ಗೋಕರ್ಣ: ಗಂಗೆಕೊಳ್ಳ ಸಮುದ್ರ ತೀರದಲ್ಲಿ ಶುಕ್ರವಾರ ನೌಕಾ ಪಡೆ ಬಳಸುವ ಶೆಲ್ಪತ್ತೆಯಾಗಿದೆ. ಸಮುದ್ರದಲ್ಲಿ ತೇಲಿ ಬಂದ 1 ಅಡಿ ಉದ್ದ ಮತ್ತು ಅರ್ಧ ಅಡಿ ಅಗಲವಿರುವ ಈ ಶೆಲ್ ಮೇಲೆ ‘ಡೇಂಜರ್’ ಎಂದು ಬರೆದಿದೆ. ಇದನ್ನು ನೋಡಿದ ಸ್ಥಳೀಯರು ಇದು ಬಾಂಬ್ ಇರಬಹುದೇ ಎಂದು ಆತಂಕಕ್ಕೊಳಗಾದರು.
ಸ್ಥಳಕ್ಕೆ ಭೇಟಿ ನೀಡಿ ಪರೀಕ್ಷಿಸಿದ ಪಿಎಸ್ಐ ಸಂತೋಷಕುಮಾರ ‘ಇದು ಬಾಂಬ್ ಅಲ್ಲ. ಭದ್ರವಾಗಿ ಸೀಲ್ ಆಗಿರುವ ಇದರಿಂದ ಯಾವುದೇ ಅಪಾಯವಿಲ್ಲ. ಸಿಗ್ನಲ್ ದೀಪ ಉರಿಸಲು ನೌಕಾಪಡೆಯವರು ಈ ಶೆಲ್ಗಳನ್ನು ಬಳಸುತ್ತಾರೆ’ ಎಂದು ಜನರನ್ನು ಸಮಾಧಾನ ಮಾಡಿದರು. ಈ ಬಗ್ಗೆ ಕಾರವಾರ ನೌಕಾನೆಲೆಗೆ ಮಾಹಿತಿ ನೀಡಲಾಗಿದ್ದು, ಪೊಲೀಸರು ಸದ್ಯ ಸಮುದ್ರ ತೀರದ ಉಸುಕಿನಲ್ಲಿ ಹುಗಿದಿಟ್ಟಿದ್ದಾರೆ.
