ಶಿರಸಿ: ವೈವಿಧ್ಯಮಯ ಮತ್ತು ಹೊಸತನವನ್ನು ತನ್ನ ಪ್ರತಿ ಗ್ರಾಹಕ ಸ್ನೇಹಿ ಚಟುವಟಿಕೆಯಲ್ಲಿ ವ್ಯಕ್ತಪಡಿಸುತ್ತಿರುವ ಟಿ.ಎಸ್.ಎಸ್. ಇದೇ ಅಕ್ಟೋಬರ್ 23,24 ರಂದು ತನ್ನ ಆವರಣದಲ್ಲಿ ಅಟೋ ಎಕ್ಸ್‍ಪೋ-2018 ಮತ್ತು ಫುಡ್ ಎಕ್ಸಪ್ರೆಸ್ ನ್ನು ಆಯೋಜಿಸಿದೆ. ದ್ವಿಚಕ್ರ ವಾಹನದ ಪ್ರಸಿದ್ಧ ಪೂರೈಕೆ ಕಂಪನಿಗಳಾದ ಯಮಹಾ, ಟಿ.ವಿ.ಎಸ್., ಹೋಂಡಾ, ಬಜಾಜ್, ಓಕಿನವಾ, ರೋಯಲ್ ಎನ್‍ಫೀಲ್ಡ್ ಮತ್ತು ಸುಝುಕಿ ಕಂಪನಿಗಳ ಪ್ರತಿನಿಧಿಗಳು ಹಾಗೂ ಕಾರು ತಯಾರಿಕಾ ಕಂಪನಿಗಳಾದ ಹೊಂಡಾ, ಮಾರುತಿ ಸುಝುಕಿ, ಹುಂಡೈ, ನೆಕ್ಸಾ, ಫೋರ್ಡ್, ಟಾಟಾ ಮೋಟರ್ಸ್, ಟೊಯೋಟಾ ಮತ್ತು ರೆನಾಲ್ಟ್ ಇವರು ವಾಹನಗಳೊಂದಿಗೆ ಭಾಗವಹಿಸಲಿದ್ದಾರೆ. ಒಂದೇ ಸೂರಿನಡಿಯಲ್ಲಿ ಗ್ರಾಹಕರು ಖರೀದಿಸ ಬಯಸುವ ವಾಹನಗಳ ತುಲನಾತ್ಮಕ ವಿಮರ್ಶೆ ಇದರಿಂದ ದೊರೆಯಲ್ಲಿದ್ದು, ಖರೀದಿಗೆ ಅನುಕೂಲಕರವಾಗಲಿದೆ. ಕಂಪನಿ ಮತ್ತು ಡೀಲರ್‍ಗಳಿಂದ ವಿಶೇಷ ರಿಯಾಯತಿ ಇರಲಿದ್ದು, ಟಿ.ಎಸ್.ಎಸ್. ಆ ದಿನಗಳಲ್ಲಿ ಖರೀದಿಸಿದ ಗ್ರಾಹಕರಿಗೆ ಖಚಿತ ಉಡುಗೊರೆ ಮತ್ತು ಲಕ್ಕಿ ಡ್ರಾ ಯೋಜನೆಯನ್ನು ರೂಪಿಸಿದೆ.
ಜೊತೆಗೆ ಇದೇ ಪ್ರಥಮ ಬಾರಿಗೆ ವಿವಿಧ ತಿನಸುಗಳ ಸಂಭ್ರಮ “ಫುಡ್ ಎಕ್ಸ್‍ಪ್ರೆಸ್” ಸಹ ಆಯೋಜನೆ ಆಗಿದ್ದು, ದಕ್ಷಿಣ ಭಾರತೀಯ ಮತ್ತು ಉತ್ತರ ಭಾರತೀಯ ಶೈಲಿಯ ತಿನಿಸುಗಳು ಅಂದು ಲಭ್ಯವಿದೆ. ನುರಿತ ಬಾಣಸಿಗರಿಂದ ತಯಾರಿಸಲಾಗುವ ವಿಶೇಷ ತಿನಿಸುಗಳು ಗ್ರಾಹಕರ ಮನತಣ ಸಲಿವೆ.
ಆಟೋ ಎಕ್ಸ್‍ಪೋ ಕಾರ್ಯಕ್ರಮದ ಉದ್ಘಾಟನಾ ಸಮಾರಂಭವು ದಿನಾಂಕ 23 ಮಂಗಳವಾರ ಬೆಳಿಗ್ಗೆ 10.00 ಘಂಟೆಗೆ ಜರುಗಲಿದ್ದು ಶಿರಸಿ ಎ. ಪಿ. ಎಂ. ಸಿ. ಅಧ್ಯಕ್ಷರಾದ ಶ್ರೀ ಸುನೀಲ್ ನಾಯ್ಕ ಹಾಗೂ ಶ್ರೀ ಅಶೋಕ ಭಿ ಬಾಸರಕೋಡ( ಐ. ಎಫ್. ಎಸ್.) ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿಗಳು ಕೆನರಾ ವೃತ್ತ ಶಿರಸಿ ಇವರುಗಳು ಮುಖ್ಯ ಅತಿಥಿಗಳಾಗಿ ಭಾಗವಹಿಸಿಲಿದ್ದಾರೆ. ಅಂತೆಯೇ ದಿನಾಂಕ 24 ಬುಧವಾರ ಸಂಜೆ 6.00 ಘಂಟೆಗೆ ಸಮಾರೋಪ ಸಮಾರಂಭವು ನೇರವೇರಲಿದ್ದು ಶ್ರೀ ಡಿ. ಎಲ್. ನಾಗೇಶ (ಐ. ಪಿ. ಎಸ್.) ಸಹಾಯಕ ಪೋಲೀಸ್ ಅಧೀಕ್ಷಕರು ಶಿರಸಿ ಇವರು ಭಾಗವಹಿಸಲಿದ್ದಾರೆ. ಈ ಎರಡೂ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಟಿ. ಎಸ್. ಎಸ್. ನ ಅಧ್ಯಕ್ಷರಾದ ಶ್ರೀ ಶಾಂತಾರಾಮ ಹೆಗಡೆ ಶೀಗೇಹಳ್ಳಿ ಇವರು ವಹಿಸಲಿದ್ದಾರೆ.
ಹೆಚ್ಚಿನ ಸಂಖ್ಯೆಯಲ್ಲಿ ಗ್ರಾಹಕರು ಭಾಗವಹಿಸಿ ಎಕ್ಸ್‍ಪೋದ ಪ್ರಯೋಜನವನ್ನು ಪಡೆಯಬೇಕೆಂದು ಪ್ರಧಾನ ವ್ಯವಸ್ಥಾಪಕರಾದ ಶ್ರೀ ರವೀಶ ಹೆಗಡೆಯವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
