ಹೊನ್ನಾವರ: ತಾಲೂಕಿನ ಕಡತೋಕ ಪಂಚಾಯತಿಯ ಗುಡ್ಣಕಟ್ಟಾ ಊರಕೇರಿಯಲ್ಲಿ ನಮ್ಮ ಗ್ರಾಮ ನಮ್ಮ ರಸ್ತೆ ಹಂತ-4 (ಗಾಂಧಿ ಪಥ ಗಾಂಧಿ ಗ್ರಾಮ) ಯೋಜನೆಯಡಿಯಲ್ಲಿ ನಿರ್ಮಾಣವಾಗಲಿರುವ ಸೇತುವೆ ಹಾಗೂ ರಸ್ತೆ ನಿರ್ಮಾಣ ಕಾಮಗಾರಿಗೆ ಭೂಮಿಪೂಜೆ ನೆರವೇರಿತು.
ಅಂದಾಜು 5 ಕೋಟಿ 13 ಲಕ್ಷ ಅನುದಾನದ ಸೇತುವೆ ಹಾಗೂ ರಸ್ತೆ ನಿರ್ಮಾಣ ಕಾಮಗಾರಿಗೆ ಕ್ಷೇತ್ರದ ಶಾಸಕರು ಹಾಗೂ ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರೂ ಆದ ಶ್ರೀಮತಿ ಶಾರದಾ ಮೋಹನ್ ಶೆಟ್ಟಿಯವರು ಭೂಮಿಪೂಜೆ ನೆರವೇರಿಸಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಶಾಸಕರಾದ ಶಾರದಾ ಮೋಹನ ಶೆಟ್ಟಿ ಅಭಿವೃದ್ಧಿ ನಮ್ಮ ಗುರಿ, ಇತರೆ ಯಾವುದೇ ಮಾತುಗಳಿಗೂ ಯಾರೂ ಕಿವಿಗೊಡಬಾರದು ಎಂದರು.
ಈ ಸಂದರ್ಭದಲ್ಲಿ ಶೋಭಾ ನಾಯ್ಕ, ಕಿರಣ ಭಂಡಾರಿ,ಲಂಬೋದರ ನಾಯ್ಕ,ಎಂ ಎಸ್ ಹೆಗಡೆ, ಶ್ರೀನಾಥ ಶೆಟ್ಟಿ,ಪಂಚಾಯತ್ ಸದಸ್ಯರು, ಅಧಿಕಾರಿಗಳು ಹಾಗೂ ಊರ ನಾಗರಿಕರ ಉಪಸ್ಥಿತಿಯಲ್ಲಿ ಭೂಮಿಪೂಜೆ ನೆರವೇರಿತು.
