ಕುಮಟಾ : ಕೆನರಾ ಎಜ್ಯುಕೇಶನ್ ಸೊಸೈಟಿ(ರಿ.) ಕುಮಟಾ ಇದರ ಪ್ರತಿಷ್ಠಿತ ಅಂಗ-ಸಂಸ್ಥೆಯಾದ ಗಿಬ್ ಬಾಲಕರ ಪ್ರೌಢಶಾಲೆಯು ಎಸ್.ಎಸ.ಎಲ್.ಸಿ ಪರೀಕ್ಷೆಯಲ್ಲಿ ಸತತವಾಗಿ ಅತ್ಯುತ್ತಮ ಸಾಧನೆಗೈಯುತ್ತಾ ಬಂದಿದ್ದು. ಪ್ರಸ್ತುತ ವರ್ಷದ ಎಸ್.ಎಸ್.ಎಲ್.ಸಿ. ಪರೀಕ್ಷೆಯಲ್ಲಿ ತಾಲೂಕಿನಲ್ಲಿಯೇ ಅತ್ಯುತ್ತಮ ಸಾಧನೆಗೈದಿದೆ. ಪರೀಕ್ಷೆಗೆ ಕುಳಿತುಕೊಂಡ ಒಟ್ಟೂ 81 ವಿದ್ಯಾರ್ಥಿಗಳಲ್ಲಿ 77 ವಿದ್ಯಾರ್ಥಿಗಳು ತೇರ್ಗಡೆ ಹೊಂದಿ 95.06% ಫಲಿತಾಂಶವನ್ನು ದಾಖಲಿಸಿದ್ದಾರೆ.
ಇವರಲ್ಲಿ 13 ವಿದ್ಯಾರ್ಥಿಗಳು ಡಿಸ್ಟಿಂಕ್ಷನ್‍ನಲ್ಲಿ ಸಾಧನೆ ಮಾಡಿರುವುದು ವಿಶೇಷವಾಗಿದೆ. ಕು. ರೋಹನ ಗಣಪತಿ ಅಂಬಿಗ (93.6%) ಕು. ಮಿಥುನ ಮಂಗೇಶ ನಾಯಕ (93.12%) ಕು. ದರ್ಶನ ಸುರೇಶ ದೇಶಭಂಡಾರಿ (91.52%) ಕು.ಜೀವನ ಸತೀಶ ಗೌಡ (89.16%) ಕು. ಆದಿತ್ಯ ಮಂಜುನಾಥ ಗುನಗಾ (89.12%) ಕು. ಹರೀಶ ಶನಿಯಾರ ಗೌಡ (88.16%) ಕು.ಎಸ್.ವಿ. ಆದೇಶ (87.52%) ಕು. ದರ್ಶನ ಆರ್. ಶೇಟ (87.2%) ಕು. ಪುನೀತ ಬಾಲಕೃಷ್ಣ ನಾಯ್ಕ (87.04%) ಕು. ವಿನೀತ ಮಡಿವಾಳಪ್ಪ ದೊಡ್ಮನಿ (86.56%) ಕು. ರಜತ ರಾಮದಾಸ ಪೈ (86.4%) ಕು. ಪ್ರಮೋದ ಗಜಾನನ ಮೇಸ್ತ (85.92%) ಕು. ಜನಾರ್ಧನ ಎಂ. ಹರಿಕಾಂತ (86.6%) ಇವರು 85%ಕ್ಕಿಂತ ಅಧಿಕ ಅಂಕಗಳನ್ನು ಗಳಿಸಿದ ವಿದ್ಯಾರ್ಥಿಗಳ ಸಾಲಿಗೆ ಸೇರಿರುತ್ತಾರೆ.
ಅಲ್ಲದೇ ಪ್ರಥಮ ಶ್ರೇಣಿಯಲ್ಲಿ 09 ವಿದ್ಯಾರ್ಥಿಗಳು, ದ್ವಿತೀಯ ಶ್ರೇಣಿಯಲ್ಲಿ 55 ವಿದ್ಯಾರ್ಥಿಗಳು ಉತ್ತೀರ್ಣರಾಗಿರುತ್ತಾರೆ. ಈ ಸಾಧನೆಗೆ ಅರ್ಹರಾದ ಎಲ್ಲಾ ಪ್ರತಿಭಾವಂತ ವಿದ್ಯಾರ್ಥಿಗಳನ್ನು ಕೆನರಾ ಎಜ್ಯುಕೇಶನ್ ಸೊಸೈಟಿಯ ಕಾರ್ಯಾಧ್ಯಕ್ಷರಾದ ಶ್ರೀ ವಸುದೇವ ವಾಯ್. ಪ್ರಭು ಹಾಗೂ ಆಡಳಿತ ಮಂಡಳಿಯ ಸರ್ವಸದಸ್ಯರು, ಮುಖ್ಯಾಧ್ಯಾಪಕರಾದ ಶ್ರೀ ಡಿ.ಜಿ. ಶಾಸ್ತ್ರಿ, ಶಿಕ್ಷಕ ಮತ್ತು ಶಿಕ್ಷಕೇತರ ವೃಂದ, ಊರ ನಾಗರಿಕರು ಹಾಗೂ ಪಾಲಕರು ಅಭಿನಂದಿಸಿದ್ದಾರೆ.
