Home Local ಕಾರವಾರದಲ್ಲಿ ಸ್ಥಾಪನೆಯಾಯ್ತು IMA- branch

ಕಾರವಾರದಲ್ಲಿ ಸ್ಥಾಪನೆಯಾಯ್ತು IMA- branch

SHARE

ಕಾರವಾರ: ಇಲ್ಲಿನ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಯಲ್ಲಿ ಇತ್ತೀಚೆಗೆ ಮುಂದುವರೆದ ಶೈಕ್ಷಣಿಕ ಕಾರ್ಯಕ್ರಮಗಳು ನಿಯಮಿತವಾಗಿ ಹಾಗೂ ನಿರಂತರವಾಗಿ ನಡೆಯುತ್ತಿರುವದನ್ನು ಗಮನಿಸಿದ ಭಾರತೀಯ ವೈದ್ಯಕೀಯ ಸಂಘದ ರಾಜ್ಯ ಶಾಖೆಯು ಮೆಡಿಕಲ್ ಕಾಲೇಜಿಗೆ ಒಂದು ಘಟಕ ( IMA- branch) ವನ್ನು ಸ್ಥಾಪಿಸುವಂತೆ ಸೂಚಿಸಿತ್ತು. ಸುಮಾರು 100 ವೈದ್ಯರನ್ನು ಹೊಂದಿರುವ ಕಾರವಾರ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಯ ನಿರ್ದೇಶಕರು ಮಾಡಿದ ಮನವಿಯನ್ನು ಪುರಷ್ಕರಿಸಿದ ರಾಜ್ಯ ಸಂಘದ ಅಧ್ಯಕ್ಷರಾದ ಡಾ. ರಾಜಶೇಖರ್ ಬಳ್ಳಾರಿ ಅವರು ದಿನಾಂಕ 14.10.2017 ರಂದು ಜರುಗಿದ ಸಮಾರಂಭದಲ್ಲಿ ಹೊಸ IMA ಸಂಘ ಸ್ಥಾಪನೆಗೊಂಡಿರುವ ಕುರಿತು ಪ್ರಮಾಣ ಪತ್ರ ನೀಡಿ, ಈ ಕೆಳಗಿನಂತೆ ಪಧಾಧಿಕಾರಿಗಳನ್ನಾಗಿ ಘೋಷಿಸಿದರು.
ಡಾ. ಸದಾನಂದ ಬಿ – ಅಧ್ಯಕ್ಷರು
ಡಾ. ನರೇಶ ಪಾವಸ್ಕರ – ಉಪಾಧ್ಯಕ್ಷರು
ಡಾ. ಪ್ರಕಾಶ್ ಹೆಚ್. ಎಮ್. – ಕಾರ್ಯದರ್ಶಿ
ಡಾ. ಅಕ್ಷಯ ಫಾಟಕ – ಸಹ ಕಾರ್ಯದರ್ಶಿ
ಡಾ. ಅನುರಾಧಾ – ಸಹ ಕಾರ್ಯದರ್ಶಿ
ಡಾ. ಮಂಜುನಾಥ್ ಭಟ್ – ಖಜಾಂಚಿ

ಸಭೆಯನ್ನು ಉದ್ದೇಶಿಸಿ ಮಾತನಾಡಿದ ಡಾ. ರಾಜಶೇಖರ್ ಅವರು ಭಾರತೀಯ ವೈದ್ಯಕೀಯ ಸಂಘದಿಂದ ಮಾಡಲ್ಪಟ್ಟ ವಿಭಿನ್ನ ಚಟುವಟಿಕೆಗಳ ಬಗ್ಗೆ ವಿವರಿಸಿದರು. ಐ.ಎಂ.ಎ ವಿಶ್ವಾದ್ಯಂತ ಪ್ರಸಿದ್ಧ ಸಂಸ್ಥೆಯಾಗಿದೆ. ಇದು ಉಚಿತ ಆರೋಗ್ಯ ಶಿಬಿರಗಳು, ಮುಂದುವರಿದ ವೈದ್ಯಕೀಯ ಶಿಕ್ಷಣ ಕಾರ್ಯಕ್ರಮಗಳು, ಗ್ರಾಮೀಣ ಪ್ರದೇಶಗಳಲ್ಲಿ ಉಚಿತ ತನಿಖೆಗಳು ಮತ್ತು ಔಷಧಿಗಳನ್ನು ಒದಗಿಸುವ ಕಾರ್ಯಕ್ರಮಗಳು, ವಿದ್ಯಾರ್ಥಿವೇತನಗಳನ್ನು ನೀಡುವುದು, ರಕ್ತ ಭಂಡಾರಗಳನ್ನು ಸಂಘಟಣೆ, ಚರಂಡಿ ಸಂಸ್ಕರಣಾ ಘಟಕಗಳ ಸ್ಥಾಪನೆ (STP), ಶೈಕ್ಷಣಿಕ ಮತ್ತು ಜಾಗೃತಿ ಚಟುವಟಿಕೆಗಳು, ಸಾಮಾಜಿಕ ಭದ್ರತೆ ಯೋಜನೆಗಳ ರೂಪದಲ್ಲಿ ಸಮಾಜದ ಕಲ್ಯಾಣಕ್ಕಾಗಿ ಚಟುವಟಿಕೆಗಳನ್ನು ನಡೆಸುತ್ತಿದೆ. ಸಮಾಜಕ್ಕೆ ಕಲ್ಯಾಣ ಚಟುವಟಿಕೆಗಳನ್ನು ಮಾಡುವ ಈ ಸಂಸ್ಥೆಯ ಹೊಸ ಶಾಖೆಯ ಸ್ಥಾಪನೆ ಒಂದು ಸ್ವಾಗತಾರ್ಹ ಚಿಹ್ನೆ ಎಂದು ಶುಭ ಹಾರೈಸಿದರು. ಮುಖ್ಯ ಅತಿಥಿಗಳಾದ, ಕಾರವಾರ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಯ ನಿರ್ದೇಶಕರಾದ ಡಾ. ಶಿವಾನಂದ ದೊಡಮನಿಯವರು ಹೊಸ ಐ.ಎಂ.ಎ ಶಾಖೆಯ (ಕಾರವಾರ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಯ ಐ.ಎಂ.ಎ ಶಾಖೆ) ಕಚೇರಿ ಧಾರಕರನ್ನು ಅಭಿನಂದಿಸಿದರು. ಈ ಸಮಾರಂಭದಲ್ಲಿ ಹೊಸ ಐ.ಎಂ.ಎ ಕೇಮ್ಸ್ ಶಾಖೆಯ ಅಧ್ಯಕ್ಷರು ಡಾ. ಸದಾನಂದ ಬಿ, ಉಪಾಧ್ಯಕ್ಷರು ಡಾ. ನರೇಶ ಪಾವಸ್ಕರ್, ಕಾರ್ಯದರ್ಶಿ ಡಾ. ಪ್ರಕಾಶ ಹೆಚ್. ಎಮ್, ಸಹ ಕಾರ್ಯದರ್ಶಿ ಡಾ. ಅಕ್ಷಯ ಫಾಟಕ ಮತ್ತು ಡಾ. ಅನುರಾಧಾ, ಖಜಾಂಚಿಗಳಾದ ಡಾ. ಮಂಜುನಾಥ್ ಭಟ್, ಜಿಲ್ಲಾ ಶಸ್ತ್ರಚಿಕಿತ್ಸಕರಾದ ಡಾ. ಶಿವಾನಂದ ಕುಡ್ತರ್‍ಕರ್ ಹಾಗೂ ಕಾರವಾರ ಐ.ಎಂ.ಎ ಶಾಖೆಯ ಅಧ್ಯಕ್ಷರಾದ ಡಾ. ಸುರೇಶ್ ಭಟ್ ರವರು ಉಪಸ್ಥಿತರಿದ್ದರು.