ಕುಮಟಾ: ತಾಲೂಕ ಆಡಳಿತ, ತಾಲೂಕ ಪಂಚಾಯತ ಇವರ ಸಹಭಾಗಿತ್ವದಲ್ಲಿ ನಿಜ ಶರಣ ಶ್ರೀ ಅಂಬಿಗರ ಚೌಡಯ್ಯನವರ ಜಯಂತಿಯನ್ನು ಅದ್ದೂರಿಯಾಗಿ ಆಚರಣೆ ಮಾಡಲಾಯಿತು.
ಗಣ್ಯರು ನಿಜ ಶರಣ ಶ್ರೀ ಅಂಬಿಗರ ಚೌಡಯ್ಯನವರ ಭಾವಚಿತ್ರಕ್ಕೆ ಪುಷ್ಪನಮನ ಸಲ್ಲಿಸಿದರು.
ವೇದಿಕೆಯಲ್ಲಿ ಕುಮಟಾ ತಹಶೀಲ್ದಾರ ಶ್ರೀ ಮೇಘರಾಜ ನಾಯ್ಕ, ತಾ. ಪಂ. ಕಾರ್ಯನಿರ್ವಾಹಕ ಅಧಿಕಾರಿಗಳಾದ ಶ್ರೀ ಮಹೇಶ ಕುರಿಯವರ್, ಜಿ. ಪಂ. ಸಹಾಯಕ ಕಾರ್ಯನಿರ್ವಾಹಕ ಅಭಿಯಂತರಾದ ಶ್ರೀ ಆರ್ ಜಿ ಗುನಗಿಯವರು, ಅಂಬಿಗ ಸಮಾಜದ ಶ್ರೀ ಜಗದೀಶ ಹರಿಕಂತ್ರ ಮತ್ತು ಶ್ರೀ ಗಣೇಶ ಅಂಬಿಗ ಉಪಸ್ಥಿತರಿದ್ದರು.
ಉಪನ್ಯಾಸಕರಾಗಿ ಗಣೇಶ ಭಟ್ಟರವರು ನಿಜ ಶರಣ ಶ್ರೀ ಅಂಬಿಗರ ಚೌಡಯ್ಯನವರ ಜೀವನ ಹಾಗೂ ಬದುಕು ಬರಹದ ಕುರಿತಾಗಿ ವಿವರಿಸಿದರು. ಶಂಕರ ಹರಿಕಂತ್ರವರು ತಮ್ಮ ಅನಿಸಿಕೆ ವ್ಯಕ್ತಪಡಿಸಿದರು.
