ಹೊನ್ನಾವರ:ಜಿಲ್ಲಾ ಪಂಚಾಯತ್ ಕಾರವಾರ
ತಾಲೂಕಾ ಪಂಚಾಯತ ಹೊನ್ನಾವರ
ಜಿಲ್ಲಾ ಅಥ್ಲೆಟಿಕ್ ಅಸೋಶಿಯೇಶನ್ಸ ಕಾರವಾರ
ಜಿಲ್ಲಾ ವಾಲಿಬಾಲ್ ಅಸೋಶಿಯೇಶನ್ಸ ಕಾರವಾರ
ಇಂಡಿಯನ್ ಮೆಡಿಕಲ್ ಅಸೋಸಿಯೇಶನ್ಸ ಹೊನ್ನಾವರ
ಲವ್ ಇಂಡಿಯಾ ಪ್ರಾದೇಶಿಕ ಸಂಸ್ಥೆ ಬೆಂಗಳೂರು ಹಾಗೂ ಅದ್ವೈತ ಸ್ಪೋಟ್ರ್ಸ ಕ್ಲಬ್ (ರಿ.) ಹೊನ್ನಾವರ ಇವರ ಸಂಯುಕ್ತ ಆಶ್ರಯದಲ್ಲಿ ನಡೆದ ಅಥ್ಲೆಟಿಕ್ಸ ವಾಲಿಬಾಲ್ ಕಬಡ್ಡಿ ತರಬೇತಿ ಶಿಬಿರದಲ್ಲಿ 20 ದಿನಗಳ ಕಾಲ ಜಿಲ್ಲೆಯ ವಿವಿಧ ತಾಲೂಕುಗಳಿಂದ ಆಗಮಿಸಿದ ವಿದ್ಯಾರ್ಥಿಗಳಿಗೆ ತರಬೇತಿ ಶಿಬಿರವನ್ನು ಪ್ರಭಾತನಗರದ ನ್ಯೂ ಇಂಗ್ಲಿಷ್ ಸ್ಕೂಲ್ ಮೈದಾನದಲ್ಲಿ ಅತ್ಯಂತ ಯಶಸ್ವಿಯಾಗಿ ಆಯೋಜಿಸಲಾಯಿತು.
ತರಬೇತಿಯ ಕಾರ್ಯಗಾರರಾದ ಉದ್ಘಾಟನೆಯನ್ನು ಸರಕಾರಿ ಪ್ರಥಮ ದರ್ಜೆ ಕಾಲೇಜಿನ ಪ್ರಾಂಶುಪಾಲರಾದ ಡಾ. ಸುಮಂಗಲಾ ಬಿ. ನಾಯ್ಕ ಇವರು ನೆರವೇರಿಸಿದರು. ಡಾ. ವಿಶಾಲ, ಥಾಮಸ್ ಡಿಸಿಲ್ವಾ ಬೆಂಗಳೂರು, ಆಟೋಚಾಲಕ ಹಾಗೂ ಮಾಲಕರ ಸಂಘದ ಅಧ್ಯಕ್ಷ ಶಿವರಾಜ ಮೇಸ್ತ, ಹಾಗೂ ಇನ್ನಿತರರು ಪಾಲ್ಗೊಂಡಿದ್ದರು. ಈ ತರಬೇತಿ ಶಿಬಿರದ ವಿವಿಧ ಜಿಲ್ಲೆಯ ತಾಲೂಕಿನಿಂದ ಸುಮಾರು 70 ಜನ ಯುವ ಕ್ರೀಡಾ ಪ್ರತಿಭೆಗಳು ಕಬಡ್ಡಿ, ವಾಲಿಬಾಲ್, ಅಥ್ಲೆಟಿಕ್ಸಗಳಲ್ಲಿ ವಿವಿಧ ನುರಿತ ತರಬೇತಿದಾರರಿಂದ ತರಬೇತಿಯನ್ನು ಪಡೆದುಕೊಂಡರು. ವಿಶೇಷವಾಗಿ ವಿವಿಧ ನುರಿತು ತರಬೇತಿದಾರರಿಂದ ಆಯೋಜಿಸಿದಂತಹ ಈ ಶಿಬಿರ ಮಕ್ಕಳ ಗಮನ ಸೆಳೆಯುವಲ್ಲಿ ವಿಶೇಷಪಾತ್ರ ವಹಿಸಿತು. ಮಕ್ಕಳಿಗೆ ಯಾವ ಕ್ರೀಡೆಗೆ ಆಸಕ್ತಿ ಇದೆಯೋ ಅದೇ ಕ್ರೀಡೆಯಲ್ಲಿ ಅವರಿಗೆ ಹೆಚ್ಚಿನ ತರಬೇತಿಯನ್ನು ನೀಡಿದ್ದು, ಈ ತರಬೇತಿಯ ವಿಶೇಷ. ಹೀಗೆ ಸತತ 20 ದಿನಗಳ ಕಾಲ ಮುಂಜಾನೆ 6 ಗಂಟೆಯಿಂದ 10 ಗಂಟೆಯತನಕ ಸಾಯಂಕಾಲ 4 ಗಂಟೆಯಿಂದ 7 ಗಂಟೆಯತನಕ ತರಬೇತಿಯನ್ನು ಅಚ್ಚುಕಟ್ಟಾಗಿ ಆಯೋಜಿಸಲಾಯಿತು. ಬಂದಂತಹ ಎಲ್ಲಾ ಕ್ರೀಡಾ ಪಟುಗಳಿಗೆ ವಸತಿ, ಉಪಾಹಾರ, ಊಟ, ತಂಪುಪಾನಿಯಗಳು ಹಾಗೂ ಪ್ರೊಟಿನ್‍ಯುಕ್ತ ಹಣ್ಣುಗಳು, ತಿಂಡಿಗಳನ್ನು ನೀಡಿದ್ದು, ಮಕ್ಕಳು ಸಂತಸದಿಂದ, ಸಡಗರದಿಂದ ತರಬೇತಿ ಶಿಬಿರದಲ್ಲಿ ಪಾಲ್ಗೊಳ್ಳುವಂತಾಯಿತು. ಹೀಗೆ ಉತ್ತಮವಾಗಿ ನಡೆದ ತರಬೇತಿ ಶಿಬಿರದ ಸಮಾರೋಪ ಸಮಾರಂಭದಲ್ಲಿ ತಾಲೂಕಿನ ಪ್ರತಿಷ್ಟಿತ ನ್ಯೂ ಇಂಗ್ಲಿಷ್ ಸ್ಕೂಲ್ ಸಂಸ್ಥೆಯ ಅಧ್ಯಕ್ಷರಾದ ಶ್ರೀ ಜಗದೀಶ ಟಿ. ಪೈ ಅವರು ಪಾಲ್ಗೊಂಡು, ಎಲ್ಲಾ ಮಕ್ಕಳಿಗೆ ಶುಭ ಹಾರೈಸಿದರು. ಮತ್ತು ಇದೊಂದು ಅತ್ಯಂತ ಕ್ರೀಯಾತ್ಮಕ ಯಶಸ್ವಿ ಶಿಬಿರ, ಆಯೋಜಿಸಿದ ಅದ್ವೈತ ಸ್ಪೋಟ್ರ್ಸ ಕ್ಲಬ್ಬಿಗೆ ಅಭಿನಂದಿಸಿದರು. ಹಾಗೂ ಮುಂದಿನ ದಿನಗಳಲ್ಲಿ ಹೆಚ್ಚಿನ ಸಹಾಯ, ಸಹಕಾರವನ್ನು ನೀಡುವ ಭರವಸೆಯನ್ನು ತಿಳಿಸಿದರು.
ಈ ಸಮಾರಂಭದಲ್ಲಿ ಡಾ. ಜೆ.ಪಿ.ಪಾಠನಕರ್, ಕ್ಷೇತ್ರ ಶಿಕ್ಷಣಾಧಿಕಾರಿಯಾದ ಜಿ.ಎ ನಾಯ್ಕ, ಮಕ್ಕಳ ತಜ್ಞರಾದ ಡಾ. ಪ್ರಮೋದ ಪಾಯ್ದೆ, ವನವಾಸಿ ಸಂಸ್ಥೆಯ ಶ್ರೀಧರ ಹಾಗೂ ನಸ್ರುಲ್ಲಾ ಸಿದ್ಧಿ, ಅದ್ವೈತ ಸ್ಪೋಟ್ರ್ಸ ಕ್ಲಬ್ಬಿನ ಅಧ್ಯಕ್ಷರಾದ ರಾಘವೇಂದ್ರ ಮೇಸ್ತ ಹಾಜರಿದ್ದರು. ತರಬೇತಿಯು ಅತ್ಯಂತ ಯಶಸ್ವಿಯಾಗಿ ಸಂಘಟನೆಗೊಂಡಿದ್ದು ಸತತ ಬಂದಂತಹ ಎಲ್ಲಾ ಶಿಬಿರಾರ್ಥಿಗಳಿಗೆ ಪ್ರಮಾಣಪತ್ರವನ್ನು ನೀಡಿ ಗೌರವಿಸಲಾಯಿತು. ತರಬೇತಿಯ ಪೂರ್ತಿ ಜವಾಬ್ದಾರಿಯನ್ನು ಅದ್ವೈತ ಸ್ಪೋಟ್ರ್ಸ ಕ್ಲಬ್ಬಿನ ಅಧ್ಯಕ್ಷರಾದ ಹಾಗೂ ತರಬೇತಿದಾರರಾದ ಅತ್ಯುತ್ತಮ ಯುವಕ ಅಂಬೇಡ್ಕರ ಪ್ರಶಸ್ತಿ ವಿಜೇತರಾದ ರಾಘವೇಂದ್ರ ಮೇಸ್ತರವರು ವಹಿಸಿಕೊಂಡು ಯಶಸ್ವಿಯಾಗಿ ನೆರವೇರಿಸಿದರು.
ಈ ತರಬೇತಿಯ ಕಾರ್ಯಾಗಾರದ ಮಧ್ಯಮಧ್ಯದಲ್ಲಿ ತಾಲೂಕು ದಂಡಾಧಿಕಾರಿಗಳಾದ ಮಂಜುಳಾ ಬಜಂತ್ರಿ, ಕಾರ್ಯನಿರ್ವಾಹಕ ಅಧಿಕಾರಿಗಳಾದ ಸುರೇಶ ನಾಯ್ಕ, ತಾಲೂಕ ಪಂಚಾಯತ ಅಧ್ಯಕ್ಚರಾದ ಉಲ್ಲಾಸ ನಾಯ್ಕ, ಕ್ರೀಡಾಧಿಕಾರಿಗಳಾದ ಸುಧೀಶ ನಾಯ್ಕ, ಸಾಧನಾ ಭರ್ಗಿ ಹಾಗೂ ಸಂಘ ಸಂಸ್ಥೆಗಳು ಸಮಾಜಸೇವಕರು ಭೇಟಿ ನೀಡಿದರು.
