ಗೋಕರ್ಣ: ಇಲ್ಲಿನ ವಿದ್ಯಾಸಂಸ್ಥೆಯಾದ ಮೊಡರ್ನ ಎಜ್ಯುಕೇಶನ್ ಟ್ರಸ್ಟನ ಶ್ರೀ ರಾಘವೇಶ್ವರಭಾರತೀ ಶಾಲೆಯಲ್ಲಿ ಅಕ್ಟೋಬರ್ 2 ರಂದು ಗಾಂಧೀಜಿ ಅವರ 150ನೇ ಜನ್ಮದಿನ ಹಾಗೂ ಲಾಲ್ ಬಹದ್ದೂರ್ ಶಾಸ್ತ್ರಿ ಅವರ 108ನೇ ಜನ್ಮ ದಿನವನ್ನು ಆಚರಿಸಿದರು.
ಅಕ್ಟೋಬರ್ 2 ಪ್ರಯುಕ್ತ ಶಾಲೆಯಲ್ಲಿ ವಿಶೇಷವಾಗಿ, ಹಿರಿಯ ಸಹಾಯಕಿ ಶಿಕ್ಷಕಿ ವೃಂದಾ ಗಾಂವಕರ ಇವರು ” ರಘುಪತಿ ರಾಘವ ರಾಜಾರಾಮ್” ಎಂಬ ಭಜನಾ ಕಾರ್ಯಕ್ರಮವನ್ನು ನೀಡುವ ಜೊತೆಗೆ ಮುದ್ದು ಮಕ್ಕಳಿಂದ ಗಾಂಧೀಜಿ ಹಾಗೂ ಲಾಲ್ ಬಹದ್ದೂರ್ ಶಾಸ್ತ್ರಿ ಅವರ ಅಲಂಕಾರಿಕ ವೇಷವನ್ನು ಧರಿಸಿ ಕಾರ್ಯಕ್ರಮಕ್ಕೆ ಮೆರಗು ತಂದರು.
ಈ ಸಂದರ್ಭದಲ್ಲಿ ಶಾಲಾ ಮುಖ್ಯಾಧ್ಯಾಪಕ ರಾಜೇಶ ಗೋನ್ಸಾಲ್ವೀಸ್, ಮುಖ್ಯಾಧ್ಯಾಪಕಿ ಉಷಾ ನಾಯಕ, ಸಹ ಶಿಕ್ಷಕರು, ಸ್ಕೌಟ್ಸ್ ಅಂಡ್ ಗೈಡ್ಸ್ ವಿದ್ಯಾರ್ಥಿಗಳು, ಪಾಲಕರು ಮುದ್ದು ಮಕ್ಕಳು ಹಾಜರಿದ್ದರು.
