ಕುಮಟಾದ ಹೆಗಡೆಯಲ್ಲಿ ಮನೆ ನಿರ್ಮಾಣದ ಸಂದರ್ಭದಲ್ಲಿ ಅವಘಡ: ಸೆಂಟ್ರಿಂಗ್ ಕೆಲಸಗಾರ ಸಾವು!!

ಕುಮಟಾ: ಹೆಗಡೆಯ ಕಲ್ಕೋಡ ರಸ್ತೆಯಲ್ಲಿ ಶ್ರೀಧರ ನಾಯ್ಕ ಎಂಬವರ ಮನೆ ನಿರ್ಮಾಣದ ಸಂದರ್ಭದಲ್ಲಿ ಸೆಂಟ್ರಿಂಗ್ ಕಳಚುತ್ತಿದ್ದಾಗ ಕಾಮಗಾರಿ ಪರಿಕರ ಹಾಗೂ ಮೇಲ್ಭಾಗ ಮೈಮೇಲೆ ಕುಸಿದುಬಿದ್ದು ಓರ್ವ ಮೃತಪಟ್ಟು ಇನ್ನೋರ್ವ ತೀವ್ರ ಗಾಯಗೊಂಡು ಘಟನೆ ತಾಲೂಕಿನ ಹೆಗಡೆಯಲ್ಲಿ ನಡೆದಿದೆ.

ಮೃತನನ್ನು ಹೆಗಡೆಯ ಮೋಜಿನಕೇರಿ ನಿವಾಸಿ ಚಂದ್ರಕಾಂತ ವಿನೋದ ನಾಯ್ಕ ಎಂದು ಗುರುತಿಸಲಾಗಿದೆ. ತೀವ್ರ ಗಾಯಗೊಂಡಿರುವ ಮಂಜುನಾಥ ಪಟಗಾರ ಅವರನ್ನು ಹೆಚ್ಚಿನ ಚಿಕಿತ್ಸೆಗೆ ಮಣಿಪಾಲಕ್ಕೆ ಸಾಗಿಸಲಾಗಿದೆ ಎಂದು ವರದಿಯಾಗಿದೆ.

ಈ ಕುರಿತು ಕುಮಟಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.