Home Food ನೀವೇ ಮಾಡಿ ತಿನ್ನಬಹುದಾದ ಸಿಹಿ-ಸಿಹಿ ಧಾರವಾಡ ಪೇಡಾ!

ನೀವೇ ಮಾಡಿ ತಿನ್ನಬಹುದಾದ ಸಿಹಿ-ಸಿಹಿ ಧಾರವಾಡ ಪೇಡಾ!

SHARE

ಧಾರವಾಡ ಪೇಡ ಕರ್ನಾಟಕ ರಾಜ್ಯದ ಹುಬ್ಬಳ್ಳಿ-ಧಾರವಾಡಗಳಲ್ಲಿ ಪ್ರಸಿದ್ಧವಾದ ಸಿಹಿ ತಿಂಡಿಯಾಗಿದೆ. ಈ ಪೇಡದ ಹೆಸರಲ್ಲಿ ಧಾರವಾಡ ಎಂಬ ಸ್ಥಳನಾಮವಿದೆ. ಹಾಗಾಗಿ ಇದು ಉತ್ತರ ಕರ್ನಾಡಕದ ಧಾರವಾಡ ಸ್ಥಳದಲ್ಲಿನ ಉತ್ಪಾದನೆಯಾಗಿದೆ. ಈ ಪೇಡವು ದೇಶಾದ್ಯಂತ ಪ್ರಸಿದ್ಧವಾಗಿದೆ.

ಬೇಕಾಗಿರುವ ಸಾಮಗ್ರಿಗಳು:

1 ಲೀಟರ್ ಹಾಲು
3 ಚಮಚ ಸಕ್ಕರೆ
3 ಚಮಚ ತುಪ್ಪ
ಏಲಕ್ಕಿ ಪುಡಿ
ಸಕ್ಕರೆ ಪುಡಿ

ಮಾಡುವ ಬಗೆ:

*ಹಾಲು ಕಾಯಿಸಿ ಅದಕ್ಕೆ ನಿಂಬೆ ಹಣ್ಣು ರಸ ಹಿಂಡಿ ಹಾಲು ಒಡೆಸಿ ನೀರು ತೆಗೆಯಿರಿ

*ಒಂದು ತೆಳುವಾದ ಮಸ್ಲಿನ್ ಬಟ್ಟೆಯಲ್ಲಿ ಕಟ್ಟಿ, ಹಿಂಡಿ, ನೀರು ತೆಗೆಯಿರಿ

*ಈ ಪನೀರನ್ನು ಒಂದು ಬಾಣಲೆಗೆ ಹಾಕಿ ಬಿಸಿ ಮಾಡಿ

*ಸಣ್ಣ ಉರಿಯಲ್ಲಿ ಇಟ್ಟು, 2 ಚಮಚ ಸಕ್ಕರೆ, 1 ಚಮಚ ತುಪ್ಪ ಹಾಕಿ ಚೆನ್ನಾಗಿ ಕಂದು ಬಣ್ಣ ಬರುವವರೆಗೆ ಹುರಿಯಿರಿ

*ತಳ ಹಿಡಿದಾಗ ಹಾಲು ಮತ್ತು ತುಪ್ಪ ಹಾಕಿ ಚೆನ್ನಾಗಿ ತಿರುವಿರಿ

*ಸಕ್ಕರೆ, ತುಪ್ಪ, ಹಾಲು ಹಾಕಿ ಚೆನ್ನಾಗಿ ಗಟ್ಟಿಯಾಗುವವರೆಗೂ ಹಾಗೂ ಕಂದು ಬಣ್ಣ ಬರುವವರೆಗೆ ತಿರುವಿ ಹಾಕಿ, ಒಲೆ ಆರಿಸಿ

*ಏಲಕ್ಕಿ ಪುಡಿಯನ್ನು ತಿರುವಿ ಇಟ್ಟ ಪೇಡಾ ಮಿಶ್ರಣಕ್ಕೆ ಹಾಕಿ ಕೈಯಾಡಿಸಿ,

*ದುಂಡಾಗಿ ಅತವಾ ಉದ್ದ ಆಕಾರದಲ್ಲಿ ಪೇಡಾ ಮಾಡಿ, ಸಕ್ಕರೆ ಪುಡಿಯಲ್ಲಿ ಹೊರಳಾಡಿಸಿ ಒಂದೊಂದೇ ತೆಗೆದಿಡಿ.

ಈಗ ರುಚಿಯಾದ ದಾರವಾಡ ಪೇಡಾ ತಿನ್ನಲು ರೆಡಿ