ಕುಮಟಾ ತಾಲೂಕಿನ ಕಾಗಾಲ ಗ್ರಾಮಪಂಚಾಯತ ವ್ಯಾಪ್ತಿಯಲ್ಲಿ ಬರುವ ಲೋಕೇಶ್ವರ ಗೌಡರ ಕೇರಿಯ ಬಳಿ ಕುಮಟಾ ಕ ಅಘನಾಶಿನಿ ಮುಖ್ಯ ರಸ್ತೆಯ ಪಕ್ಕದಲ್ಲಿ ಬೃಹದಾಕಾರವಾಗಿ ಬೆಳೆದು ನಿಂತ ಮರವೊಂದು ಬಿರುಗಾಳಿಗೆ ಮುರಿದು ಬೀಳುವ ಸ್ಥಿತಿಯಲ್ಲಿದೆ.
ಒಂದು ವೇಳೆ ಈ ದುರ್ಘಟನೆ ಸಂಭವಿಸಿದರೆ ಅಕ್ಕ ಪಕ್ಕದ ಮನೆಮಾರುಗಳಿಗೆ ಹಾನಿ ಉಂಟಾಗಲಿದ್ದು ಮರದ ಕೆಳಗಡೆಯೇ ಹಾದುಹೋಗಿರುವ ವಿದ್ಯುತ್ ತಂತಿಗಳು ಹರಿದು ಬೀಳಲಿದ್ದು ಎರಡುಮೂರು ವಿದ್ಯುತ್ ಕಂಭಗಳೂ ಮುರಿದು ಅಪಾರ ಹಾನಿ ಉಂಟಾಗಲಿದೆ.ಈಗಾಗಲೇ ಮರದ ಮಾಲಿಕರು ಮರವನ್ನು ವಿಕ್ರಯಮಾಡಿದ್ದು ಖರೀದಿಸಿದವರಿಗೆ ವಿದ್ಯುತ್ ಇಲಾಖೆಯವರು ಮರಕಡಿಯಲು ವಿದ್ಯುತ್ ತಂತಿಗಳನ್ನು ತೆರವುಗೊಳಿಸಿಕೊಡಬೇಕಿದೆ ಎಂದುಹೇಳಲಾಗುತ್ತಿದೆ.
ಆದಷ್ಟು ಬೇಗನೆ ಈ ಬಗ್ಗೆ ಸೂಕ್ತ ಕ್ರಮ ಕೈಗೊಂಡು ಅಪಾಯ ಸಂಭವಿಸುವ ಮೊದಲು ಸಂಭಂದಿಸಿದವರು ಎಚ್ಚೆತ್ತುಕೊಳ್ಳಬೇಕು ಎಂಬುದು ಸಾರ್ವಜನಿಕರ ಅಭಿಪ್ರಾಯ ಆಗಿದೆ.
