ಕುಮಟಾ: ಇಲ್ಲಿನ ಜಿಲ್ಲಾ ಶಿಕ್ಷಣ ಮತ್ತು ತರಬೇತಿ ಸಂಸ್ಥೆ ವತಿಯಿಂದ ಜರುಗಿದ ಜಿಲ್ಲಾಮಟ್ಟದ ‘ಕನಕ ಸಾಹಿತ್ಯ ಲೋಕ’ ಪ್ರಬಂಧ ಸ್ಪರ್ಧೆಯಲ್ಲಿ ಕೊಂಕಣ ಎಜ್ಯುಕೇಶನ್ ಟ್ರಸ್ಟ್‍ನ ಸಿ.ವಿ.ಎಸ್.ಕೆ ಪ್ರೌಢಶಾಲೆಯ ವಿದ್ಯಾರ್ಥಿನಿ ಕುಮಾರಿ ನಾಗಾಂಜಲಿ ಪರಮೇಶ್ವರ ನಾಯ್ಕ ಸ್ಪರ್ಧೆಯಲ್ಲಿ ಭಾಗವಹಿಸಿದ ಇಪ್ಪತ್ತಕ್ಕೂ ಅಧಿಕ ಸ್ಪರ್ಧಿಗಳನ್ನು ಹಿಂದಿಕ್ಕಿ ಪ್ರಥಮ ಸ್ಥಾನ ಗಿಟ್ಟಿಸಿ ಗಮನ ಸೆಳೆದಿದ್ದಾಳೆ.
ತಾಲೂಕಾ ಮಟ್ಟದ ‘ಗೀತಾ ಕಂಠಪಾಠ’ ಸ್ಪರ್ಧೆಯಲ್ಲಿ ಕುಮಾರಿ ಶ್ರೇಯಾ ವಿಷ್ಣು ಶಾನಭಾಗ ಮತ್ತು ಕುಮಾರ ಕಾರ್ತಿಕ ಗುರುಪ್ರಸಾದ ಶುಕ್ಲಾ ಇವರು ಕ್ರಮವಾಗಿ ಪ್ರಥಮ ಹಾಗೂ ದ್ವಿತೀಯ ಸ್ಥಾನ ಗಳಿಸಿದ್ದಾರೆ. ಅದೇ ರೀತಿ, ಕಾನ್ಫೆರನ್ಸ್ ಆನ್ ಕನ್ಸರ್ವೇಶನ್ ಆಂಡ್ ಸಸ್ಟೆನೇಬಲ್ ಮೆನೇಜ್‍ಮೆಂಟ್ ಆಫ್ ರಿವರಿನ್ ಇಕೋ ಸಿಸ್ಟಂ ವತಿಯಿಂದ ಮೂಡುಬಿದ್ರೆಯ ಆಳ್ವಾಸ್‍ನಲ್ಲಿ ನಡೆದ 11ನೇ ಬಿನಿಯಲ್ ಲೇಕ್ ಕಾನ್ಫರೆನ್ಸ್‍ನಲ್ಲಿ ಇದೇ ಶಾಲೆಯ ವಿದ್ಯಾರ್ಥಿಗಳಾದ ಕುಮಾರಿ ಅದಿತಿ ಪೈ ಹಾಗೂ ನೇಸರಾ ಕವರಿ ಇವರು ಪ್ರಥಮ ಸ್ಥಾನ ಗಳಿಸಿ ‘ಸಹ್ಯಾದ್ರಿ ಯಂಗ್ ಎಕಾಲಜಿಸ್ಟ್’ ಬಿರುದಿನಿಂದ ಸನ್ಮಾನಿತರಾಗಿ ಸಂಸ್ಥೆಗೆ ಕೀರ್ತಿ ತಂದಿದ್ದಾರೆ.
ವಿದ್ಯಾರ್ಥಿಗಳ ಈ ಎಲ್ಲಾ ಸಾಧನೆಗೆ ಆಡಳಿತ ಮಂಡಳಿ, ಮುಖ್ಯಾಧ್ಯಾಪಕಿ, ಶೈಕ್ಷಣ ಕ ಸಲಹೆಗಾರರು, ಶಿಕ್ಷಕರು ಹಾಗೂ ಪಾಲಕರು ಹರ್ಷ ವ್ಯಕ್ತಪಡಿಸಿ ಮುಂದಿನ ಹಂತದ ಸ್ಪರ್ಧೆಗೆ ಶುಭ ಹಾರೈಸಿದ್ದಾರೆ.
