ಕುಮಟಾ : ಕುಮಟಾದ 62 ವರ್ಷದ ಪುರುಷ, ಹೊನ್ನಾವರದ 10 ವರ್ಷದ ಬಾಲಕ, 35, 61, 65 ವರ್ಷದ ಮಹಿಳೆ, ಹಳಿಯಾಳದ 34 ವರ್ಷದ ಪುರುಷ ಸೇರಿ ಉತ್ತರ ಕನ್ನಡದಲ್ಲಿ ಇಂದು ಒಟ್ಟೂ ಆರು ಮಂದಿಯಲ್ಲಿ ಕೊರೋನಾ ಸೋಂಕು ದೃಢಪಟ್ಟಿದೆ.
ಥಾಣಾದಿಂದ ವಾಪಸ್ಸಾಗಿದ್ದ ಕುಮಟಾದ ವ್ಯಕ್ತಿ. ಹೊನ್ನಾವರದ 10 ವರ್ಷದ ಬಾಲಕ, 35, 61, 65 ವರ್ಷದ ಮಹಿಳೆಯರು ಮುಂಬೈನಿಂದ ಮರಳಿದವರಾಗಿದ್ದಾರೆ. ಹಳಿಯಾಳದ 34 ವರ್ಷದ ಪುರುಷ ಫಿಲಿಫೈನ್ಸ್ ನಿಂದ ವಾಪಸ್ಸಾದವರಾಗಿದ್ದರು. ಈ ಎಲ್ಲರ ಗಂಟಲಿನ ದ್ರವವನ್ನು ಪರೀಕ್ಷೆಗೆ ಕಳುಹಿಸಿದಾಗ ವರದಿಯಲ್ಲಿ ಸೋಂಕು ಇರುವುದು ದೃಢಪಟ್ಟಿದೆ.
ಆಘಾತಕಾರಿ ವಿಷಯ ಎಂದರೆ ಹೊನ್ನಾವರದಲ್ಲಿ ಸಾಂಸ್ಥಿಕ ಕ್ವಾರಂಟೈನ್ ಮುಗಿಸಿ ಹೋಂಮ್ ಕ್ವಾರಂಟೈನ್ ಇದ್ದವರಲ್ಲಿಯೂ ಸೋಂಕು ಬಂದ ಬಗ್ಗೆ ಹೇಳಲಾಗುತ್ತಿದ್ದು ಇದು ಭಯದ ವಾತಾವರಣ ನಿರ್ಮಾಣಮಾಡಿದೆ.
