ಕುಮಟಾ : ತಾಲೂಕಿನ ಹೊಳೆಗದ್ದೆ ಸಮೀಪ IRB ಕಂಪನಿ ಹೊಸದಾಗಿ ನಿರ್ಮಾಣವಾಗುತ್ತಿರುವ ಟೋಲ್ ನಾಕಾ ಸಮೀಪ ಹಾಕಿರುವ ನಾಮ ಫಲಕದಲ್ಲಿ ಇಂಗ್ಲೀಷ ಮತ್ತು ಹಿಂದಿ ಮಾತ್ರ ಇದ್ದು ಅದರ ಜೊತೆ ಕನ್ನಡ ಸೇರಿಸಲೇ ಬೇಕೆಂದು ಕ.ರ.ವೇ ಜಿಲ್ಲಾ ಅಧ್ಯಕ್ಷ ಭಾಸ್ಕರ ಪಟಗಾರ ಎಚ್ಚರಿಕೆ ನೀಡಿದ್ದರು.
ಈ ಹಿಂದೆಯೂ ಅವರು ಈ ಬಗ್ಗೆ ಎಚ್ಚರಿಕೆ ನೀಡಿದ್ದರು. ಆದರೆ IRB ಕಂಪನಿಯವರು ಈ ವರೆಗೂ ಸ್ಪಂದಿಸದೇ ಇರುವುದು ಜನರ ಆಕ್ರೋಶಕ್ಕೆ ಕಾರಣವಾಗಿದೆ ಎಂದು ಹೇಳಲಾಗುತ್ತಿದೆ.
ಈ ವರೆಗೆ ನಾಮಫಲಕ ತೆಗೆಯದ IRB ಕ್ರಮ ವಿರೋಧಿಸಿ ನಾಳೆ ಬೆಳಿಗ್ಗೆ 10:00 (ಬುಧವಾರ) ಗಂಟೆಗೆ ಮಸಿಬಡಿದು ಅದನ್ನು ಬದಲಾಯಿಸಿ ಬಿಸಿ ಮುಟ್ಟಿಸುತ್ತೇವೆ ಎಂದು ಕ.ರ.ವೇ ಜಿಲ್ಲಾ ಅಧ್ಯಕ್ಷ ಭಾಸ್ಕರ ಪಟಗಾರ ತಿಳಿಸಿದ್ದಾರೆ.
