ಕುಮಟಾ : ತಾಲೂಕಿನ ಹಿರೇಗುತ್ತಿಯ ಎಣ್ಣೆಮಡಿಯ ಅಯ್ಯಪ್ಪ ಸ್ವಾಮಿ ಸನ್ನಿಧಾನದಲ್ಲಿ ಅಯ್ಯಪ್ಪ ಸ್ವಾಮಿಯ ಪೂಜೆಯಲ್ಲಿ ಬೆಳಕು ಗ್ರಾಮೀಣಾಭಿವೃದ್ಧಿ ಟ್ರಸ್ಟ್ ನ ಅಧ್ಯಕ್ಷರು ಹಾಗೂ ಬಿಜೆಪಿ ಮುಖಂಡರಾದ ನಾಗರಾಜ ನಾಯಕ ತೊರ್ಕೆ ಭಾಗವಹಿಸಿ ಪ್ರಸಾದ ಸ್ವೀಕರಿಸಿದರು.
ಕಾರ್ಯಕ್ರಮದಲ್ಲಿ ಭಾಗಿಯಾಗಿ ಮಹಾ ಪ್ರಸಾದವನ್ನು ಸ್ವೀಕರಿಸಿ ಪಾವನನಾದ ಘಳಿಗೆ ಇದು ಎಂದು ಅವರು ಅಭಿಪ್ರಾಯ ವ್ಯಕ್ತಪಡಿಸಿದರು. ಹಿಂದುಗಳ ಪವಿತ್ರ ಆಚರಣೆಯಲ್ಲಿ ಈ ಅಯ್ಯಪ್ಪ ಮಾಲಾ ಧಾರಣೆ ಹಾಗೂ ಈ ಎಲ್ಲ ಧಾರ್ಮಿಕ ಕಾರ್ಯಗಳೂ ಒಂದಾಗಿದೆ. ಅಯ್ಯಪ್ಪನ ಮಾಲೆ ಧರಿಸುವವರು ಕಠಿಣ ವ್ರತ ನಿಷ್ಠರು ಹಾಗೂ ತಪಸ್ಸಿನ‌ರೀತಿಯಲ್ಲಿ ಅದನ್ನು ಮಾಡುತ್ತಾ ಬಂದಿದ್ದಾರೆ . ದೇವರು ಎಲ್ಲ ಭಕ್ತರಿಗೆ ಆಯಸ್ಸು ಆರೋಗ್ಯ ಹಾಗೂ ಸಕಲ ಐಶ್ವರ್ಯವನ್ನು ಕರುಣಿಸಲಿ ಎಂದು ಅವರು ಪ್ರಾರ್ಥಿಸಿದರು.
ನಾಗರಾಜ ನಾಯಕ ಅವರನ್ನು ಆತ್ಮೀಯವಾಗಿ ಬರಮಾಡಿಕೊಂಡ ಜನತೆ ದೇವರ ಪೂಜಾ ಕೈಕರ್ಯದಲ್ಲಿ ಅವರ ಉಪಸ್ಥಿತಿಯನ್ನು ಆದರಿಸಿದರು. ಅಯ್ಯಪ್ಪ ಭಕ್ತರೊಂದಿಗೆ ಕೆಲ ಸಮಯ ಕಳೆದ ನಾಗರಾಜ ನಾಯಕ ಯಾತ್ರೆಯ ಬಗ್ಗೆ ಅವರೊಂದಿಗೆ ಸಮಾಲೋಚನೆ ನಡೆಸಿದರು.
