ಕುಮಟಾ:ಇದೇ ಬರುವ ದಿನಾಂಕ 21 ರಿಂದ 25 ರ ವರೆಗೆ ಕುಮಟಾದ ಮಣಕಿ ಮೈದಾನದಲ್ಲಿ ನಡೆಯಲಿರುವ ಕುಮಟಾ ವೈಭವ ಯಶಸ್ಸಿಗೆ ವೈಭವ ಸಮಿತಿಯ ತಂಡ ಹಗಲು ರಾತ್ರಿ ಶ್ರಮಿಸುತ್ತಿದೆ.
ಶಿವಾನಂದ ಹೆಗಡೆ, ಎಮ್ ಜಿ ಭಟ್ಟ, ಮಂಜುನಾಥ ನಾಯ್ಕ, ನಾಗರಾಜ ನಾಯಕ ತೊರ್ಕೆ, ನರಸಿಂಹ ಭಟ್ಟ, ಕೃಷ್ಣಾನಂದ ಭಟ್ಟ, ಹೇಮಂತ ಗಾಂವಕರ, ಪ್ರಕಾಶ್ ಹೀಗೆ ಅನೇಕರನ್ನು ಒಳಗೊಂಡ ತಂಡ ಕುಮಟಾದ ಜನತೆಗೆ ಮನರಂಜನೆಯ ರಸದೌತಣ ನೀಡಲು ಶ್ರಮ ವಹಿಸುತ್ತಿದ್ದಾರೆ.
ಎಮ್ ಜಿ ಭಟ್ಟ ರವರು ತಮ್ಮದೇ ತಂಡದೊಂದಿಗೆ ಪ್ರತಿದಿನ ಸಭೆ ಸೇರಿ ಕಾರ್ಯಕ್ರಮ ಅಚ್ಚುಕಟ್ಟಾಗಿ ನಡೆಯುವಂತೆ ನೋಡಿಕೊಳ್ಳಲು ರೂಪುರೇಷೆ ಸಿದ್ಧಪಡಿಸುತ್ತಿದ್ದಾರೆ.
ಈಗಾಗಲೇ ವೇದಿಕೆ, ಮಳಿಗೆಗಳು ಇತರ ವ್ಯವಸ್ಥೆಗಳು ಸಿದ್ಧಗೊಳ್ಳುತ್ತಿವೆ.
ಮನರಂಜನೆ ನೀಡಲು ವಿವಿಧ ಕಾರ್ಯಕ್ರಮದ ತಂಡಗಳು, ವಿಜಯ್ ಪ್ರಕಾಶ್, ಶಮಿತಾ ಮಲ್ನಾಡ್, ಚಿತ್ರನಟರು ವೈಭವದ ವೇದಿಕೆಗೆ ಆಗಮಿಸುವುದು ಖಚಿತವಾಗಿದ್ದು 5 ದಿನ ಕುಮಟಾದಲ್ಲಿ ಮನರಂಜನಾ ಜಾತ್ರೆಗೆ ಮೈದಾನ ಸಿದ್ಧಗೊಳ್ಳುತ್ತಿದೆ.. ಈಗಾಗಲೇ ಸ್ಥಳೀಯ ಹಾಡುಗಾರರಿಗೆ, ನೃತ್ಯ ತಂಡದವರಿಗೂ ಒಂದು ಗಂಟೆ ಅವಕಾಶ ನೀಡಲಾಗುವುದು ಎಂದು ತಿಳಿಸಿದೆ.. ಒಟ್ಟಿನಲ್ಲಿ ವೈಭವದಿಂದ ಕುಮಟಾ ವೈಭವ ಜನರಿಗೆ ಮನರಂಜನೆ ನೀಡಲಿರುವುದಂತೂ ಸತ್ಯ.
