ಉತ್ತರಕನ್ನಡ : ರಾಜಕೀಯದಲ್ಲಿ ಸಂಚಲನ ಮೂಡಿಸುತ್ತಿರುವ ಬಿಜೆಪಿ ನಾಯಕ ಅನಂತಕುಮಾರ್ ಹೆಗಡೆ ರಾಹುಲ್ಗಾಂಧಿ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ರಾಹುಲ್ಗಾಂಧಿ ರಾಜ್ಯ ಪ್ರವಾಸದ ಬಗ್ಗೆ ಲೇವಡಿ ಮಾಡಿದ ಹೆಗಡೆ ರಾಹುಲ್ ಗಾಂಧಿ ಅವರು ರಾಜ್ಯದಲ್ಲಿ ಪ್ರವಾಸ ಮಾಡಿದಷ್ಟು ಒಳ್ಳೆಯದು ಏಕೆಂದರೆ ರಾಜ್ಯದ ಜನ ಹೆಚ್ಚು ಮನೋರಂಜನೆಯನ್ನ ಇಷ್ಟ ಪಡುತ್ತಾರೆ ಎನ್ನುವ ಮೂಲಕ ಕಾಂಗ್ರೆಸ್ ಯುವರಾಜನ ವಿರುದ್ಧ ವ್ಯಂಗ್ಯವಾಡಿದ್ದಾರೆ. ಹಾಗೆ ರಾಜ್ಯದಲ್ಲಿ ಬೆಜೆಪಿ ಗಟ್ಟಿಯಾಗಲು ಸಹಕಾರಿಯಾಗಲಿದೆ ಎಂದರು.
ಮುಂದುವರೆದು ಕಾಂಗ್ರೆಸ್ ವಿರುದ್ಧ ಗುಡುಗಿದ ಅನಂತಕುಮಾರ್ ಹೆಗಡೆ ಸಂಘ ಪರಿವಾದ ಪರಿಣಾಮ ಕಾಂಗ್ರೆಸ್ ಡೋಂಗಿಗಾದರು ಹಿಂದುತ್ವದ ಬಗ್ಗೆ ಮಾತನಾಡುತ್ತಿದ್ದಾರೆ. ರಾಷ್ಟ್ರೀಯತೆಯ ಪರಿಚಯ ಇಲ್ಲದವರು ತೊರಿಕೆಗಾದರು ಹಿಂದುತ್ವದ ಮಾತನಾಡುತ್ತಿದ್ದಾರೆ, ಇದು ಬರಿ ಮಾತಾಗದೇ ಆಚರಣೆಗೆ ತಂದರೆ ಒಳ್ಳೆಯದು ಎಂದು ಹೇಳಿದರು.
ಇನ್ನು ರಾಹುಲ್ಗಾಂಧಿ ಬ್ರಾಹ್ಮಣ ಎಂದು ಹೇಳುತ್ತಿದ್ದಾರೆ ಎಂದು ಪತ್ರಕರ್ತರ ಮಾತಿಗೆ ರಾಹುಲ್ ಗಾಂಧಿ ರಕ್ತವನ್ನ ಸಿದ್ದರಾಮಯ್ಯ ಪರೀಕ್ಷೆ ಮಾಡಿಸಿ, ಹೇಳಬೇಕು ಎಂದು ಪ್ರತಿಕ್ರಿಯಿಸದರು.
