ಯಲ್ಲಾಪುರ :ಉ.ಕ.ಜಿಲ್ಲಾ ೨೧ ನೇ ಸಾಹಿತ್ಯ ಸಮ್ನೇಳನದ ಅಧ್ಯಕ್ಷ ರಾದ ಡಾ. ಸಯ್ಯದ್ ಝಮೀರುಲ್ಲಾ ಷರೀಫ್ ಅವರಿಗೆ ಭಟ್ಕಳ ತಾಲೂಕಾ ಕನ್ನಡ ಸಾಹಿತ್ಯ ಪರಿಷತ್ ನಿಂದ ಸನ್ಮಾನಿಸಿ ಗೌರವಿಸಲಾಯಿತು.
ಝಮೀರುಲ್ಲಾ ಷರೀಫ್ ಅವರು ಭಟ್ಕಳದ ನೆಲಕ್ಕೆ ಮೊಟ್ಟ ಮೊದಲ ಜಿಲ್ಲಾ ಸಾಹಿತ್ಯ ಸಮ್ಮೇಳನಾಧ್ಯಕ್ಷತೆಯ ಗೌರವ ತಂದುಕೊಟ್ಟ್ವರು. ಮಾತ್ರವಲ್ಲ ಭಟ್ಕಳದ ನೆಲದಲ್ಲಿ ಸಾಹಿತ್ಯ ಕೃಷಿ ಪ್ರಾರಂಭಿಸಿದ್ದಲ್ಲದೇ ಪಸರಿಸಲೂ ಕಾರಣರಾದವರು. ಭಟ್ಕಳದಲ್ಲಿ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷರಾಗಿ ಯೂ ಸೇವೆಸಲ್ಲಿಸಿದವರು. ಸಾಹಿತ್ಯ ದ ಮೂಲಕ ಸೌಹಾರ್ದತೆಯ ಸೇತುವೆ ಕಟ್ಟಿದವರು. ಈ ನೆಲೆಯಲ್ಲಿ ಭಟ್ಕಳದ ಸಮಸ್ತ ಜನತೆಯ ಪರವಾನಗಿ ಭಟ್ಕಳ ತಾಲೂಕಾ ಸಾಹಿತ್ಯ ಪರಿಷತ್ ವತಿಯಿಂದ ಉ.ಕ.ಜಿಲ್ಲಾ ಸಾಹಿತ್ಯ ಸಮ್ಮೇಳನದ ಸಮಾರೋಪ ಸಮಾರಂಭಕ್ಕೂ ಮುನ್ನ ಕನ್ನಡದ ಪೇಟಾ, ಕನ್ನಡದ ಶಾಲು ಹಾಗೂ ಅಭಿನಂದನಾ ಫಲಕ ನೀಡಿ ವಿಶೇಷವಾಗಿ ಸನ್ಮಾನಿಸಲಾಯಿತು.
ಈ ಸಂದರ್ಬದಲ್ಲಿ ಕಸಾಪ ಜಿಲ್ಲಾಧ್ಯಕ್ಷ ಅರವಿಂದ ಕರ್ಕಿಕೋಡಿ ಭಟ್ಕಳ ತಾಲೂಕಾ ಕಸಾಪ ಅಧ್ಯಕ್ಷ ಗಂಗಾಧರ ನಾಯ್ಕ, ಕೋಶಾಧ್ಯಕ್ಷ ಶ್ರೀಧರ ಶೇಟ್, ಗೌರವ ಕಾರ್ಯದರ್ಶಿ ಗಣೇಶ ಯಾಜಿ, ಸಂಘಟನಾ ಸಮಿತಿ ಸದಸ್ಯ ಪಾಂಡುರಂಗ ಅಳ್ವೆಗದ್ದೆ, ಗೌರವ ಸಲಹೆಗಾರರಾದ ಆರ್.ಎಸ್.ನಾಯಕ, ಸದಸ್ಯರಾದ ಕೃಷ್ಣ ಮೊಗೇರ್, ಜಮೀರುಲ್ಲಾ ಷರೀಫ್ ಪ್ರತಿಷ್ಠಾನದ ಅಧ್ಯಕ್ಷ ಪಿ.ಆರ್.ನಾಯ್ಕ ಮುಂತಾದವರು ಉಪಸ್ಥಿತರಿದ್ದರು. ಕಸಾಪ ಕೋಶಾಧ್ಯಕ್ಷ ಶ್ರೀಧರ ಶೇಟ್ ಕಾರ್ಯಕ್ರಮ ನಿರ್ವಹಿಸಿದರೆ ತಾಲೂಕಾಧ್ಯಕ್ಷ ಗಂಗಾಧರ ನಾಯ್ಕ ಸನ್ಮಾನ ಪತ್ರ ವಾಚಿಸಿದರು.
