ಸೂರ್ಯನ ಬೆಳಕಿಗೆ ನಾವು ಹೆಚ್ಚು ಒಡ್ಡಿಕೊಂಡಷ್ಟು, ನಾವು ಸನ್‌ಬರ್ನ್‌ಗಳ ಅಪಾಯಕ್ಕೆ ತುತ್ತಾಗುತ್ತೇವೆ. ಇದಕ್ಕಾಗಿ ಚಿಂತಿಸಬೇಡಿ. ಸನ್ಬರ್ನ್ಗಳನ್ನು ನಿವಾರಿಸಿಕೊಳ್ಳುವ ಉತ್ತಮ ಉಪಾಯವನ್ನು ನಾವು ನಿಮಗೆ ಇಂದು ನೀಡುತ್ತೇವೆ. ನಾವು ಇಂದು ನಿಮಗೆ ತಿಳಿಸುತ್ತಿರುವ ಮನೆ ಮದ್ದು, ಸೌತೆಕಾಯಿ! ಹೌದು ಸೌತೆಕಾಯಿಯೇ ಬನ್ನಿ ಸನ್ಬರ್ನ್ಗಳನ್ನು ನಿವಾರಿಸುವಲ್ಲಿ ಇದರ ಗುಣ ವಿಶೇಷತೆಗಳ ಕುರಿತು ತಿಳಿದುಕೊಳ್ಳೋಣ.
ಸೌತೆಕಾಯಿಗಳು ಆಂಟಿಆಕ್ಸಿಡೆಂಟ್ ಮತ್ತು ನೋವು ನಿವಾರಕ ಗುಣಗಳನ್ನು ಒಳಗೊಂಡಿದೆ. ಇದರ ಆಂಟಿ ಆಕ್ಸಿಡೆಂಟ್ ಪ್ರಯೋಜನಗಳು ಕೋಶಗಳಿಗೆ ಆಕ್ಸಿಡೇಶನ್ ಮೂಲಕ ಹಾನಿಯನ್ನು ಉಂಟು ಮಾಡುತ್ತವೆ. ಇದರ ನೋವು ನಿವಾರಕ ಗುಣಗಳು ಸನ್‌ಬರ್ನ್‌ನಿಂದ ಕಾಣಿಸಿಕೊಳ್ಳುವ ನೋವಿನಿಂದ ತಕ್ಷಣ ಮುಕ್ತಿಯನ್ನು ನೀಡುತ್ತವೆ. ಇದಕ್ಕಿಂತ ಇನ್ನೂ ಉತ್ತಮ ಅಂಶವೇನೆಂದರೆ ಸೌತೆಕಾಯಿಗಳು, ಸ್ವಾಭಾವಿಕವಾದ ಮತ್ತು ಸುರಕ್ಷಿತವಾದ ಮನೆ ಮದ್ದಾಗಿರುತ್ತದೆ.
ಸೌತೆಕಾಯಿಯನ್ನು ಸನ್‌ಬರ್ನ್‌ಗಳಿಗಾಗಿ ಉಪಯೋಗಿಸಲು ಇರುವ ಅತ್ಯುತ್ತಮ ಮಾರ್ಗ ಎಂದರೆ, ಸೌತೆಕಾಯಿಯನ್ನು ಪೇಸ್ಟ್ ಮಾಡಿ ಬಳಸುವುದಾಗಿರುತ್ತದೆ. ಇದರಿಂದ ಹೆಚ್ಚಿನ ಪ್ರಯೋಜನಗಳನ್ನು ಪಡೆಯಲು, ಸೌತೆಕಾಯಿಗಳನ್ನು ಬಳಸುವ ಮೊದಲು ಒಂದು ಗಂಟೆ ಕಾಲ ಫ್ರಿಡ್ಜ್‌ನಲ್ಲಿಡಿ. ಹೀಗೆ ತಣ್ಣಗಿರುವ ಸೌತೆಕಾಯಿಯನ್ನು ಬಳಸುವುದರಿಂದ ತ್ವಚೆಯು ತಂಪಾಗುತ್ತದೆ ಮತ್ತು ಅಸೌಖ್ಯವನ್ನು ಉಂಟು ಮಾಡುತ್ತದೆ. ಒಂದು ವೇಳೆ ನಿಮಗೆ ಸೌತೆಕಾಯಿಯನ್ನು ರುಬ್ಬಿ ಬಳಸುವುದಕ್ಕೆ ಹೆಚ್ಚಿನ ಸಮಯ ವ್ಯರ್ಥವಾಗುತ್ತಿದೆ ಎನಿಸಿದಲ್ಲಿ, ಸೌತೆಕಾಯಿಯನ್ನು ಹಾಗೆಯೇ ಕತ್ತರಿಸಿ ಸನ್‍ಬರ್ನ್ ಆದ ಭಾಗದಲ್ಲಿ ಉಜ್ಜಿಕೊಳ್ಳಿ!
ಕೇವಲ ಸನ್‌ಬರ್ನ್‌ಗಳಿಗೆ ಮಾತ್ರವಲ್ಲ, ಸೌತೆಕಾಯಿಗಳು ಸೂರ್ಯನ ಬೆಳಕಿಗೆ ನಿಮ್ಮ ದೇಹ ಒಡ್ಡಿಕೊಂಡ ಮೇಲೆ ತಕ್ಷಣಕ್ಕೆ ಹಲವಾರು ಕಾರಣಗಳಿಗಾಗಿ ಸಹಾಯ ಮಾಡುತ್ತದೆ. ಇವು ತ್ವಚೆಯನ್ನು ತಂಪು ಮಾಡುತ್ತವೆ ಮತ್ತು ದೀರ್ಘಾವಧಿಯಲ್ಲಿ ಸನ್‌ಬರ್ನ್‌ಗಳು ಕಾಣಿಸಿಕೊಳ್ಳುವಿಕೆಯನ್ನು ತಡೆಯುತ್ತವೆ.
ಮುಂದಿನ ಬಾರಿ ಸೂರ್ಯನ ತಾಪಮಾನದಿಂದ ನಿಮ್ಮ ತ್ವಚೆಯಲ್ಲಿ ಸನ್‍ಬರ್ನ್ ಕಾಣಿಸಿಕೊಂಡಲ್ಲಿ, ಒಂದು ಸೌತೆಕಾಯಿಯನ್ನು ತೆಗೆದುಕೊಂಡು ನಾವು ಹೇಳಿದ ರೀತಿಯಲ್ಲಿ ಪರಿಹಾರವನ್ನು ಪಡೆಯಿರಿ. ನೋವು ಹಾಗು ಉರಿಯೂತಕ್ಕೆ ಈ ಮದ್ದು ರಾಮಬಾಣವಾಗಿರುತ್ತದೆ ಮತ್ತು ನಿಮ್ಮ ತ್ವಚೆಯು ಈ ಪರಿಹಾರದಿಂದಾಗಿ ಕೆಲವೇ ದಿನಗಳಲ್ಲಿ, ಹಿಂದಿನ ಕಾಂತಿಯಿಂದ ಕಂಗೊಳಿಸುತ್ತದೆ. ಇದರಿಂದ ಹೆಚ್ಚು ಪ್ರಯೋಜನ ಪಡೆಯಲು ಈ ಸೌತೆಕಾಯಿಯ ಪರಿಹಾರವನ್ನು ನಿತ್ಯ ಬಳಸಿ!.
