸಿ, ಅವರು ಪೆಟ್ರೋಲಿಂಗ್ ಬೋಟ್​ನ ಮೂಲಕ ಸ್ಥಳಕ್ಕೆ ತೆರಳಿ ಮುಳುಗಡೆಯಾಗಿದ್ದ ಬೋಟ್​ನಲ್ಲಿದ್ದ 11 ಮಂದಿಯನ್ನು ರಕ್ಷಿಸಿದ್ದಾರೆ ಎನ್ನಲಾಗಿದೆ.

ಆದರೆ ಇಬ್ಬರು ನಾಪತ್ತೆಯಾಗಿದ್ದಾರೆ. ಆ ಇಬ್ಬರ ಶೋಧ ಕಾರ್ಯ ನಡೆಯುತ್ತಿದೆ ಎಂದು ಅವರು ತಿಳಿಸಿದ್ದಾರೆ.
ಮಂಗಳೂರು ಹಾಗೂ ಗೋವಾದಿಂದ ತಟ ರಕ್ಷಕ ದಳವನ್ನು ಕರೆಯಿಸಿದ್ದೇವೆ. ಅವರು ಕೂಡ ಈ ರಕ್ಷಣಾ ಕಾರ್ಯದಲ್ಲಿ ಸಹಕರಿಸಲಿದ್ದಾರೆ. ಸುರಕ್ಷಿತವಾಗಿ ಮೀನುಗಾರರನ್ನು ದಡಕ್ಕೆ ತರಲು ಎಲ್ಲ ಪ್ರಯತ್ನ ಮಾಡಲಾಗುತ್ತಿದೆ ಎಂದು ಸಂತೋಷ ಕೊಪ್ಪದ್ ತಿಳಿಸಿದ್ದಾರೆ.