Home Local ಕುಮಟಾ ಕನ್ನಡ ಸಾಹಿತ್ಯ ಪರಿಷತ್ ಗೆ ಒಲಿದ ಗೌರವ “ಸಾಹಿತ್ಯ ಸಾರಥ್ಯ ಪ್ರಶಸ್ತಿ’’ಪಡೆಯಲಿದೆ ಡಾ. ಶ್ರೀಧರ...

ಕುಮಟಾ ಕನ್ನಡ ಸಾಹಿತ್ಯ ಪರಿಷತ್ ಗೆ ಒಲಿದ ಗೌರವ “ಸಾಹಿತ್ಯ ಸಾರಥ್ಯ ಪ್ರಶಸ್ತಿ’’ಪಡೆಯಲಿದೆ ಡಾ. ಶ್ರೀಧರ ಉಪ್ಪಿನ ಗಣಪತಿಯವರ ಕ್ರಿಯಾಶೀಲ ತಂಡ.

SHARE

ಕುಮಟಾ:ಸಾಹಿತ್ಯ, ಭಾಷೆಗೆ ಸಂಬಂಧಿಸಿದಂತೆ ಉತ್ತಮ ಚಟುವಟಿಕೆ ನಿರ್ವಹಿಸಿದ ತಾಲ್ಲೂಕು ಘಟಕಗಳನ್ನು ಪ್ರೋತ್ಸಾಹಿಸುವ ನಿಟ್ಟಿನಲ್ಲಿ ಈ ಹಿಂದೆಯೇ ಹೇಳಿದಂತೆ ಪ್ರಶಸಸ್ತಿಯನ್ನು ನಿಗದಿಪಡಿಸಲಾಗಿದ್ದು, ಅದನ್ನು ‘ಸಾಹಿತ್ಯ ಸಾರಥ್ಯ ಪ್ರಶಸ್ತಿ’ ಎಂದು ಗುರುತಿಸಲಾಗಿದೆ. ಈ ಬಾರಿಯ ‘ಸಾಹಿತ್ಯ ಸಾರಥ್ಯ ಪ್ರಶಸ್ತಿ’ಗೆ ಕುಮಟಾ ಕನ್ನಡ ಸಾಹಿತ್ಯ ಪರಿಷತ್ ಆಯ್ಕೆಯಾಗಿದೆ.

2017- 18ನೇ ಸಾಲಿನ ‘ಸಾಹಿತ್ಯ ಸಾರಥ್ಯ ಪ್ರಶಸ್ತಿ’ಗೆ ಕುಮಟಾ ಕನ್ನಡ ಸಾಹಿತ್ಯ ಪರಿಷತ್ ಆಯ್ಕೆಯಾಗಿದೆ ಎಂದು ಕಸಾಪ ಜಿಲ್ಲಾಧ್ಯಕ್ಷ ಅರವಿಂದ ಕರ್ಕಿಕೋಡಿ ತಿಳಿಸಿದ್ದಾರೆ.

. 2017- 18ನೇ ಸಾಲಿನಲ್ಲಿ ಕುಮಟಾ ಘಟಕ ಕ್ರಿಯಾಶೀಲವಾಗಿ ಕೆಲಸ ಮಾಡಿದೆ. ಈ ಹಿನ್ನೆಲೆಯಲ್ಲಿ ಪ್ರಶಸ್ತಿಗೆ ಅರ್ಹತೆ ಪಡೆದುಕೊಂಡಿದೆ ಎಂದು ಅವರು ಸತ್ವಾಧಾರ ನ್ಯೂಸ್ ಗೆ ಮಾಹಿತಿ ತಿಳಿಸಿದ್ದಾರೆ.

ಪ್ರಶಸ್ತಿಯು, 10 ಸಾವಿರ ನಗದು ಮತ್ತು ಅಭಿನಂದನಾ ಫಲಕವನ್ನು ಒಳಗೊಂಡಿದೆ. ಈಗಾಗಲೇ 2016- 17ನೇ ಸಾಲಿನ ಪ್ರಶಸ್ತಿಗೆ ಭಟ್ಕಳ ತಾಲ್ಲೂಕು ಘಟಕವನ್ನು ಆಯ್ಕೆ ಮಾಡಲಾಗಿತ್ತು. ಈ ಎರಡೂ ತಾಲ್ಲೂಕುಗಳಿಗೆ ಪ್ರಶಸ್ತಿಯನ್ನು ನ.11ರಂದು ನಡೆಯಲಿರುವ ಸಮಾರಂಭದಲ್ಲಿ ಪ್ರದಾನ ಮಾಡಲಾಗುವುದು ಎಂದು ತಿಳಿಸಿದ್ದಾರೆ.

ಕ್ರಿಯಾಶೀಲ ಕಾರ್ಯಕ್ರಮಗಳು ಹಾಗೂ ವೈವಿದ್ಯಮಯ ಕಾರ್ಯಗಳ ಮೂಲಕ ಕುಮಟಾ ಕನ್ನಡ ಸಾಹಿತ್ಯ ಪರಿಷತ್ ಗುರುತಿಸಿಕೊಂಡಿತ್ತು. ಡಾ .ಶ್ರೀಧರ ಉಪ್ಪಿನ ಗಣಪತಿ ಅವರ ಅಧ್ಯಕ್ಷತೆಯಲ್ಲಿ , ಶ್ರೀ ಮಂಜುನಾಥ ನಾಯ್ಕ ಹಾಗೂ ಶ್ರೀ ಚಿದಾನಂದ ಭಂಡಾರಿಯವರು ಕಾರ್ಯದರ್ಶಿಗಳಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.