ಕಾರವಾರ: ಜಿಲ್ಲೆಯ ಮೂರು ಅವಧಿ ಮುಗಿದ ಸ್ಥಳೀಯ ಸಂಸ್ಥೆಗಳಿಗೆ ಚುನಾವಣೆ ನಡೆಸಲು ಚುನಾವಣಾ ಆಯೋಗ ದಿನಾಂಕ ಪ್ರಕಟಿಸಿದ್ದು ಜಿಲ್ಲೆಯಲ್ಲಿ ಭಟ್ಕಳ ಪುರಸಭೆಯ 23 ವಾರ್ಡ್‌ಗಳು, ಹೊನ್ನಾವರ ಪ.ಪಂನ 20 ಮತ್ತು ಸಿದ್ದಾಪುರ ಪಟ್ಟಣ ಪಂಚಾಯಿತಿಯ 15 ವಾರ್ಡ್‌ಗಳು ಸೇರಿ ಒಟ್ಟು 58 ವಾರ್ಡ್‌ಗಳಿಗೆ ಮೇ. 29 ರಂದು ಮತದಾನ ನಡೆಯಲಿದೆ.
9ರಿಂದ ಮೇ 16 ರವರೆಗೆ ನಾಮಪತ್ರ ಸಲ್ಲಿಕೆಗೆ ಅವಕಾಶವಿದೆ. 17 ರಂದು ನಾಮಪತ್ರ ಪರಿಶೀಲನೆ ನಡೆಯಲಿದ್ದು, 20 ಉಮೇದುವಾರಿಕೆ ಹಿಂಪಡೆಯಲು ಕೊನೆಯ ದಿನಾಂಕವಾಗಿದೆ. 31 ರಂದು ಮತ ಎಣಿಕೆ ನಡೆಯಲಿದೆ. ಭಟ್ಕಳದಲ್ಲಿ 27, ಹೊನ್ನಾವರದಲ್ಲಿ 20 ಹಾಗೂ ಸಿದ್ದಾಪುರದಲ್ಲಿ 15 ಮತಗಟ್ಟೆಗಳನ್ನು ತೆರೆಯಲಾಗುವುದು. ಭಟ್ಕಳ ದಲ್ಲಿ 23,300, ಹೊನ್ನಾವರ 15195 ಸಿದ್ದಾಪುರ 10892 ಮತದಾರರಿದ್ದು ಒಟ್ಟು 49387 ಮತದಾರರಿದ್ದಾರೆ.
