ಕುಮಟಾ: ಶೀ ಲೋಕನಾಥ ಹೈಸ್ಕೂಲ್ ಗುಡ್‌ಕಾಗಾಲದ ನಿವೃತ್ತ ಮುಖ್ಯಾಧ್ಯಾಪಕ ಜೆ.ಐ.ಪಟಗಾರ ಹಣ್ಣೇಮಠ ಇವರು ತಮ್ಮ ೬೬ ನೇ ವಯಸ್ಸಿನಲ್ಲಿ ಹೃದಯಾಘಾತದಿಂದ ನಿಧನರಾಗಿದ್ದಾರೆ.
ಇವರು ಬಿ.ಎಸ್ಸಿ, ಬಿ.ಎಡ್ ಪದವೀಧರರಾಗಿದ್ದು, ಲೋಕನಾಥ ಹೈಸ್ಕೂಲ್‌ನಲ್ಲಿ ಸುದೀರ್ಘ ಸೇವೆ ಸಲ್ಲಿಸಿ ನಿವೃತ್ತರಾಗಿದ್ದರು. ನಿವೃತ್ತಿಯ ನಂತರದಲ್ಲಿ ಸಾಮಾಜಿಕ, ಧಾರ್ಮಿಕ, ರಾಜಕೀಯ, ಕ್ರೀಡಾ ಚಟುವಟಿಕೆಯಲ್ಲೂ ತೊಡಗಿಸಿಕೊಂಡಿದ್ದರು.
೨೦೦೫ ರಲ್ಲಿ ಸ್ಥಾಪನೆಯಾದ ಉ.ಕ ಜಿಲ್ಲಾ ಗ್ರಾಮ ಒಕ್ಕಲಿಗ ನೌಕರರ ಸಂಘದ ಸಕ್ರೀಯ ಸದಸ್ಯರಾಗಿ, ಕುಮಟಾ ತಾಲೂಕಾ ಸಂಚಾಲನಾ ಸಮಿತಿಯ ಅಧ್ಯಕ್ಷರಾಗಿ ಸೇವೆಯನ್ನು ಸಲ್ಲಿಸಿದ್ದರು. ಗ್ರಾಮ ಒಕ್ಕಲು ವಾರ್ಷಿಕ ಸಂಚಿಕೆಯ ಸಂಸ್ಥಾಪನಾ ಸದಸ್ಯರಾಗಿಯೂ ಸೇವೆ ಸಲ್ಲಿಸುತ್ತಿದ್ದರು. ಇವರು ಪತ್ನಿ, ಐವರು ಮಕ್ಕಳು, ಅಪಾರ ಬಂಧುಬಳಗವನ್ನು ಅಗಲಿದ್ದಾರೆ.
ಸಂತಾಪ: ಇವರ ನಿಧನಕ್ಕೆ ಉ.ಕ ಜಿಲ್ಲಾ ಗ್ರಾಮ ಒಕ್ಕಲು ನೌಕರರ ಸಂಘ, ಗ್ರಾಮ ಒಕ್ಕಲು ವಾರ್ಷಿಕ ಸಂಚಿಕೆ, ಗ್ರಾಮ ಒಕ್ಕಲು ಯುವ ಬಳಗ, ಸಮಾಜ ಬಾಂಧವರು ಸಂತಾಪ ವ್ಯಕ್ತಪಡಿಸಿದ್ದಾರೆ.
