ಬೆಂಕಿಗೆ ಬಲಿಯಾದ ನೂರಾರು ಎಕರೆ ಅರಣ್ಯ: ಕೊಟ್ಟಿಗೆಗೂ ತಗುಲಿದ ಬೆಂಕಿಯಿಂದ ಸಾವು ಕಂಡ ಜಾನುವಾರು.

ಶಿರಸಿ: ಉಂಚಳ್ಳಿ ಗ್ರಾಮ ಪಂಚಾಯ್ತಿ ವ್ಯಾಪ್ತಿಯ ಗಣಪೆಜಡ್ಡಿಯಲ್ಲಿ ಅರಣ್ಯಕ್ಕೆ ಬೆಂಕಿ ಬಿದ್ದಿದ್ದು ನೂರಾರು ಎಕರೆ ಅರಣ್ಯ ಸುಟ್ಟು ಬೂದಿಯಾಗಿದೆ. ಅರಣ್ಯಕ್ಕೆ ಬೆಂಕಿ ಬಿದಿರುವುದನ್ನು ಗಮನಿಸಿದ ಸ್ಥಳಿಯರು ಬೆಂಕಿ ಆರಿಸಲು ಪ್ರಯತ್ನಿಸಿದ್ದಾರೆ.

ಅರಣ್ಯಕ್ಕೆ ಬಿದ್ದ ಬೆಂಕಿಯ ಕೆನ್ನಾಲಿಗೆಗೆ ನೂರಾರು ಎಕರೆ ಕಾಡು ಸುಟ್ಟು ಭಸ್ಮವಾದರೆ ಅದೇ ಬೆಂಕಿ ಕೊಟ್ಟಿಗೆಗೆ ಆವರಿಸಿ ಮೂರು ಜಾನುವಾರುಗಳನ್ನು ಬಲಿ ಪಡೆದ ಹೃದಯ ವಿದ್ರಾಹಕ ಘಟನ ನಡೆದಿದೆ.

ಅತ್ತ ಕಾಡಿನ ಬೆಂಕಿ ಆರಿಸುತ್ತಿರುವಾಗ ಇತ್ತ ಉಂಚಳ್ಳಿಯ ರಾಮಚಂದ್ರ ಶೆಟ್ಟಿ ಎನ್ನುವವರ ದನದ ಕೊಟ್ಟಿಗೆಗೆ ಬೆಂಕಿ ತಗುಲಿ ಹೊತ್ತಿ ಉರಿದಿದೆ. ಪರಿಣಾಮ ಮೂರು ಹಸುಗಳು ಕೊಟ್ಟಿಗೆಯಲ್ಲಿಯೇ ಸಾವನ್ನಪ್ಪಿವೆ.

ಕೊಟ್ಟಿಗೆ ಹಾಗೂ ಭತ್ತದ ಹುಲ್ಲು ಸಂಪೂರ್ಣ ಸುಟ್ಟಿದ್ದು, ಸುಮಾರು 2 ಲಕ್ಷ ರೂ. ಹಾನಿಯಾಗಿದೆ ಎಂದು ಅಂದಾಜಿಸಲಾಗಿದೆ.