ಮೇಷ:- ಮತ್ತೊಬ್ಬರ ಆಶ್ವಾಸನೆಯನ್ನು ಪೂರ್ತಿಯಾಗಿ ನಂಬಬೇಡಿ. ಅದರಿಂದ ತೊಂದರೆಯೇ ಹೆಚ್ಚಾಗುವ ಸಾಧ್ಯತೆ ಇದೆ. ಪರಾಕ್ರಮ ಕೆಲಸಗಳಲ್ಲಿ ಜಯವುಂಟಾಗುವುದು. ಆರ್ಥಿಕ ಸ್ಥಿತಿಯನ್ನು ಸಮತೋಲನಗೊಳಿಸಲು ಸಾಲ ಮಾಡುವುದು ಅನಿವಾರ್ಯವಾಗುವುದು.
ವೃಷಭ:- ಕೈಯಲ್ಲಿ ಬೆಣ್ಣೆ ಇಟ್ಟುಕೊಂಡು ತುಪ್ಪಕ್ಕಾಗಿ ಅಲೆದಾಡಿದರು ಎನ್ನುವಂತಾಗಿದೆ ನಿಮ್ಮ ಪರಿಸ್ಥಿತಿ. ಆದಷ್ಟು ನಿಜಸ್ಥಿತಿ ಬಗ್ಗೆ ನೈಜವಾಗಿ ತಿಳಿದುಕೊಂಡು ಕಾರ್ಯ ನಿರ್ವಹಿಸಿದಲ್ಲಿ ಹೆಚ್ಚಿನ ಅನುಕೂಲ ಕಂಡು ಬರುವುದು. ಹಣಕಾಸಿನ ಸ್ಥಿತಿ ಉತ್ತಮವಾಗಿರುವುದು.
ಮಿಥುನ:- ಕಲೆ ಮತ್ತು ಪತ್ರಿಕೋದ್ಯಮದಲ್ಲಿ ತೊಡಗಿಸಿಕೊಂಡ ಸಾಧಕರಿಗೆ ಬಹಳ ವಿಶೇಷ ಎನಿಸುವುದು. ಜನ್ಮಸ್ಥ ರಾಹುವಿನ ಪ್ರವೇಶವು ಮಾನಸಿಕ ಕಿರಿಕಿರಿಯನ್ನು ಉಂಟು ಮಾಡುವುದು. ದುರ್ಗಾ ಸ್ತೋತ್ರವನ್ನು ಪಠಿಸಿ. ಒಳಿತಾಗುವುದು.
ಕಟಕ:- ಪೊರೆ ಕಳಚಿದ ಹಾವಿನಂತೆ ನೀವು ಹೊಸ ಹುರುಪಿನಿಂದ ಕಾರ್ಯ ನಿರ್ವಹಿಸುವಿರಿ. ಜನ್ಮಸ್ಥ ರಾಹುವಿನ ಬಿಡುಗಡೆಯಿಂದ ನಿಮ್ಮ ಮುಂದಿನ ದಿನಗಳು ಉತ್ತಮವಾಗಿರುತ್ತವೆ. ಮನಸ್ಸಿನ ಬಿಕ್ಕಟ್ಟುಗಳು ದೂರಾಗಿ ಮನೋಕಾಮನೆಗಳು ಪೂರ್ಣಗೊಳ್ಳುವವು.
ಸಿಂಹ:- ವಿಶೇಷವಾಗಿ ಕುಲದೇವರನ್ನು ಧ್ಯಾನಿಸಿ. ಮನೆ ಮತ್ತು ಮನದಲ್ಲಿ ತುಂಬಿಕೊಂಡಿರುವ ಕಾರ್ಮೋಡಗಳು ಕರಗಿ ನೀರಾಗುವವು. ಹಣಕಾಸಿನ ಪರಿಸ್ಥಿತಿ ಉತ್ತಮವಾಗುವುದು. ವಿದೇಶದಿಂದ ಬಂಧುಗಳು ಸಹಾಯ ಹಸ್ತ ನೀಡುವರು.
ಕನ್ಯಾ:- ನಿಮ್ಮ ಚೈತನ್ಯದ ಮೂಲಕ ಸವಾಲುಗಳನ್ನೆಲ್ಲ ಬೇಗ ಗೆಲ್ಲಬಲ್ಲಿರಿ. ಬಹುದಿನದ ಕನಸು ನನಸಾಗುವ ಕಾಲವಿದು. ಗುರುವಿನ ಆಶೀರ್ವಾದ ಪಡೆದು ಮುನ್ನುಗ್ಗಿ. ಖಂಡಿತವಾಗಿಯೂ ಯಶಸ್ಸನ್ನು ಹೊಂದುವಿರಿ.
ತುಲಾ:- ಮಾನಸಿಕ ತಳಹದಿಯಲ್ಲಿ ಏನೋ ಒಂದು ರೀತಿಯ ಬಿರುಗಾಳಿಯ ಸುಳಿ ಇರುವಂತೆ ಭಾಸವಾದೀತು. ದ್ವಿತೀಯ ಧನಸ್ಥಾನದ ಗುರು ನಿಮಗೆ ವಿವಿಧ ಮೂಲಗಳಿಂದ ಹಣಕಾಸಿನ ನೆರವನ್ನು ದಯಪಾಲಿಸುವನು.
ವೃಶ್ಚಿಕ:- ಜಾಣತನ, ತಾರ್ಕಿಕ ನಡೆ ಎಲ್ಲವೂ ನಿಮ್ಮ ಶಕ್ತಿಯೇ ಹೌದು. ಆದರೆ ಮುಂಗೋಪವನ್ನು ಮಾತ್ರ ದೂರ ಮಾಡಿಕೊಳ್ಳುವುದು ಒಳ್ಳೆಯದು. ನಿಮ್ಮ ಮನೋಕಾಮನೆಗಳು ಬೇಗನೆ ಈಡೇರುವವು. ನೂತನ ಕಾರ್ಯಾರಂಭ ಮಾಡಲು ಇದು ನೆರವಾಗುವುದು.
ಧನುಸ್ಸು:- ಇರದಿರುವುದನ್ನು ನೆನೆಸಿಕೊಂಡು ಕೊರಗುತ್ತ ಕೂರುವುದನ್ನು ಬಿಡಿ. ಸಾಧನೆಯ ದಾರಿ ನಿರಾಳ ಆಗಲಿದೆ. ಆಂಜನೇಯ ಸ್ವಾಮಿ ಸ್ತೋತ್ರವನ್ನು ಪಠಿಸಿ. ಸಂಜೆ ಶಿವಾಲಯದಲ್ಲಿ ಶಿವನ ದರ್ಶನ ಮಾಡಿಕೊಂಡು ಬನ್ನಿ.
ಮಕರ:- ಕೈಯಲ್ಲಿರುವ ಕೆಲಸವನ್ನು ಬಿಟ್ಟು ಅನ್ಯವಾದ ಇನ್ನೊಂದನ್ನು ತಡಕಾಡಲು ಹೋಗಬೇಡಿ. ಗುರುವಿನ ಶುಭ ಸಂಚಾರವಿದ್ದರೂ ಸಾಡೇಸಾತ್‌ ಶನಿ ಕಿರಿಕಿರಿಯನ್ನುಂಟು ಮಾಡುವುದು. ಆಂಜನೇಯ ಸ್ವಾಮಿ ಸ್ತೋತ್ರವನ್ನು ಪಠಿಸುವುದು ಒಳ್ಳೆಯದು.
ಕುಂಭ:- ಅಸಲು ಹಣ ಸಂವರ್ಧನೆ, ಮೂಲಧನ ಕಡಿತ ಇತ್ಯಾದಿಗಳಿಂದ ತೊಡಕುಗಳು ಎದುರಾಗುವವು. ನೀವು ನಿಮ್ಮ ಕಾರ್ಯವನ್ನು ನಿಷ್ಠೆಯಿಂದ ಮಾಡಿ. ಭಗವಂತನು ನಿಮ್ಮ ಸಹಾಯಕ್ಕೆ ನಿಲ್ಲುವನು. ಇದರಿಂದ ಒಳಿತಾಗುವುದು.
ಮೀನ:- ಅವಸರ ಮಾಡಿ ಎಡವಟ್ಟುಗಳನ್ನು ಮಾಡಿಕೊಳ್ಳುವಂತಹ ಸಾಧ್ಯತೆಗಳು ಅಧಿಕವಾಗಿದೆ. ಸ್ವಲ್ಪ ತಾಳ್ಮೆ ಇದ್ದಲ್ಲಿ ಒಳಿತಾಗುವುದು. ತಾಯಿ ವರ್ಗದವರೊಂದಿಗೆ ವಾದ ವಿವಾದ ಬೇಡ. ಆಸ್ತಿಯ ವಿಚಾರದಲ್ಲಿ ನಿಧಾನವಾಗಿ ಪ್ರಗತಿ ಉಂಟಾಗುವುದು.
