ಮೇಷ:-ನಿಮ್ಮ ಯಾವುದೇ ಕೆಲಸಗಳು ಸುಲಭವಾಗಿ ಕೈಗೂಡುವುದಿಲ್ಲ. ಆದರೆ ಪ್ರಯತ್ನಶೀಲತೆ ಗುರಿ ತಲುಪಿಸುತ್ತದೆ. ಕೆಲವು ದಿನಗಳವರೆಗೂ ಮಹತ್ವದ ನಿರ್ಧಾರ ತಳೆಯಬೇಡಿ. ಹಣಕಾಸಿನ ವಿಷಯದಲ್ಲಿ ಜಾಗರೂಕತೆಯಿಂದ ಇರಿ.
ವೃಷಭ:-ಇಲಿ ಹೋಯಿತು ಎಂದರೆ ಹುಲಿ ಹೋಯಿತು ಎಂದು ಗಾಬರಿ ಪಟ್ಟುಕೊಳ್ಳುವ ನೀವು ನಿಜ ಸ್ಥಿತಿ ಅರ್ಥಮಾಡಿಕೊಳ್ಳಬೇಕು. ನೀವು ಗಾಬರಿಯಾಗುವುದರ ಜೊತೆ ನಿಮ್ಮ ಜೊತೆಯಲ್ಲಿದ್ದವರಿಗೂ ಗಾಬರಿ ಉಂಟು ಮಾಡುವಿರಿ. ಇದರಿಂದ ನಗೆಪಾಟಲಿಗೆ ಈಡಾಗುವಿರಿ.
ಮಿಥುನ:-ಪೊಳ್ಳು ಭರವಸೆಗಳನ್ನು ನಂಬಿ ಹಣವನ್ನು ವಿವಿಧ ರಂಗದಲ್ಲಿ ಹೂಡಬೇಡಿ. ಆದಷ್ಟು ನಂಬಿಕಸ್ಥ ಜನರೊಡನೆ ವ್ಯವಹರಿಸಿ ನಿಮ್ಮ ಹಣಕಾಸಿನ ಪರಿಸ್ಥಿತಿಯನ್ನು ಸುಧಾರಿಸಿಕೊಳ್ಳಿ. ಆಹಾರ ದಾನ ಮಾಡಿ.
ಕಟಕ:-ನಿಮ್ಮಲ್ಲಿ ಮನೋಬಲ ಭದ್ರವಾಗಿದೆ. ಸಂಕಲ್ಪಿತ ಕಾರ್ಯಗಳಿಗೆ ಮುಂದಡಿ ಇಡಿ. ನಿಮ್ಮ ಮನೋಕಾಮನೆಗಳು ಶೀಘ್ರದಲ್ಲಿಯೇ ಈಡೇರುವವು. ಹೆಚ್ಚಿನ ತೊಂದರೆ ಇಲ್ಲ.
ಸಿಂಹ:- ಹಣಕಾಸಿನ ವಿಷಯದಲ್ಲಿ ಯಶಸ್ಸು ಹೊಂದಲು ಕುಲದೇವರನ್ನು ಪ್ರಾರ್ಥಿಸಿ. ಹಸಿದವರಿಗೆ ಊಟ ನೀಡಿ. ಈ ಹಿಂದೆ ಸ್ನೇಹಿತರಿಗೆ ಕೊಟ್ಟ ಹಣ ಹಿಂತಿರುಗಿ ಬರುವ ಸಾಧ್ಯತೆ ಇದೆ.
ಕನ್ಯಾ:-ಎಲ್ಲವನ್ನೂ ಅನುಮಾನದಿಂದ ನೋಡುತ್ತ ಹೋದರೆ ಜೀವನದಲ್ಲಿ ಯಶಸ್ಸು ಕಾಣಲು ತಡವಾಗಬಹುದು. ಕೆಲವು ವಿಚಾರಗಳಲ್ಲಿ ನಂಬಿಕೆಯಿಟ್ಟು ಹೆಚ್ಚಿನ ಜವಾಬ್ದಾರಿಯಿಂದ ಕೆಲಸ ಮಾಡಿದರೆ ಒಳಿತಾಗುವುದು.
ತುಲಾ:- ನಿಮ್ಮ ಮಾತಿನ ಶಕ್ತಿಗೆ ಅಪರೂಪದ ಚುಂಬಕ ಶಕ್ತಿಯಿದೆ. ಹಾಗಾಗಿ ಜನರು ನಿಮ್ಮ ವಿಚಾರಧಾರೆಗಳನ್ನು ಹಿಂದೆ ಮುಂದೆ ಯೋಚಿಸದೆ ಒಪ್ಪಿಕೊಳ್ಳುವರು. ಇದರಿಂದ ನಿಮ್ಮ ಕೆಲಸಗಳನ್ನು ಈಡೇರಿಸಿಕೊಳ್ಳಲು ಅನುಕೂಲವಾಗುವುದು.
ವೃಶ್ಚಿಕ:-ಭಗವಂತನ ನಾಮಸ್ಮರಣೆಯೊಂದೇ ಭವಸಾಗರ ದಾಟಲು ಇರುವ ಏಕೈಕ ಮಾರ್ಗ. ಇತರರು ಸಹಾಯ ಮಾಡುತ್ತಾರೆ ಎಂದು ನಂಬಿ ಕೂಡದಿರಿ.
ಧನುಸ್ಸು:- ಸಮಸ್ಯೆಗಳು ಒಂದರ ಹಿಂದೆ ಒಂದು ಬರುತ್ತಲೇ ಇರುತ್ತದೆ. ಆ ಅಲೆಗಳಲ್ಲಿಯೇ ಮಿಂದು ಪುನೀತರಾಗುವ ಆಸ್ತಿಕ ಜನರಂತೆ ನೀವು ಕೂಡಾ ಭಗವಂತನಿಗೆ ಶರಣಾಗಿ. ಇದರಿಂದ ನಿಮಗೆ ಅನುಕೂಲವಾಗುವುದು.
ಮಕರ:-ಹೆಚ್ಚು ಶ್ರದ್ಧೆ ವಹಿಸಿ ನಿಮ್ಮ ಪಾಲಿನ ಕರ್ತವ್ಯವನ್ನು ಮಾಡಲೇ ಬೇಕಾಗುವುದು. ಧೈರ್ಯಶಾಲಿಗೆ ಭಗವಂತ ಸಹಾಯ ಮಾಡುವನು. ಬಂದ ಅವಕಾಶಗಳನ್ನು ಕಳೆದುಕೊಳ್ಳಬೇಡಿ.
ಕುಂಭ:- ಕನಸು ಕಾಣದೆ ಕಾಯಕವೇ ಕೈಲಾಸ ಎಂಬುದನ್ನು ನಂಬಿ ಕೆಲಸದಲ್ಲಿ ಮಗ್ನರಾಗಿ. ಕ್ರಮೇಣ ನಿಮ್ಮ ಕಾರ್ಯದಲ್ಲಿ ಯಶಸ್ಸು ಹೊಂದುವಿರಿ. ಗುರು ಹಿರಿಯರ ಆಶೀರ್ವಾದ ಪಡೆಯಿರಿ.
ಮೀನ:- ನಿಮ್ಮ ಸಂಭ್ರಮ ಕಂಡು ಹೊಟ್ಟೆ ಉರಿದುಕೊಳ್ಳುವವರ ಬಳಿ ಯಾವುದೇ ರೀತಿಯ ಮಾತುಕತೆ ಬೇಡ. ನಿಮ್ಮ ಖರ್ಚಿಗೆ ತಕ್ಕಷ್ಟು ಹಣ ಕೈ ಸೇರುವುದು. ಮಕ್ಕಳ ವಿದ್ಯಾಭ್ಯಾಸದಲ್ಲಿ ಅಲ್ಪ ಹಿನ್ನಡೆ ಕಂಡುಬರುವುದು.
