Home Important ದಾವೂದ್ ಇಬ್ರಾಹಿಂ ಸಹೋದರ ಇಕ್ಬಾಲ್ ಕಸ್ಕರ್ 100 ಕೋಟಿ ರೂ.ಗೂ ಹೆಚ್ಚಿನ ಹಣ ಪಡೆದಿದ್ದಾನೆ

ದಾವೂದ್ ಇಬ್ರಾಹಿಂ ಸಹೋದರ ಇಕ್ಬಾಲ್ ಕಸ್ಕರ್ 100 ಕೋಟಿ ರೂ.ಗೂ ಹೆಚ್ಚಿನ ಹಣ ಪಡೆದಿದ್ದಾನೆ

SHARE

ಮುಂಬೈ: ಇದೀಗ ಬಂಧನಕ್ಕೆ ಒಳಗಾಗಿರುವ ಕುಖ್ಯಾತ ಭೂಗತಪಾತಕಿ ದಾವೂದ್ ಇಬ್ರಾಹಿಂ ಸಹೋದರ ಇಕ್ಬಾಲ್ ಕಸ್ಕರ್, ಹಲವು ಬಿಲ್ಡರ್​ಗಳಿಗೆ ಪ್ರಾಣಬೆದರಿಕೆ ಒಡ್ಡಿ ನಗದು, ಫ್ಲ್ಯಾಟ್​ಗಳು ಮತ್ತು ಸಣ್ಣಪುಟ್ಟ ಬಿಲ್ಡರ್​ಗಳಿಂದ ಭೂಮಿಯನ್ನೂ ತನ್ನದಾಗಿಸಿಕೊಂಡಿದ್ದಾನೆ. ಈ ರೀತಿ ಆತ 3 ವರ್ಷಗಳಲ್ಲಿ 100 ಕೋಟಿ ರೂ.ಗೂ ಹೆಚ್ಚಿನ ಹಣ ಪಡೆದಿದ್ದಾನೆ. ಆತನ ಈ ಕೃತ್ಯಗಳಿಗೆ ಎನ್​ಸಿಪಿಯ ಸ್ಥಳೀಯ ನಾಯಕರಿಬ್ಬರು ಸಹಕರಿಸಿರುವ ಶಂಕೆ ಇದೆ ಎಂದು ಮುಂಬೈ ಪೊಲೀಸ್​ನ ಹಿರಿಯ ಇನ್​ಸ್ಪೆಕ್ಟರ್ ಪ್ರದೀಪ್ ಶರ್ಮ ತಿಳಿಸಿದ್ದಾರೆ.

ಆರ್ಥಿಕ ಹಿಂಜರಿತ, ನೋಟು ರದ್ದತಿ ಸೇರಿ ಹಲವು ಕಾರಣಗಳಿಂದ ರಿಯಲ್ ಎಸ್ಟೇಟ್ ಕ್ಷೇತ್ರದಲ್ಲಿ ವಹಿವಾಟು ಕಡಿಮೆಯಾಗಿತ್ತು. ಹಣ ಕೊಡಲು ಆಗುವುದಿಲ್ಲ ಎಂದು ಅಸಹಾಯಕತೆ ವ್ಯಕ್ತಪಡಿಸಿದ ಬಿಲ್ಡರ್​ಗಳಿಂದ ಕಸ್ಕರ್, ದುಬಾರಿ ಫ್ಲ್ಯಾಟ್​ಗಳನ್ನು ಪಡೆದುಕೊಂಡಿದ್ದಾನೆ. ಇವುಗಳಲ್ಲಿ ಅನೇಕ ಫ್ಲ್ಯಾಟ್​ಗಳನ್ನು ಮಾರಾಟ ಮಾಡಿದ್ದು, ಇದಕ್ಕೆ ರಾಜಕಾರಣಿಗಳು ‘ಜಾಮೀನುದಾರರ‘ರಾಗಿದ್ದಾರೆ. ಇದೇ ರಾಜಕಾರಣಗಳು ಹಣ ಸುಲಿಗೆ ದಂಧೆಗೂ ಸಹಕರಿಸಿದ್ದಾರೆ ಎಂಬ ಅನುಮಾನ ಇರುವುದಾಗಿ ಹೇಳಿದ್ದಾರೆ.

ಆಯಕಟ್ಟಿನ ಜಾಗದಲ್ಲಿ ಸಣ್ಣಪುಟ್ಟ ಬಿಲ್ಡರ್​ಗಳು ವಸತಿಸಮುಚ್ಚಯ ನಿರ್ವಿುಸಲು ಮುಂದಾದಾಗ, ಅವರನ್ನು ಹೆದರಿಸಿ ಜಾಗವನ್ನೇ ಕಬಳಿಸಿದ್ದಾನೆ. ಈತನ ಬೆದರಿಕೆ ಕರೆಗಳಿಂದ ಭೀತನಾದ ಒಬ್ಬ ಬಿಲ್ಡರ್ ಊರನ್ನೇ ತೊರೆದಿದ್ದಾರೆ. ಈ ಕೃತ್ಯದಲ್ಲಿ ದೊಡ್ಡ, ದೊಡ್ಡ ಬಿಲ್ಡರ್​ಗಳು ಶಾಮೀಲಾಗಿರುವ ಸಾಧ್ಯತೆ ಇದ್ದು, ಈ ಬಗ್ಗೆಯೂ ತನಿಖೆ ನಡೆಸುತ್ತಿರುವುದಾಗಿ ತಿಳಿಸಿದ್ದಾರೆ.