ಮೇಷ:- ನಿಮ್ಮ ವರ್ಚಸ್ಸನ್ನು ಹಾಳುಮಾಡುವ ಸಂಚು ನಡೆಯುವ ಸಾಧ್ಯತೆ ಅಧಿಕವಾಗಿದೆ. ಈ ಬಗ್ಗೆ ಎಚ್ಚರಿಕೆಯಿಂದ ಇರುವುದು ಒಳ್ಳೆಯದು. ನೀವು ತಳೆಯುವ ನಿರ್ಧಾರದಿಂದ ಮಹತ್ವದ ಅಧಿಕಾರ ಹೊಂದುವಿರಿ. ಮನೆ ಹಿರಿಯರ ಆಶೀರ್ವಾದ ಪಡೆಯಿರಿ.
ವೃಷಭ:- ಸತ್ಪಾತ್ರರಿಗೆ ದಾನ ಮಾಡಬೇಕೆಂಬುದು ನಿಜ. ಆದರೆ ಎರಡು ಬಾರಿ ಚಿಂತಿಸಿ ಅವರಿಗೆ ಸಹಾಯ ಮಾಡಿ. ಇದರಿಂದ ನಿಮಗೆ ತೃಪ್ತಿ ದೊರೆಯುವುದು. ಹಣಕಾಸಿನ ವಿಷಯದಲ್ಲಿ ಅನುಕೂಲವಿದೆ. ಬಹುದಿನದ ಕಸನು ನನಸಾಗಲಿದೆ.
ಮಿಥುನ:- ಒಂದೇ ಒಂದು ಸಣ್ಣ ತಪ್ಪಿನಿಂದ ನಿಮ್ಮ ಮಹತ್ತರವಾದ ಕೆಲಸ ಹಾಳಾಗಲು ಆಸ್ಪದ ಕೊಡದಿರಿ. ಬುದ್ಧಿಗೆ ಮಂಕು ಕವಿದಂತೆ ಭಾಸವಾಗುವುದು. ದುರ್ಗಾ ಸ್ತೋತ್ರ ಪಠಿಸಿ.
ಕಟಕ:- ಮಾತು ಆಡಿದರೆ ಆಯಿತು, ಮುತ್ತು ಒಡೆದರೆ ಹೋಯಿತು ಎಂಬುದನ್ನು ನೆನಪಿಟ್ಟುಕೊಳ್ಳಿ. ವಿರೋಧಿಗಳನ್ನು ಮಟ್ಟಹಾಕುವ ಭರದಲ್ಲಿ ನಾಲಿಗೆಯನ್ನು ಯದ್ವಾತದ್ವಾ ಹರಿಯಲು ಬಿಡಬೇಡಿ. ತಾಳಿದವನು ಬಾಳಿಯಾನು.
ಸಿಂಹ:- ಹೆಚ್ಚಿನ ವಿದ್ಯಾಭ್ಯಾಸ ಪಡೆದು ಸಮಾಜದಲ್ಲಿ ಗಣ್ಯವ್ಯಕ್ತಿ ಎನಿಸಿಕೊಂಡಿರುವ ನೀವು ಹಗುರ ಮಾತನಾಡುತ್ತ ದಿನವನ್ನು ಹಾಳು ಮಾಡಿಕೊಳ್ಳದಿರಿ. ಅದರ ಬದಲು ನಿಮ್ಮ ಜ್ಞಾನಧಾರೆಯನ್ನು ಇತರರಿಗೆ ಹಂಚಿ.
ಕನ್ಯಾ:- ನೀವು ತಳೆಯುವ ನಿರ್ಧಾರವನ್ನು ವಿರೋಧಿಸುವವರು ಸುತ್ತುವರಿದರೂ ಮಾತಿನ ಮೋಡಿಯಿಂದ ಎಲ್ಲರನ್ನು ಗೆಲ್ಲಬಲ್ಲಿರಿ. ನಿಮ್ಮ ವಿಚಾರಧಾರೆಗಳನ್ನು ಎಲ್ಲರೂ ಒಪ್ಪುವಂತೆ ಮಾಡುವಿರಿ. ಹಣಕಾಸಿನ ಸ್ಥಿತಿ ಉತ್ತಮವಾಗಿರುವುದು.
ತುಲಾ:- ಅನೇಕರು ಹೊಸ ವಹಿವಾಟು ನಡೆಸಲು ನಿಮ್ಮನ್ನು ದುಂಬಾಲು ಬೀಳುವ ಸಾಧ್ಯತೆ ಇದೆ. ಈ ಬಗ್ಗೆ ಅವಸರ ಬೇಡ. ಈ ಹಿಂದೆ ಇದೆ ತೆರನಾಗಿ ಆತುರಪಟ್ಟು ಸಾಕಷ್ಟು ಹಣ ಕಳೆದುಕೊಂಡಿರುವ ನೀವು ಈ ಬಾರಿ ಜಾಣ್ಮೆಯಿಂದ ಹೆಜ್ಜೆ ಇಡಿ.
ವೃಶ್ಚಿಕ:- ಭಗವಂತನು ನೀಡಿದಷ್ಟರಲ್ಲೇ ತೃಪ್ತಿ ಹೊಂದುವುದು ಒಳ್ಳೆಯದು. ಅತಿಯಾದ ಆಸೆಯಿಂದ ಮತ್ತಷ್ಟು ಸಂಕಟಕ್ಕೆ ಸಿಲುಕಿಕೊಳ್ಳುವಿರಿ. ಆದಷ್ಟು ಆಂಜನೇಯ ಸ್ವಾಮಿ ಸ್ತೋತ್ರ ಪಠಿಸಿ. ಬಡವರಿಗೆ ಆಹಾರ ನೀಡಿ.
ಧನುಸ್ಸು:- ತೀರ ಸರಳವಾದ ಮಾರ್ಗದಿಂದ ಧನಲಾಭದ ದಾರಿ ತೆರೆದುಕೊಳ್ಳಬಹುದೆಂಬ ಆಶಾಭಾವನೆಯನ್ನು ಬಿಡಿ. ಸದ್ಯದ ಪರಿಸ್ಥಿತಿಯಲ್ಲಿ ನಿಮ್ಮ ಆಲೋಚನೆಯಂತೆ ಕಾರ್ಯಗಳು ನಡೆಯುವುದಿಲ್ಲ. ವಿಳಂಬ ರೀತಿಯಲ್ಲಿ ಕೆಲಸ ಕಾರ್ಯಗಳು ನಡೆಯುವುವು.
ಮಕರ:-ಚುರುಕಾದ ಓಡಾಟ, ನಡೆನುಡಿ ಇದ್ದರೂ ಕೊಂಚ ನಿಧಾನ ಪ್ರವೃತ್ತಿಯೂ ಇರಲಿ. ಒಳಿತನ್ನು ಕಾಣುವಿರಿ. ಹಣಕಾಸಿನ ಸ್ಥಿತಿ ಉತ್ತಮವಾಗಿರುತ್ತದೆ. ಆದರೆ ಆರೋಗ್ಯದ ಕಡೆ ಗಮನ ಕೊಡುವುದು ಒಳ್ಳೆಯದು.
ಕುಂಭ:- ನಿಮ್ಮ ಪ್ರತಿಭೆಯನ್ನು ಧಾರಾಳವಾಗಿ ಪ್ರದರ್ಶಿಸಲು ಎಲ್ಲಾ ರೀತಿಯ ಅವಕಾಶಗಳು ಬರಲಿವೆ. ವಿದೇಶದಿಂದ ಬರುವ ವರ್ತಮಾನವು ನಿಮಗೆ ಹರ್ಷವನ್ನುಂಟು ಮಾಡುವುದು. ಅಲ್ಲದೆ ಸಾಮಾಜಿಕ ಮತ್ತು ಶೈಕ್ಷ ಣಿಕ ಕ್ಷೇತ್ರದಲ್ಲಿ ಹೆಸರನ್ನು ತಂದುಕೊಡುವುದು.
ಮೀನ:- ನಿಮ್ಮ ಉತ್ತಮ ಮಾರ್ಗದರ್ಶನವನ್ನು ನೆರೆಹೊರೆಯ ಮಂದಿ ಬಯಸುತ್ತಾರೆ. ಪ್ರಶಂಸೆಗೆ ಉತ್ತಮ ದಾರಿ ತೆರೆಯಲಿದೆ. ಹಳೆಯ ಸ್ನೇಹಿತರು ನಿಮ್ಮನ್ನು ಭೇಟಿ ಮಾಡುವ ಸಾಧ್ಯತೆ ಇದೆ. ಆರೋಗ್ಯದಲ್ಲಿ ಸುಧಾರಣೆ ಕಂಡು ಬರುವುದು.
