ಮದ್ಯಪ್ರಿಯರಿಗೊಂದು ಸಿಹಿ ಸುದ್ದಿ. ನಿಮ್ಮ ಬಹುಕಾಲದ ಕಾತುರತೆ ಇತಿಶ್ರೀ ಹಾಡಲು ಕಿಂಗ್ ಪಿಶರ್ ಕಂಪೆನಿ ಮುಂದಾಗಿದೆ. ಹೌದು ಇನ್ಸ್ಟಂಟ್ ಕಾಫಿ ಪೌಡರ್, ಮಿಲ್ಕ್ ಪೌಡರ್ ರೀತಿಯಲ್ಲಿ ಇನ್ಮುಂದೆ ಇನ್ಸ್ಟಂಟ್ ಬಿಯರ್ ಮಿಕ್ಸ್ ಕೂಡ ಲಾಂಚ್ ಆಗಲಿದೆಯಂತೆ. ಒಂದು ಸಣ್ಣ ಶ್ಯಾಷೆ ಪ್ಯಾಕ್ನಲ್ಲಿರುವ ಈ ಪೌಡರ್ ಅನ್ನು ನೀರಿನಲ್ಲಿ ಮಿಕ್ಸ್ ಮಾಡಿದರೆ ಬಿಯರ್ ರೆಡಿ ಎಂಬ ವಿಡಿಯೋವನ್ನು ಕಿಂಗ್ ಫಿಶರ್ ಬಿಡುಗಡೆ ಮಾಡಿದೆ.
ಸಾಮಾನ್ಯವಾಗಿ ಬಿಯರ್ ಬಾಟಲ್ಗಳನ್ನು ತರುವುದು ಹಾಗೂ ಅದನ್ನು ಫ್ರಿಡ್ಜ್ನಲ್ಲಿಡುವುದು ತುಸು ಪ್ರಯಾಸದಾಯಕ. ಇಂತಹ ಸಮಸ್ಯೆಗೆ ಪರಿಹಾರವಾಗಿ ಕಿಂಗ್ ಫಿಶರ್ ಹೊಸ ಉಪಾಯವನ್ನು ಕಂಡುಕೊಂಡಿದೆ. ಈ ಪೌಡರ್ ಅನ್ನು ಕೋಲ್ಡ್ ನೀರಿನಲ್ಲಿ ಹಾಕಿ, ಚೆನ್ನಾಗಿ ಮಿಕ್ಸ್ ಮಾಡಿದರೆ ಬಿಯರ್ ತಯಾರಾಗುತ್ತದೆ.
ಇದರಿಂದ ಇನ್ಮುಂದೆ ಬಿಯರ್ ಬಾಟಲ್ಗಳನ್ನು ಹೊತ್ತುಕೊಂಡು ಹೋಗುವ ತೊಂದರೆ ಇರುವುದಿಲ್ಲ. ಅಲ್ಲದೆ ನೀವು ಬಯಸಿದಾಗೆಲ್ಲ ಒಂದೇ ನಿಮಿಷದೊಳಗೆ ಬಿಯರ್ ತಯಾರಿಸಿ ಕುಡಿಯಬಹುದು ಎಂದು ಕಂಪೆನಿ ತನ್ನ ಜಾಹೀರಾತಿನಲ್ಲಿ ತಿಳಿಸಿದೆ.
