ಕುಂಬಳೆ : ಶ್ರೀ ರಾಮಚಂದ್ರಾಪುರ ಮಠ ಶ್ರೀ ಗುರುಗಳ ನಿರ್ದೇಶಾನುಸಾರ; ಕುಂಬಳೆ ವಲಯ ಮಾತೃವಿಭಾಗ ಆಯೋಜಿಸಿದ ಸ್ವಾಸ್ಥ್ಯ ಮಂಗಲಕಾರ್ಯಕ್ರಮವು 4-7-2017ರಂದು ಅಪರಾಹ್ನ ಮುಜುಂಗಾವು ವಿದ್ಯಾಪೀಠದಲ್ಲಿ ನೆರವೇರಿತು. ಶಂಖನಾದದೊಂದಿಗೆ ಪ್ರಾರಂಭವಾಗಿ, ವಲಯದ ಉಪಾಧ್ಯಕ್ಷೆ ಶ್ರೀಮತಿ ಪದ್ಮಾವತಿ ಡಿ.ಪಿ.ಭಟ್ ದೀಪಬೆಳಗಿ ಉದ್ಘಾಟಿಸಿದರು. ವಲಯಾಧ್ಯಕ್ಷರಾದ ಬಾಲಕೃಷ್ಣ ಶರ್ಮರು ಪ್ರಾಸ್ತಾವಿಕ ನುಡಿಗಳನ್ನಾಡಿದರು.
ಕಾರ್ಯಕ್ರಮಕ್ಕೆ ಸಂಪನ್ಮೂಲ ವ್ಯಕ್ತಿಯಾಗಿ ಆಯುರ್ವೇದ ತಜ್ಞೆ ಡಾ|ಶೋಭಾ ಕೃಷ್ಣರಾಜ ಕಾಟಿಪ್ಪಳ್ಳ, ಆಹ್ವಾನಿತರಾಗಿ ಆಗಮಿಸಿದ್ದರು. ಶ್ರೀಮತಿಯವರು ಆಹಾರದಲ್ಲಿ ಸ್ವಾಸ್ಥ್ಯ ಕಾಪಾಡುವ ಬಗೆಯಲ್ಲಿ ಮುಖ್ಯ ಪಾತ್ರವಹಿಸುವ ಅಡಿಗೆ ತಯಾರಿಸುವ,ಸೇವಿಸುವ ಕ್ರಮ, ಪಾತ್ರೆ,ಅಡಿಗೆ ಮನೆ,ಸಾವಯವ ತರಕಾರಿಗಳ ಬಗ್ಗೆ ವಿಶದವಾಗಿ ತಿಳಿಸಿದ್ದಲ್ಲದೆ; ಶೋತೃಗಳ ಸಂಶಯ, ಸಂದೇಹಗಳಿಗೂ ಉತ್ತರಿಸಿದರು.
ಶಿಕ್ಷಣ ತಜ್ಞರೂ ಪ್ರಖ್ಯಾತ ಸಾಹಿತಿಗಳೂ ಆದ ವಿ.ಬಿ.ಕುಳಮರ್ವರು, ಕಾರ್ಯಕ್ರಮದ ಕೊನೆಗೆ ತಮ್ಮ ಉತ್ತಮ ಅನಿಸಿಕೆಗಳನ್ನು ವ್ಯಕ್ತಪಡಿಸಿದರು. ವಲಯಮಾತೃಪ್ರಧಾನರಾದ ಶಿವಕುಮಾರಿ ಕುಂಚಿನಡ್ಕ, ವಲಯದ ಕಾರ್ಯದರ್ಶಿಗಳಾದ ಸೇಡಿಗುಮ್ಮೆ ಗೋಪಾಲಕೃಷ್ಣಭಟ್,ವಿದ್ಯಾಪೀಠದ ಆಡಳಿತಾಧಿಕಾರಿ ಶ್ಯಾಂಭಟ್ ದರ್ಭೆಮಾರ್ಗ ಉಪಸ್ಥಿತರಿದ್ದರು.
ಡಾ| ಶೋಭಾ ಕೃಷ್ಣರಾಜ ಕಾಟಿಪ್ಪಳ್ಳ ಇವರಿಗೆ; ಶ್ರೀಮತಿ ಸಾವಿತ್ರಿ ದೊಡ್ಡಮಾಣಿ ಹಾಗೂ ವಿಜಯಾಸುಬ್ರಹ್ಮಣ್ಯ ಸ್ಮರಣಿಕೆಯಿತ್ತು ಗೌರವಿಸಿದರು.
ಶ್ರೀಮತಿ ದೀಪಾ ದೊಡ್ಡಮಾಣಿ ನಿರೂಪಣೆಯಿತ್ತರು. ಶ್ರೀಮತಿ ಪಾರ್ವತಿ ಪೆರಡಾನ ವಂದನಾರ್ಪಣೆ ಗೈದರು.
ಮುಂದೆ ಮಾತೆಯರಿಂದ ಕುಂಕುಮಾರ್ಚನೆ ನೆರವೇರಿತು.
ವರದಿ–ವಿಜಯಾಸುಬ್ರಹ್ಮಣ್ಯ.
