Home Important ಅಜಾತಶತ್ರು ಇನ್ನಿಲ್ಲ: ಭಾರತ ಕಂಡ ಧೀಮಂತ ನಾಯಕ ಇನ್ನು ನೆನಪು ಮಾತ್ರ!

ಅಜಾತಶತ್ರು ಇನ್ನಿಲ್ಲ: ಭಾರತ ಕಂಡ ಧೀಮಂತ ನಾಯಕ ಇನ್ನು ನೆನಪು ಮಾತ್ರ!

SHARE

ನವದೆಹಲಿ:  ಭಾರತೀಯ ಜನತೆಗೆ ಬಹು ನೋವಿನ ಸಂಗತಿಯೊಂದು ಹೊರ ಬಿದ್ದಿದೆ. ಅಜಾತ ಶತ್ರು ಎಂದೇ ಬಿಂಬಿತವಾಗಿದ್ದ ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಇಂದು ಕೊನೆಯುಸಿರೆಳೆದಿದ್ದಾರೆ. ಹೀಗಾಗಿ ಧೀಮಂತ ನಾಯಕ ಇನ್ನು ನೆನಪು ಮಾತ್ರ ಎಂಬಂತಾಗಿದೆ.

93 ವರ್ಷ ವಯಸ್ಸಾಗಿದ್ದ ,ಭಾರತ ಕಂಡ ಧೀಮಂತ ನಾಯಕ, ರಾಜಕೀಯ ವಲಯದಲ್ಲಿ ಅಜಾತಶತ್ರು ಎಂದೇ ಖ್ಯಾತರಾಗಿದ್ದ ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ನವದೆಹಲಿಯ ಏಮ್ಸ್ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ.

ಮೂತ್ರಪಿಂಡದ ಸೋಂಕು, ಎದೆ ನೋವಿನಿಂದ ಬಳಲುತ್ತಿದ್ದ   ವಾಜಪೇಯಿ ಜೂನ್ 11 ರಂದು ಏಮ್ಸ್ ಗೆ ದಾಖಲಾಗಿದ್ದರು.  ವಾಜಪೇಯಿ ಅವರು ಮಧುಮೇಹದಿಂದಲೂ ಬಳಲುತ್ತಿದ್ದರು.

ಬುಧವಾರ ವಾಜಪೇಯಿ ಆರೋಗ್ಯದ ಬಗ್ಗೆ ಹೇಳಿಕೆ ಬಿಡುಗಡೆ ಮಾಡಿದ್ದ ಏಮ್ಸ್,  ವಾಜಪೇಯಿ ಆರೋಗ್ಯ ಸ್ಥಿತಿ ಗಂಭೀರವಾಗಿದೆ,  ಮುಂದಿನ 24 ಗಂಟೆ ಏನು ಹೇಳಲು ಸಾಧ್ಯವಿಲ್ಲ ಎಂದು ಹೇಳಿತ್ತು. ವೆಂಟಿಲೆಟರ್ ಮೂಲಕ ಅವರಿಗೆ ಚಿಕಿತ್ಸೆ ನೀಡಲಾಗುತಿತ್ತು. ಆದರೆ ಈಗ ಅಧಿಕೃತವಾಗಿ ಘೋಷಣೆಯಾಗಿದ್ದು ಅಜಾತ ಶತ್ರು ಇನ್ನಿಲ್ಲ ಎಂಬ ಸುದ್ಧಿ ಬಿರುಗಾಳಿಯಂತೆ ಹಬ್ಬಿದೆ.