ಯಲ್ಲಾಪುರ: ಮಹಾರಾಷ್ಟ್ರದಲ್ಲಿ ವಾಸ್ತವ್ಯ ಹೂಡಿದ್ದ ಶಿವಮೊಗ್ಗ ಸೊರಬ ಮೂಲದ ನಿನ್ನೆ ಕೋವಿಡ್- 19 ಸೋಂಕು ದೃಢಪಟ್ಟಿದ್ದ ಯುವತಿಯ ತಂದೆಗೆ ಇಂದು ಕೊರೋನಾ ದೃಢಪಟ್ಟಿದೆ.ಈ ಮೂಲಕ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 57ಕ್ಕೆ ಏರಿಕೆ ಆಗಿದ್ದು, 46 ಸಕ್ರಿಯ ಸೋಂಕಿತರು ಇದ್ದಂತಾಗಿದೆ.
ತಂದೆ, ತಾಯಿ ಹಾಗೂ ಇಬ್ಬರು ಮಕ್ಕಳಿರುವ ಕುಟುಂಬ ಯಲ್ಲಾಪುರದ ಉಪಳೇಶ್ವರ ಸಂಬಂಧಿಗಳ ಮನೆಗೆ ಹೋಗುವ ಉದ್ದೇಶದಿಂದ ಮೇ 14ರಂದು ಬೆಳಿಗ್ಗೆ 7 ಗಂಟೆಗೆ ಸೊಲ್ಲಾಪುರದಿಂದ ಹೊರಟು, ಕಿರವತ್ತಿ ಚೆಕ್‍ಪೋಸ್ಟ್ ಗೆ ಸಂಜೆ 4 ಗಂಟೆಗೆ ತಲುಪಿದ್ದರು. 5.30ಕ್ಕೆ ತಾಲೂಕು ಆಸ್ಪತ್ರೆಯಲ್ಲಿ ಆರೋಗ್ಯ ತಪಾಸಣೆಗಾಗಿ ಆಗಮಿಸಿದ್ದರು. ನಂತರ ಕ್ವಾರಂಟೈನ್ ಮಾಡಿ, ಮೇ 15ರಂದು ಯಲ್ಲಾಪುರ ಪಟ್ಟಣದ ಸಾಂಸ್ಥಿಕ ಕ್ವಾರಂಟೈನ್‍ಗೆ ಕಳುಹಿಸಲಾಗಿತ್ತು.
