ಮೇಷ:- ಸಜ್ಜನರಾದ ನಿಮ್ಮನ್ನು ಮೆಚ್ಚದಿರಲು ಸಾಧ್ಯವೇ ಇಲ್ಲ. ಜನರೊಡನೆ ಸಂಕೋಚ ಬಿಟ್ಟು ಮಾತನಾಡಿ. ಅವರು ನಿಮ್ಮನ್ನು ಸದಾಕಾಲ ಬೆಂಬಲಿಸುವರು. ಸಾಧ್ಯವಾದಲ್ಲಿ ಮಾತಾ ದುರ್ಗಾದೇವಿ ಮಂದಿರಕ್ಕೆ ಹೋಗಿ ಅರ್ಚನೆ ಸಲ್ಲಿಸಿ.
ವೃಷಭ:- ಗುರು ರಾಘವೇಂದ್ರರನ್ನು ಭಕ್ತಿಯಿಂದ ನಮಿಸಿ ಪ್ರಾರ್ಥಿಸಿ. ನಿಮ್ಮ ಅಂತರಂಗದ ಬಯಕೆಗಳನ್ನು ಪೂರೈಸಿ ನಿಮ್ಮನ್ನು ರಕ್ಷಿಸಲಿದ್ದಾರೆ. ವಾಹನ ಖರೀದಿ, ಸ್ಥಿರಾಸ್ತಿ ಖರೀದಿ ಬಗ್ಗೆ ಸದ್ಯಕ್ಕೆ ವಿಚಾರ ಬೇಡ.
ಮಿಥುನ:- ಯಾರನ್ನೇ ಆಗಲಿ ಅವಲಂಬಿಸುವ ವಿಚಾರವನ್ನು ದೂರ ಇಡಿ. ನಿಮ್ಮ ಮೇಲೆ ನಿಮಗೆ ವಿಶ್ವಾಸವಿರಲಿ. ನಾನು ಗೆದ್ದೇ ಗೆಲ್ಲುತ್ತೇನೆ ಎಂಬ ವಿಶ್ವಾಸವಿಲ್ಲದಿದ್ದಲ್ಲಿ ಕ್ರೀಡಾಕೂಟದಲ್ಲಿ ಭಾಗವಹಿಸಲು ಹೇಗೆ ಸಾಧ್ಯ? ನಿಮ್ಮ ಮೇಲೆ ಗುರುಹಿರಿಯರ ಆಶೀರ್ವಾದ ಇದೆ.
ಕಟಕ:- ಪದೇಪದೆ ನಿಮ್ಮ ವಿರುದ್ಧದ ಮಾತುಗಳು ಕೇಳಿಸಬಹುದು. ಕೇಳಿ ನಕ್ಕುಬಿಡಿ. ಏಕೆಂದರೆ ಇತರರು ಮಾಡುವ ಆರೋಪದಲ್ಲಿ ಹುರುಳಿಲ್ಲ ಎನ್ನುವ ಸತ್ಯ ನಿಮಗೆ ಗೊತ್ತಿರುವಂತೆ ಎದುರಾಳಿಗಳಿಗೂ ಗೊತ್ತಿರುತ್ತದೆ. ಆದರೆ ನಿಮ್ಮ ಮೇಲೆ ಗೂಬೆ ಕೂರಿಸಬೇಕೆಂಬ ಕಾರಣದಿಂದ ಅಪವಾದ ಹೊರಸುವರು.
ಸಿಂಹ:- ಶ್ರೀಹರಿಯ ಕರುಣೆ ಅಪಾರವಾದುದು. ನಿಮ್ಮ ಮನದ ಮೂಲೆಯಲ್ಲಿದ್ದ ಆತಂಕವನ್ನು ದೂರಮಾಡಿ ಮನದಲ್ಲಿ ಮತ್ತು ಮನೆಯಲ್ಲಿ ಸಂತಸದ ವಾತಾವರಣ ಮೂಡಿಸಿರುವನು. ಆತನ ಕಾರುಣ್ಯವನ್ನು ಮೌನದಿಂದ ಕೊಂಡಾಡಿ ಅಂತರಂಗವನ್ನು ಹಗುರ ಮಾಡಿಕೊಳ್ಳಿ.
ಕನ್ಯಾ:- ಸರ್ರನೆ ನಡೆಯುತ್ತಿರುವ ವಹಿವಾಟಿನಲ್ಲಿ ಅಧಿಕ ಬದಲಾವಣೆಗೆ ದಾರಿ ಇದೆ. ಭಗವಂತನು ಕಣ್ಣು ತೆರೆದರೆ ನಿಮ್ಮ ಬಾಳಿನಲ್ಲಿ ಹರ್ಷದ ಹೊನಲೇ ಹರಿಯುವುದು. ಆತನ ಅನುಗ್ರಹದಿಂದ ನಿತ್ಯ ಪ್ರಾರ್ಥಿಸುವುದನ್ನು ಮರೆಯದಿರಿ.
ತುಲಾ:- ಮನೆ ಪರಿಸರದಲ್ಲಿನ ಇಷ್ಟಕಷ್ಟಗಳನ್ನು ನೀವು ಜಾಣತನದಿಂದ ಅರ್ಥ ಮಾಡಿಕೊಳ್ಳಬಲ್ಲಿರಿ. ಇದರಿಂದ ನಿಮ್ಮ ವೈಯಕ್ತಿಕ ಸಮಸ್ಯೆಗಳು ದೂರವಾಗುವವು. ಕೆಲವೊಂದು ವಿಚಾರಗಳಲ್ಲಿ ಸಂಗಾತಿಯನ್ನು ಹತೋಟಿಯಲ್ಲಿಟ್ಟುಕೊಳ್ಳುವುದು ಅನಿವಾರ್ಯ.
ವೃಶ್ಚಿಕ:- ಅಧಿಕ ಖರ್ಚು ವೆಚ್ಚ ಎಂದು ಸಿಡಿಮಿಡಿ ಮಾಡಬೇಡಿ. ಏಕೆಂದರೆ ಮುಷ್ಠಿ ಕಾಳುಗಳನ್ನು ಚೆಲ್ಲಿದಾಗ ಮಾತ್ರವೇ ಮೂಟೆ ಕಾಳುಗಳನ್ನು ಪಡೆಯಲು ಸಾಧ್ಯ. ಮಾಡಿದ ಖರ್ಚನ್ನು ಠೇವಣಿ ಎಂದು ಭಾವಿಸಿಕೊಂಡಲ್ಲಿ ತೊಂದರೆ ಆಗಲಾರದು.
ಧನುಸ್ಸು:- ಕೋಪ ಅನರ್ಥಕ್ಕೆ ಕಾರಣ ಎಂದು ಗೊತ್ತಿದ್ದರೂ ಕೆಲವೊಮ್ಮೆ ಕೋಪ ದಿಢೀರನೆ ಬಂದು ಅಂದುಕೊಂಡ ಕಾರ್ಯಗಳನ್ನು ಅಸ್ತವ್ಯಸ್ತ ಮಾಡುವ ಸಾಧ್ಯತೆ ಇದೆ. ಹಾಗಾಗಿ ಆದಷ್ಟು ನಿಮ್ಮ ಕೋಪ ತಾಪವನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳುವುದು ಒಳ್ಳೆಯದು.
ಮಕರ:- ದೈವಕೃಪೆಯಿಂದ ಜಗದ ಜನರು ನಿಮ್ಮನ್ನು ಆದರಿಸುವರು. ಹೊಗಳಿ ಕೊಂಡಾಡುವರು. ನಿಮ್ಮಲ್ಲಿನ ನಾಯಕತ್ವದ ಗುಣ ಹೊರಜಗತ್ತಿಗೆ ಪ್ರಕಟವಾಗುವುದು. ಆರೋಗ್ಯದ ಬಗ್ಗೆ ಕಾಳಜಿ ಇರಲಿ.
ಕುಂಭ:- ನಿಮ್ಮ ಅನೇಕ ರೀತಿಯ ತಾಂತ್ರಿಕ ಪರಿಜ್ಞಾನದ ಒಟ್ಟು ಲಾಭಕ್ಕೆ ಸಿದ್ದಿ ಪಡೆಯುವ ಸಂಭವ ಇದೆ. ಇದರಿಂದ ನಿಮ್ಮ ಬಾಳಿನಲ್ಲಿ ಹೊಸ ಬೆಳಕು ಮೂಡುವುದು. ವಿವಾಹದ ಮಾತುಕತೆ ಫಲಿಸುವುದು.
ಮೀನ:- ವಿವಿಧ ಮೂಲಗಳಿಂದ ಹಣ ಬರುವ ಸಾಧ್ಯತೆ ಇದೆ. ಕಾರ್ಮಿಕ ವರ್ಗದವರಿಗೆ ಅಲ್ಪ ಶ್ರಮಕ್ಕೆ ವಿಶೇಷ ಪ್ರತಿಫಲ ದೊರೆಯುವುದು. ಪಿತೃವರ್ಗದವರಿಂದ ಹೆಚ್ಚಿನ ಅನುಕೂಲವಿದೆ. ಆರ್ಥಿಕ ಸ್ಥಿತಿ ಸದೃಢವಾಗಿರುತ್ತದೆ.
