ಕಾರವಾರ:ಉತ್ತರ ಕನ್ನಡಿಗರಿಗೆ ಈ ಸುದ್ದಿ ನಿಜವಾಗಿಯೂ ನೋವು ಉಂಟುಮಾಡುವಂತದ್ದು. ಚತ್ತೀಸ್ಗಢದಲ್ಲಿ ನಕ್ಸಲರು ನಡೆಸಿದ್ದ ಅಟ್ಟಹಾಸಕ್ಕೆ ಕಾರವಾರ ಜಿಲ್ಲೆಯ ಯೋಧ ವಿಜಯಾನಂದ ಸುರೇಶ್ ನಾಯ್ಕ್ ಹುತಾತ್ಮರಾಗಿದ್ದಾರೆ.
ದೇಶ ಕಾಯುವ ಯೋಧನಾಗಿ ಸೇವೆ ಸಲ್ಲಿಸುತ್ತಿದ್ದ ವಿಜಯಾನಂದ ಸುರೇಶ್ ನಾಯ್ಕ್ ಸಾವು ಜಿಲ್ಲೆಗೆ ಆಘಾತ ತಂದಿದೆ.
ಚತ್ತೀಸ್ಗಢದ ಕಂಕರ್ ಜಿಲ್ಲೆಯ ಬಸ್ತರ್ ವಲಯದಲ್ಲಿ ನಿನ್ನೆ ನಕ್ಸಲರು ನೆಲ ಬಾಂಬ್ ಸ್ಫೋಟಿಸಿದ್ದರು. ಮಾವೋವಾದಿಗಳ ಕೃತ್ಯಕ್ಕೆ ಇಬ್ಬರು ಬಿಎಸ್ಎಫ್ ಯೋಧರು ಹುತಾತ್ಮರಾಗಿದ್ದರು. ಮೃತ ಇಬ್ಬರಲ್ಲಿ ಕಾರವಾರದ ಯೋಧ ವಿಜಯಾನಂದ ಸುರೇಶ್ ನಾಯ್ಕ್ ಕೂಡ ಒಬ್ಬರಾಗಿದ್ದಾರೆ.
ಇವರು ವಿಜಯಾನಂದ 2014ರಲ್ಲಿ ಬಿಎಸ್ಎಫ್ ಯೋಧರಾಗಿ ಸೇನೆಗೆ ಸೇರಿಕೊಂಡಿದ್ದರು. ಯೋಧ ವಿಜಯಾನಂದ, ನಿವೃತ್ತ ರೆವಿನ್ಯೂ ಇನ್ಸ್ಪೆಕ್ಟರ್ ಸುರೇಶ್ ನಾಯ್ಕ್ ಅವರ ಪುತ್ರ ಎಂದು ವರದಿಯಾಗಿದೆ.
