ಮೇಷ:- ಹೊಂಚು ಹಾಕಿ ನಿಮ್ಮ ಯೋಜನೆಗಳನ್ನು ವಿಫಲಗೊಳಿಸುವ ದುಷ್ಟರನ್ನು ಎಚ್ಚರದಿಂದ ದೂರಮಾಡಿ. ಸದ್ಯದ ಪರಿಸ್ಥಿತಿಯಲ್ಲಿ ರಾಜಕೀಯ ಜೀವನ ಅಷ್ಟೇನು ಸುಖದಾಯಕವಾಗಿರುವುದಿಲ್ಲ. ಆದರೂ ಹೋರಾಟ ಅನಿವಾರ್ಯವಾಗಿರುತ್ತದೆ.
ವೃಷಭ:- ಅವಶ್ಯವಾಗಿ ಮನಸ್ಸಿನ ಒತ್ತಡಗಳನ್ನು ಎದುರಿಸುವ ಮನೋದಾಢ್ರ್ಯತೆ ತೋರಬೇಕು. ಮಕ್ಕಳು, ಮೊಮ್ಮಕ್ಕಳೊಂದಿಗೆ ಸಂತೋಷದ ಸಮಯ ಕಳೆಯುವಿರಿ. ಸಂಗಾತಿಯು ಸಹ ನಿಮ್ಮೊಡನೆ ಪ್ರೀತಿ ವಾತ್ಸಲ್ಯದಿಂದಿರುವರು.
ಮಿಥುನ:- ಹಿರಿಯರು ಅಥವಾ ಮಕ್ಕಳ ಆರೋಗ್ಯದಲ್ಲಿ ವ್ಯತ್ಯಯ ಕಾಣಬಹುದು. ಅವಸರಿಸದೇ ಚಿಕಿತ್ಸೆ ಕೊಡಿಸಿ. ಶಿರೋವೇದನೆ ಮತ್ತು ಕಣ್ಣಿನ ತೊಂದರೆ ಎದುರಾಗುವ ಸಾಧ್ಯತೆ ಇದ್ದು , ಸೂರ್ಯಭಗವಾನನನ್ನು ಅವಶ್ಯವಾಗಿ ಪ್ರಾರ್ಥಿಸಿ. ಒಳಿತಾಗುವುದು.
ಕಟಕ:- ಸ್ವತಂತ್ರವಾದ ನಿರ್ಧಾರ ತಳೆಯುವಿರಿ. ಸಫಲತೆಗಾಗಿನ ನಿಮ್ಮ ಪ್ರಯತ್ನಗಳಿಗೆ ಗಟ್ಟಿತನ ದೊರೆಯಲಿದೆ. ಇದರಿಂದ ಮನೋಕಾಮನೆಗಳು ಪೂರ್ಣಗೊಳ್ಳುವವು. ಹಣಕಾಸಿನ ಸ್ಥಿತಿ ಉತ್ತಮವಾಗಿರುವುದು.
ಸಿಂಹ:- ಸುಗಮವಾಗಿ ನಡೆಯುವ ಕೆಲಸ ಕಾರ್ಯಗಳಿಗೆ ಕೆಲ ಗೆಳೆಯರೇ ಅಡ್ಡಿ ಮಾಡುವ ಸಂದರ್ಭವಿದೆ. ಈ ಬಗ್ಗೆ ಎಚ್ಚರದಿಂದ ಇರಿ. ಮಗನ ಜೀವನ ಸುಖಾಂತ್ಯ ತಲುಪಿರುವುದರಿಂದ ಮಾನಸಿಕ ನೆಮ್ಮದಿ ದೊರೆಯುವುದು.
ಕನ್ಯಾ:- ಕೆಲವು ಸಂಕಷ್ಟ ಪರಿಸ್ಥಿತಿಗಳನ್ನು ಎದುರಿಸಬೇಕಾಗುವುದು. ದುರ್ಗಾದೇವಿ ಮತ್ತು ಮನೋನಿಯಾಮಕ ರುದ್ರದೇವರನ್ನು ಭಜಿಸಿ. ಹಣಕಾಸಿನ ಪರಿಸ್ಥಿತಿಯು ಸಾಧಾರಣವಾಗಿರುತ್ತದೆ. ಸ್ನೇಹಿತರು ಸಕಾಲದಲ್ಲಿ ನೆರವು ನೀಡುವರು.
ತುಲಾ:- ಕೆಲಸ ಕಾರ್ಯಗಳಲ್ಲಿ ಶಿಸ್ತು ರೂಢಿಸಿಕೊಳ್ಳುವುದು ಒಳಿತು. ನಿಮ್ಮ ಪಾರದರ್ಶಕ ವ್ಯಕ್ತಿತ್ವಕ್ಕೆ ವಿಶೇಷ ಪ್ರಶಂಸೆ ದೊರೆಯುವುದು. ಆದಾಗ್ಯೂ ಕುಲದೇವರನ್ನು ಸ್ಮರಿಸಿ.
ವೃಶ್ಚಿಕ:- ಇದು ಉತ್ತಮ ಕಾಲವಲ್ಲ ಎಂದು ಮೀನ ಮೀಷ ಎಣಿಸದಿರಿ. ಸರ್ವಕಾಲವೂ ಪುಣ್ಯಕಾಲವು, ಸರ್ವದೇಶವೂ ಪುಣ್ಯದೇಶವು ಎನ್ನುವ ದಾಸರ ವಚನವನ್ನು ನೆನೆಪಿಸಿಕೊಂಡು ಕಾರ್ಯ ಪ್ರವೃತ್ತರಾಗಿ. ಒಳಿತಾಗುವುದು.
ಧನುಸ್ಸು:- ಎಲ್ಲ ವಿಚಾರಗಳಲ್ಲಿಯೂ ಯಶಸ್ಸು ಸಾಧ್ಯವಾಗಬೇಕಾದರೆ ಮಾತಿನಲ್ಲಿ ನಯ, ವಿನಯ ರೂಢಿಸಿಕೊಳ್ಳಿ. ಹಿರಿಯರ ಸಂಗಡ ಮಾತನಾಡುವಾಗ ಎರಡು ಬಾರಿ ಚಿಂತಿಸಿ ಮಾತನಾಡಿ. ಸದ್ಯಕ್ಕೆ ಸ್ಥಿರಾಸ್ತಿ ಖರೀದಿ ಬಗ್ಗೆ ಚಿಂತೆ ಬೇಡ.
ಮಕರ:- ಅಂದುಕೊಂಡ ಕಾರ್ಯದಲ್ಲಿ ಜಯಶೀಲರಾಗುವಿರಿ. ಮನೋನಿಯಾಮಕ ರುದ್ರದೇವರನ್ನು ಸ್ಮರಿಸಿ. ಹಣಕಾಸಿನ ಸ್ಥಿತಿ ಉತ್ತಮವಾಗಿರುವುದು. ಸಂಗಾತಿಯ ಸಕಾಲಿಕ ಎಚ್ಚರಿಕೆ ಮಾತುಗಳನ್ನು ಆಲಿಸಿ.
ಕುಂಭ:- ನಿಮ್ಮ ಎಲ್ಲಾ ಕಾರ್ಯಗಳು ಭಗವಂತನ ದಯೆಯಿಂದ ಸುಲಲಿತವಾಗುತ್ತಿರುವವು. ಇದರಿಂದ ನಿಮ್ಮ ಸಹೋದ್ಯೋಗಿಗಳಿಗೆ ಹೇಳಿಕೊಳ್ಳಲಾಗದ ಸಂಕಟವನ್ನು ಉಂಟಾಗಿದೆ. ಅವರು ನಿಮ್ಮ ಮೇಲೆ ಇಲ್ಲಸಲ್ಲದ ಅಪವಾದಗಳನ್ನು ಹೊರಿಸಲು ಸಜ್ಜಾಗಿರುವರು.
ಮೀನ:- ಬೆಳ್ಳಗಿರುವುದೆಲ್ಲಾ ಹಾಲಲ್ಲ ಎಂಬುದನ್ನು ತರ್ಕಬದ್ಧವಾಗಿ ಆಲೋಚಿಸಿ. ಆದರೆ ನಿಜವಾದ ಹಾಲನ್ನು ನಿರ್ಲಕ್ಷಿಸದಿರಿ. ದೂರದ ಬಂಧುವಿನ ಆಗಮನದಿಂದ ಸಂತಸ ಹೊಂದುವಿರಿ. ವಿವಿಧ ಮೂಲಗಳಿಂದ ಹಣ ಹರಿದು ಬರುವುದು.
