ಕುಮಟಾ: ವಿಧಾತ್ರಿ ಅಕಾಡೆಮಿಯ ಸಹಭಾಗಿತ್ವದ ಕೊಂಕಣ ಎಜ್ಯುಕೇಶನ್ ಟ್ರಸ್ಟ್ ನ ಸರಸ್ವತಿ ಪದವಿಪೂರ್ವ ಕಾಲೇಜಿನ ವಿದ್ಯಾರ್ಥಿಗಳು, ಇಂಜಿನಿಯರಿಂಗ್, ಕೃಷಿ ವಿಜ್ಞಾನ, ಪಶುವೈದ್ಯಕೀಯ, ಬಿ.ಎನ್.ವಾಯ್. ಎಸ್., ಬಿ. ಫಾರ್ಮಾ, ಡಿ.ಫಾರ್ಮಾ, ಮುಂತಾದ ಕೋರ್ಸಗಳ ಪ್ರವೇಶಾತಿಗಾಗಿ ಕೆ.ಇ.ಎ. ನಡೆಸುವ ಕೆ.ಸಿ.ಇ.ಟಿ. – 2025 ರ ಪರೀಕ್ಷೆಯಲ್ಲಿ ಅತ್ಯುತ್ತಮ ಸ್ಥಾನ ಗಳಿಸುವ ಮೂಲಕ ಗಮನಾರ್ಹ ಸಾಧನೆ ಮಾಡಿ ಸಂಸ್ಥೆಯ ಕೀರ್ತಿಯನ್ನು ಹೆಚ್ಚಿಸಿರುತ್ತಾರೆ.
ಮಂಗಳೂರಿನ ಪ್ರತಿಷ್ಠಿತ ವಿದ್ಯಾಸಂಸ್ಥೆಯಾದ ವಿಧಾತ್ರಿ ಅಕಾಡೆಮಿಯು ನುರಿತ ಉಪನ್ಯಾಸಕರುಗಳ ಮೂಲಕ ಕೆ.ಸಿ.ಇ.ಟಿ. ಪರೀಕ್ಷೆಗೆ ತರಬೇತಿಗೊಳಿಸಿ ವಿದ್ಯಾರ್ಥಿಗಳನ್ನು ಸಜ್ಜುಗೊಳಿಸಿತ್ತು. ಕು. ಚಿರಂಜೀವಿ ಎಸ್. ನಾಯ್ಕ್ ಪಶುವೈದ್ಯಕೀಯದಲ್ಲಿ 265 ನೇ ಸ್ಥಾನ ಹಾಗೂ ಕೃಷಿ ವಿಜ್ಞಾನದಲ್ಲಿ 710 ನೇ ಸ್ಥಾನ ಪಡೆದಿರುತ್ತಾನೆ. ಕು. ಸ್ವಾತಿ ವಿ. ಗಾಯತೊಂಡೆ ಕೃಷಿ ವಿಜ್ಞಾನ ದಲ್ಲಿ 858 ನೇ ಸ್ಥಾನ ಗಳಿಸಿರುತ್ತಾಳೆ. ಇಂಜಿನಿಯರಿಂಗ್ ವಿಭಾಗದಲ್ಲಿ ಕು. ಸಾಗರ್ ನಾಯ್ಕ್ 1917 ನೇ ಸ್ಥಾನ, ಕು. ಸ್ವಾತಿ ಗಾಯತೊಂಡೆ 2180 ನೇ ಸ್ಥಾನ, ಕು. ಸ್ಪಂದನ ಎನ್ 3719 ನೇ ಸ್ಥಾನ, ಸೃಜನ್ ನಾಯಕ 3179 ನೇ ಸ್ಥಾನ, ಭೂಮಿಕಾ ಭಟ್ಟ 3835 ನೇ ಸ್ಥಾನ, ಕು. ಸ್ವಿಜಲ್ 4823 ನೇ ಸ್ಥಾನ, ಕು. ತೇಜಸ್ವಿ ಹೆಗಡೆ 5646 ನೇ ಸ್ಥಾನ, ಕು. ಅನನ್ಯ ಭಾಗ್ವತ್ 6058 ನೇ ಸ್ಥಾನ, ಕು. ಸಿಂಚನಾ ಎಂ. ನಾಯ್ಕ 6570 ನೇ ಸ್ಥಾನ, ಕು. ಉನ್ನತಿ 7107 ನೇ ಸ್ಥಾನ, ಕು. ಚಿರಾಗ್ ಕವರಿ 7380 ನೇ ಸ್ಥಾನ, ಕು. ದೀಪಿಕಾ ಶೆಟ್ಟಿ 7381 ನೇ ಸ್ಥಾನ, ಕು. ಆಯುಷ ಕವರಿ 7385 ನೇ ಸ್ಥಾನ, ಕು. ಸ್ವರಾಜ 7565 ನೇ ಸ್ಥಾನ, ಕು. ಪ್ರೀತಿ ಶೇಟ್ 9015 ನೇ ಸ್ಥಾನ, ಕು. ಅದಿತಿ ವೈದ್ಯ 9254 ನೇ ಸ್ಥಾನ, ಕು. ವಿಠ್ಠಲ ಶಾನಭಾಗ 9452 ನೇ ಸ್ಥಾನ, ಕು. ಚಿನ್ಮಯ ಎನ್. ಹೆಗಡೆ 9662 ನೇ ಸ್ಥಾನ, ಕು. ಚಿರಂಜೀವಿ 9845 ನೇ ಸ್ಥಾನ ಗಳಿಸಿದ್ದಾರೆ, ಹಾಗೆಯೇ ಇನ್ನೂ ಇಪ್ಪತ್ತೈದಕ್ಕೂ ಹೆಚ್ಚಿನ ವಿದ್ಯಾರ್ಥಿಗಳು ಕೃಷಿ ವಿಜ್ಞಾನ, ಪಶುವೈದ್ಯಕೀಯ, ಬಿ.ಎನ್.ವಾಯ್. ಎಸ್., ಇಂಜಿನಿಯರಿಂಗ್, ಬಿ. ಫಾರ್ಮಾ, ಡಿ.ಫಾರ್ಮಾ, ಮುಂತಾದ ಕೋರ್ಸಗಳ ಪ್ರವೇಶಾತಿಗಾಗಿ ಕೆ.ಇ.ಎ. ನಡೆಸುವ ಕೆ.ಸಿ.ಇ.ಟಿ. – 2025ರಲ್ಲಿ ಹತ್ತು ಸಾವಿರದೊಳಗಿನ ಸ್ಥಾನ ಗಳಿಸಿ ಅತ್ಯುತ್ತಮ ಸಾಧನೆಗೈದು ಕಾಲೇಜಿನ ಗರಿಮೆಯನ್ನು ಹೆಚ್ಚಿಸಿದ್ದಾರೆ.
ವಿದ್ಯಾರ್ಥಿಗಳ ಈ ಸಾಧನೆಗೆ ಕೊಂಕಣ ಎಜ್ಯುಕೇಶನ್ ಟ್ರಸ್ಟ್ ನ ಪದಾಧಿಕಾರಿಗಳು, ವಿಧಾತ್ರಿ ಅಕಾಡೆಮಿಯ ಸಹಸಂಸ್ಥಾಪಕರಾದ ಗುರುರಾಜ ಶೆಟ್ಟಿ, ಪ್ರಾಂಶುಪಾಲರಾದ ಕಿರಣ ಭಟ್ಟ, ಉಪಪ್ರಾಂಶುಪಾಲರಾದ ಸುಜಾತಾ ಹೆಗಡೆ, ಸಂಯೋಜಕರಾದ ಪ್ರಸನ್ನ ಹೆಗಡೆ, ಉಪನ್ಯಾಸಕರು ಹಾಗೂ ಸಿಬ್ಬಂದಿ ವರ್ಗದವರು ಹರ್ಷವನ್ನು ವ್ಯಕ್ತಪಡಿಸಿ ವಿದ್ಯಾರ್ಥಿಗಳ ಮುಂದಿನ ಭವಿಷ್ಯಕ್ಕೆ ಶುಭವನ್ನು ಹಾರೈಸಿದ್ದಾರೆ.