ಕುಮಟಾ: ಇಲ್ಲಿಯ ಚಿತ್ರಿಗಿ ಮಹಾತ್ಮಾ ಗಾಂಧಿ ಪ್ರೌಢಶಾಲೆಯ ಹತ್ತನೆಯ ತರಗತಿ ಪ್ರತಿಭಾನ್ವಿತ ವಿದ್ಯಾರ್ಥಿ ಪ್ರಣ ೀತ ಕಡ್ಲೆ ಇನ್ಸ್ಪೈರ್ ಸೈಯನ್ಸ್ ಕಾರ್ಯಕ್ರಮದಲ್ಲಿ ವಿಶಿಷ್ಠವಾಗಿ ಗುರುತಿಸಿಕೊಂಡಿದ್ದಾನೆ. ಇತ್ತೀಚೆಗೆ ಮೂರೂರಿನ ಪ್ರಗತಿ ವಿದ್ಯಾಲಯದಲ್ಲಿ ನಡೆದ ಜಿಲ್ಲಾಮಟ್ಟದ ಇನ್ಸ್ಪೈರ್ ಸೈಯನ್ಸ್ ಅವಾರ್ಡ್ ಸ್ಪರ್ಧೆಯಲ್ಲಿ ಸೋಲಾರ್ ವಾಟರ್ ಹೀಟರ್‍ನಲ್ಲಿಯ ನ್ಯೂನತೆಗಳನ್ನು ಹೋಗಲಾಡಿಸುವತ್ತ ಚಿತ್ತ ಹರಿಸಿ ಹೊಸ ಚಿಂತನೆಯ ಆಧುನೀಕೃತ ಸಾಧನವನ್ನು ಪ್ರದರ್ಶಿಸಿ ರಾಜ್ಯಮಟ್ಟದ ಸ್ಪರ್ಧೆಗೆ ಆಯ್ಕೆಯಾಗಿದ್ದಾನೆ.
ಸೋಲಾರ್ ವಾಟರ್ ಹೀಟರ್‍ನಿಂದ ಸಮಪ್ರಮಾಣದ ತಾಪಮಾನದ ನೀರು ಬಳಸಲು ಲಭ್ಯವಾಗದ ಹಿನ್ನೆಲೆಯಲ್ಲಿ ಹಾಗೂ ಸಮಯದೊಂದಿಗೆ ನೀರು ತಾಪ ಕಳೆದುಕೊಳ್ಳುವುದನ್ನು ದೂರವಾಗಿಸಲು ವಿಶೇಷ ತಾಪ ಸಂಗ್ರಾಹಕವನ್ನು ಉಪಕರಣಕ್ಕೆ ಜೋಡಿಸುವ ಮೂಲಕ ಅಚ್ಚರಿಯ ಸಂಶೋಧನೆಯನ್ನು ಕೈಗೊಂಡಿದ್ದು ವಿಜ್ಣಾನಾಸಕ್ತರ ಗಮನ ಸೆಳೆದಿದ್ದಾನೆ.
ಅವನ ಸಾಧನೆಗೆ ತಂದೆ ಡಾ. ರವಿರಾಜ ಕಡ್ಲೆ, ಮುಖ್ಯಾಧ್ಯಾಪಕ ಎನ್.ಆರ್.ಗಜು, ವಿಜ್ಞಾನ ಅಧ್ಯಾಪಕರಾದ ಕಿರಣ ಪ್ರಭು, ಅನಿಲ್ ರೊಡ್ರಿಗಸ್, ನಾಗರತ್ನಾ ಭಂಡಾರಿ ಪ್ರೋತ್ಸಾಹಿಸುತ್ತಿದ್ದಾರೆ. ಶಾಲೆಯ ಶಿಕ್ಷಕಸಿಬ್ಬಂದಿಗಳು ಅಭಿನಂದಿಸಿದ್ದಾರೆ.
