ಕಾರವಾರ : ತಾಲೂಕಿನ ಕೆರವಡಿ ಸಮೀಪದ ಕಡಿಯಾ ಗ್ರಾಮದ ಕೃಷ್ಣಾ ಗುನಗಿ ಎಂಬುವವರ ಮನೆಯಲ್ಲಿ ಕಾಣಿಸಿಕೊಂಡ ೧೫ ಅಡಿ ಉದ್ದದ ಕಾಳಿಂಗ ಸರ್ಪವನ್ನು
ಗೋಪಿಶಿಟ್ಟಾದ ಅರಣ್ಯ ರಕ್ಷಕ ರಮೇಶ್ ಬಡಿಗೇರ ಅವರು ಸೆರೆಹಿಡಿದರು.
ಜೊಯಡಾದ ದಟ್ಟಾರಣ್ಯದಲ್ಲಿ ಕಂಡುಬರುವಂತವ ಬೃಹದಾಕಾರದ ಕಾಳಿಂಗ ಸರ್ಪ ಇದಾಗಿದ್ದು ಆಹಾರ ಅರಸಿ ಜನವಸತಿಯ ಹತ್ತಿರ ಬಂದಿರಬಹುದೆಂದು ಅಂದಾಜಿಸಲಾಗಿದೆ. ರಮೇಶ್ ಬಡಿಗೇರ ಮತ್ತು ಅವರ ಸಹುದ್ಯೋಗಿಗಳು ಸುಮಾರು ಒಂದು ಘಂಟೆ ಕಾರ್ಯಾಚರಣೆ ನಡೆಸಿ ಸುರಕ್ಷಿತವಾಗಿ ಸೆರೆಹಿಡಿದು ಅಣಶಿ ಕಾಡಿಗೆ ಬಿಟ್ಟಿದ್ದಾರೆ.
