ಕೆಕ್ಕಾರ ಸೋನಾರಕೇರಿ ಗೌಡರಕೊಪ್ಪ ರಸ್ತೆ ನಿರ್ಮಾಣ ಕಾಮಗಾರಿಗೆ ಚಾಲನೆ ನೀಡಿದ ಶಾಸಕಿ ಶಾರದಾ ಮೋಹನ ಶೆಟ್ಟಿ.

ಹೊನ್ನಾವರ : ತಾಲ್ಲೂಕಿನ ಚಂದಾವರ ಹಾಗೂ ಕಡತೋಕ ಪಂಚಾಯತ ವ್ಯಾಪ್ತಿಯ ಕೆಕ್ಕಾರ ಸೋನಾರಕೇರಿ ಗೌಡರಕೊಪ್ಪ ರಸ್ತೆ ನಿರ್ಮಾಣ ಕಾಮಗಾರಿಗೆ ಕುಮಟಾ ಹೊನ್ನಾವರ ಶಾಸಕರು ಹಾಗೂ ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರಾದ ಶಾರದಾ ಮೋಹನ ಶೆಟ್ಟಿ ಚಾಲನೆ ನೀಡಿದರು.

ನಮ್ಮ ಗ್ರಾಮ ನಮ್ಮ ರಸ್ತೆ ಯೋಜನೆಯಡಿ 2 ಕೋಟಿ 73 ಲಕ್ಷ ಅನುದಾನ ಬಿಡುಗಡೆಯಾಗಿದ್ದು 2.70 ಕಿ.ಮೀ ರಸ್ತೆ ನಿರ್ಮಾಣ ಮತ್ತು ನಿರ್ವಹಣೆ ಕಾಮಗಾರಿ ಕೈಗೆತ್ತಿಕೊಳ್ಳಲಾಗಿದೆ.

ಗ್ರಾಮ ಗ್ರಾಮಗಳಲ್ಲಿ ಮೂಲ ಸೌಕರ್ಯಗಳನ್ನು ಒದಗಿಸುವ ದೃಷ್ಟಿಯಿಂದ ಈ ಎಲ್ಲಾ ಯೋಜನೆಗಳನ್ನು ರೂಪಿಸಿದ್ದು ಈಗ ಅನುದಾನ ಬಿಡುಗಡೆಯಾದ ಬಗ್ಗೆ ಶಾಸಕರು ಸಂತಸ ವ್ಯಕ್ತಪಡಿಸಿದರು.

ಈ ಸಂದರ್ಭದಲ್ಲಿ ಗ್ರಾ.ಪಂ ಅಧ್ಯಕ್ಷ ಚಂದ್ರು ನಾಯ್ಕ, ಮಾಜಿ.ತಾ,ಪಂ ಸದಸ್ಯರಾದ ನಾಣಪ್ಪ ಗೌಡ, ಕಲಾವತಿ ಗೌಡ ಗ್ರಾ.ಪಂ ಸದಸ್ಯರು ಕಡತೋಕ, ಆರ್ ಎಂ ಶೇಟ, ರಾಜೇಶ ಗುನಗಾ, ಇಂಜನೀಯರ್ ಆರ್. ಜಿ ಭಟ್ಟ ಊರ ಗೌಡ ಮರ್ತು ಗೌಡ ಇನ್ನಿತರರು ಉಪಸ್ಥಿತರಿದ್ದರು.