ಶ್ರೀಹರಿಕೋಟಾ, (ಏ.12): ಭಾರತದ ದಿಕ್ಸೂಚಿ ಸ್ಯಾಟಲೈಟ್ ಐಆರ್ಎನ್ಎಸ್ಎಸ್-1ಐ ಉಪಗ್ರಹ ಯಶಸ್ವಿಯಾಗಿ ಉಡಾವಣೆಗೊಂಡಿದೆ.
ಈ ಹಿಂದೆ ರೂಪಿಸಿದ್ದ ಸ್ವದೇಶಿ ಪ್ರಾದೇಶಿಕ ದಿಕ್ಸೂಚಿ ಸ್ಯಾಟಲೈಟ್ ಉಪಗ್ರಹದ ಭಾಗ ಈ ನಾವಿಕ್ ಉಪಗ್ರಹವಾಗಿದೆ. 1,425ಕೆಜಿ ತೂಕದ ಪಿಎಸ್ಎಲ್ವಿ -41 ರಾಕೆಟನ್ನು ಇಂದು ಮುಂಜಾನೆ ಉಡಾವಣೆ ಮಾಡಲಾಯಿತು.
ಉಪಗ್ರಹ ಉಡಾವಣೆ ಬಳಿಕ ಮಾತನಾಡಿದ ಇಸ್ರೋ ಮುಖ್ಯಸ್ಥ ಕೆ. ಶಿವನ್ ಉಪಗ್ರಹ ಯಶಸ್ವಿಗೊಂಡು ನಿರ್ಧಿಷ್ಟ ಕಕ್ಷೆಗೆ ಸೇರಿದೆ ಎಂದು ಹೇಳಲು ಇಚ್ಛಿಸುತ್ತೇನೆ ಎಂದು ಸಂತಸ ವ್ಯಕ್ತಪಡಿಸಿದರು.
ಇಸ್ರೋ ಮುಂದಿನ ಏಂಟು ತಿಂಗಳಲ್ಲಿ 9 ಮಿಷನ್ ಉಡಾವಣೆ ಮಾಡುವ ಉದ್ದೇಶವನ್ನು ಹೊಂದಿದ್ದು, ಈ ವರ್ಷದ ಅಂತ್ಯದಲ್ಲಿ ಚಂದ್ರಯಾನವನ್ನು ಹಮ್ಮಿಕೊಳ್ಳಲಾಗುವುದು ಎಂದರು.
ನಾಲ್ಕು ಹಂತದ ಇಂಜಿನ್ ಒಳಗೊಂಡ ಪಿಎಸ್ಎಲ್ವಿ ಗುರುವಾರ ಮುಂಜಾನೆ 4.04 ನಿಮಿಷ್ಕೆ ಇಡಾವಣೆ ಮಾಡಲಾಯಿತು.
ಇದಕ್ಕೆ ಮುಂಚೆ ಉಡಾವಣೆ ಗೊಂಡಿದ್ದ ಐಆರ್ಎನ್ಎಸ್ಎಸ್ -1ಎ ಹಾಗೂ ಆಗಸ್ಟ್ನಲ್ಲಿ ಉಡಾವಣೆಗೊಂಡಿದ್ದ ಐಆರ್ಎನ್ಎಸ್ಎಸ್- 1ಎಚ್ ನಿರ್ದಿಷ್ಟ ಕಕ್ಷೆ ಸೇರುವಲ್ಲಿ ವಿಫಲವಾಗಿದ್ದವು.
