ಕಾರವಾರ: ಉತ್ತರಕನ್ನಡ ಜಿಲ್ಲೆಯಲ್ಲಿ ಇಂದು 214 ಕರೊನಾ ಕೇಸ್ ದಾಖಲಾಗಿದೆ. ಕಾರವಾರ 10, ಅಂಕೋಲಾ 17, ಕುಮಟಾ 37, ಹೊನ್ನಾವರ 32, ಭಟ್ಕಳ 6, ಶಿರಸಿ 62, ಸಿದ್ದಾಪುರ 5, ಯಲ್ಲಾಪುರ 7, ಮುಂಡಗೋಡ 1 ಮತ್ತು ಹಳಿಯಾಳದಲ್ಲಿ 27 ಕೇಸ್ ದೃಢಪಟ್ಟಿದೆ.
ಜಿಲ್ಲೆಯಲ್ಲಿ ಇಂದು ನಾಲ್ವರ ಸಾವಾಗಿದ್ದು, ಸಾವಿನ ಸಂಖ್ಯೆ 94ಕ್ಕೆ ಏರಿಕೆಯಾಗಿದೆ. ಹೊನ್ನಾವರದಲ್ಲಿ 2, ಶಿರಸಿ 1 ಮತ್ತು ಹಳಿಯಾಳದಲ್ಲಿ ಒಬ್ಬರು ಮೃತಪಟ್ಟಿದ್ದಾರೆ. ಇಂದು 214 ಕೇಸ್ ದೃಢಪಟ್ಟ ಬೆನ್ನಲ್ಲೆ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 7,774ಕ್ಕೆ ಏರಿಕೆಯಾಗಿದೆ.
ಇಂದು ವಿವಿಧ ಆಸ್ಪತ್ರೆಯಿಂದ 52 ಮಂದಿ ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ. ಕುಮಟಾ 5, ಹೊನ್ನಾವರ 6, ಶಿರಸಿ 2, ಸಿದ್ದಾಪುರ 7, ಮುಂಡಗೋಡ 6, ಹಳಿಯಾಳದಲ್ಲಿ 26 ಮಂದಿ ಬಿಡುಗಡೆಯಾಗಿದ್ದಾರೆ.
