Home Local ಚಂದ್ರ ಗ್ರಹಣದ ಹಿನ್ನೆಲೆ ಗೋಕರ್ಣಕ್ಕೆ‌ ಹರಿದುಬಂದ ಜನ ಸಾಗರ: ಪೂಜೆ‌ ಸಲ್ಲಿಸಿದ ಅರಣ್ಯ ಸಚಿವ

ಚಂದ್ರ ಗ್ರಹಣದ ಹಿನ್ನೆಲೆ ಗೋಕರ್ಣಕ್ಕೆ‌ ಹರಿದುಬಂದ ಜನ ಸಾಗರ: ಪೂಜೆ‌ ಸಲ್ಲಿಸಿದ ಅರಣ್ಯ ಸಚಿವ

SHARE

ಗೋಕರ್ಣ: ಖಗ್ರಾಸ ಚಂದ್ರ ಗ್ರಹಣದ ಹಿನ್ನೆಲೆಯಲ್ಲಿ ಇಲ್ಲಿನ ಮಹಾಬಲೇಶ್ವರ ದೇಗುಲಕ್ಕೆ ಜನಸಾಗರವೇ ಹರಿದು ಬಂದಿದೆ.

ಗ್ರಹಣ ಕಾಲವಾದ ಮಧ್ಯರಾತ್ರಿ ೧೧.೩೦ ರಿಂದ ಬೆಳಗಿನ ಜಾವ ೪ ಗಂಟೆಯವರೆಗೆ ಪೂಜೆ ಮತ್ತು ಆತ್ಮಲಿಂಗ ಸ್ಪರ್ಶದರ್ಶನಕ್ಕೆ ದೇಗುಲ ಆಡಳಿತ ಮಂಡಳಿ ಅವಕಾಶ ಮಾಡಿಕೊಟ್ಟ ಹಿನ್ನೆಲೆಯಲ್ಲಿ ಭಕ್ತರು ಸಹಸ್ರಾರು ಸಂಖ್ಯೆಯಲ್ಲಿ ಸಮುದ್ರ ಸ್ನಾನಮಾಡಿ ಆತ್ಮ ಲಿಂಗಕ್ಕೆ ಪೂಜೆ ಸಲ್ಲಿಸಿದರು.

ಅರಣ್ಯ ಸಚಿವ ಆರ್.ಶಂಕರ ಅವರು ಮಧ್ಯರಾತ್ರಿ ಎರಡು ಗಂಟೆಗೆ ಕುಟುಂಬ ಸಮೇತ ಗೋಕರ್ಣಕ್ಕೆ ಆಗಮಿಸಿ ಆತ್ಮಲಿಂಗಕ್ಕೆ ಪೂಜೆ ಸಲ್ಲಿಸಿದರು .

ಗ್ರಹಣ ಕಾಲದಲ್ಲಿ ಶ್ರೀ ಆತ್ಮಲಿಂಗಕ್ಕೆ ರುದ್ರಾಭಿಷೇಕ, ನವಧಾನ್ಯಭಿಷೇಕ , ಸುವರ್ಣ ನಾಗಾಭರಣ ವಿಶೇಷ ಪೂಜೆ ನೆರವೇರಿಸಿದರು .

ವೇ ಸಾಂಬಾ ಭಟ್ ಷಡಕ್ಷರಿ ಪೂಜಾ ಕೈಂಕರ್ಯ ನೆರವೇರಿಸಿದರು . ಪ್ರಧಾನ ಅರ್ಚಕರಾದ ವೇ ಶಿತಿಕಂಠ ಹಿರೇಭಟ್ ಹಾಗೂ ಉಪಾಧಿವಂತ ಮಂಡಳಿ ಸದಸ್ಯರು ಉಪಸ್ಥಿತರಿದ್ದರು . ಆಡಳಿತಾಧಿಕಾರಿ ಶ್ರೀ ಜಿ ಕೆ ಹೆಗಡೆ ಶಾಲು ಹೊದೆಸಿ , ಸ್ಮರಣಿಕೆ ನೀಡಿ ಗೌರವಿಸಿದರು .