ಶಿರಸಿ: ಉತ್ತರ ಕನ್ನಡ ಜಿಲ್ಲಾ ಕನ್ನಡ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು ನೂತವಾಗಿ ಸಂಘಟಿಸುತ್ತಿರುವ ವಚನ ಚಿಂತನ ವೇದಿಕೆ ‘ಅನುಭವ ಮಂಟಪ’ದ ಉದ್ಘಾಟನಾ ಕಾರ್ಯಕ್ರಮ ನ.18ರಂದು ಮುಂಜಾನ 10.30ಕ್ಕೆ ಪಟ್ಟಣದ ಗಣೇಶ ತೇತ್ರಾಲಯದ ನಯನ ಸಬಾಂಗಣದಲ್ಲಿ ನೆರವೇರಲಿದೆ.
ಅನುಭವ ಮಂಟಪದ ಉದ್ಘಾಟನೆಯನ್ನು ಶಿರಸಿಯ ನೆಮ್ಮದಿ ಕುಟೀರದ ಬಳಗದ ಸಂಚಾಲಕ ಹಾಗೂ ಚಿಂತಕ ವಿ.ಪಿ.ಹೆಗಡೆ ವೈಶಾಲಿ ನೆರವೇರಿಸಲಿದ್ದು, ಅಧ್ಯಕ್ಷತೆಯನ್ನು ಜಿಲ್ಲಾ ಕ.ಸಾ.ಪ ಅದ್ಯಕ್ಷ ಅರವಿಂದ ಕರ್ಕಿಕೋಡಿ ಅವರು ವಹಿಸಲಿದ್ದಾರೆ.
ಮುಖ್ಯ ಅತಿಥಿಗಳಾಗಿ ಹಿರಿಯ ಸಾಹಿತಿ ಎಲ್.ಆರ್.ಭಟ್ಟ, ವಿಜಯ ಸಂದೇಶ ಪತ್ರಿಕೆಯ ಸಂಪಾದಕಿ ಸುಮಂಗಲಾ ಅಂಗಡಿ ಆಗಮಿಸಲಿದ್ದಾರೆ. ಈ ಸಂದರ್ಭದಲ್ಲಿ ವಚನ ಚಳುವಳಿ ಕುರಿತಂತೆ ಕಾರವಾರ ತಾಲೂಕು ಕ.ಸಾ.ಪ. ಅಧ್ಯಕ್ಷ ನಾಗರಾಜ ಹರಪನಹಳ್ಳಿ ಉಪನ್ಯಾಸ ನೀಡಲಿದ್ದಾರೆ ಎಂದು ಅನುಭವ ಮಂಟಪದ ಸಂಚಾಲಕ ಶಂಕರ ಮುಂಗರವಾಡಿ ತಿಳಿಸಿದ್ದಾರೆ.
