ಎಸ್ ಎಸ್ ಎಲ್ ಸಿ ಪರೀಕ್ಷೆಯ ಫಲಿತಾಂಶ ಪ್ರಕಟಗೊಂಡು ಈಗಾಗಲೇ ವಿದ್ಯಾರ್ಥಿಗಳು ತಮಗೆ ಹೆಚ್ಚಿನ ಅಂಕ ಬಂದು ದಾಖಲೆ ಮಾಡಿದ ಬಗ್ಗೆ, ಕೆಲವರು ಇನ್ನೂ ಹೆಚ್ಚಿನ ಅಂಕ ಬರಬೇಕಿತ್ತು ಎಂದು ಮರು ಪರಿಶೀಲನೆಗೆ ಹಾಕುವ ತರಾತುರಿಯಲ್ಲಿದ್ದಾರೆ…ಅನೇಕ ಸಂಘ ಸಂಸ್ಥೆಗಳು, ಜನಪ್ರತಿನಿಧಿಗಳು, ಅಧಿಕಾರಿಗಳು ದಾಖಲೆ ಅಂಕ ಪಡೆದು ಕೀರ್ತಿ ತಂದವರ ಮನೆಗಳಿಗೆ ತೆರಳಿ ಅಭಿನಂದಿಸುತ್ತಿದ್ದಾರೆ.
ಆದರೆ ಇಲ್ಲೊಂದು ವಿಶೇಷ ಶ್ಲಾಘನೀಯ ಕೆಲಸ ನಡೆದಿದೆ… ಬಾಡದ ತಾಲೂಕು ಪಂಚಾಯತ ಸ್ಥಾಯಿ ಸಮಿತಿ ಅಧ್ಯಕ್ಷ ಜಗನ್ನಾಥ ನಾಯ್ಕ ಜನತಾ ವಿದ್ಯಾಲಯ ಬಾಡ ಕಾಗಾಲ ಶಾಲೆಯ ಅನುತ್ತೀರ್ಣರಾದ ವಿದ್ಯಾರ್ಥಿಗಳ ಮನೆಗೆ ಭೇಟಿ ಅವರಿಗೆ ಆತ್ಮಸ್ಥೈರ್ಯ ತುಂಬಿ ಚೆನ್ನಾಗಿ ಮನಸ್ಸು ಕೊಟ್ಟು ಓದಿ ಮತ್ತೊಮ್ಮೆ ಪರೀಕ್ಷೆ ಬರೆದು ನೀವೂ ಕೂಡ ಹೆಚ್ಚಿನ ಅಂಕದೊಂದಿಗೆ ಉತ್ತೀರ್ಣರಾಗಿ ನಿಮಗೆ ಬೇಕಾಗುವ ಆರ್ಥಿಕ ನೆರವು ನೀಡುತ್ತೇವೆ ಎಂದು ಹುರಿದುಂಬಿಸಿದರು.. ಇವರ ಈ ಕೆಲಸ ನಿಜವಾಗಲೂ ಉತ್ತೀರ್ಣರಾದ ವಿದ್ಯಾರ್ಥಿಗಳಲ್ಲಿ ಹೊಸ ಬಲ ಬಂದಂತಾಗಿದೆ..
ನಂತರ ಮಾತನಾಡಿದ ಜಗನ್ನಾಥ ನಾಯ್ಕ ನಾವೆಲ್ಲರೂ ರ್ಯಾಂಕ್ ಪಡೆದ ಹಾಗೂ ಹೆಚ್ಚಿನ ಅಂಕ ಪಡೆದ ವಿದ್ಯಾರ್ಥಿಗಳನ್ನು ಅಭಿನಂದಿಸಿದ್ದೇವೆ ಆದರೆ ಎಲ್ಲರೂ ಪಾಸ್ ಆದ ವಿದ್ಯಾರ್ಥಿಗಳನ್ನು ಹುರಿದುಂಬಿಸಿದರೆ ಫೇಲ್ ಆದ ವಿದ್ಯಾರ್ಥಿಗಳಿಗೆ ತಾನೂ ಮತ್ತೊಮ್ಮೆ ಪ್ರಯತ್ನಿಸಿ ಸಾಧನೆ ಮಾಡಬೇಕು ಎಂದು ಅವರಲ್ಲಿ ಆತ್ಮಬಲ ತುಂಬುವವರು ಯಾರು ಎನ್ನುವ ಪ್ರಶ್ನೆ ನನ್ನಲ್ಲಿ ಮೂಡಿದ್ದರಿಂದ ನಾನು ಸ್ವತಃ ತೆರಳಿ ಈ ಕಾರ್ಯ ಮಾಡಿದ್ದೇನೆ ಎಂದರುು.
