ಭಟ್ಕಳ: ಉತ್ತರಕನ್ನಡದ ಕೆಲವೆಡೆ ಅಡುಗೆ ಅನಿಲ ಟ್ಯಾಂಕರ್ ಪಲ್ಟಿ ಆಗುತ್ತಿದ್ದು ಜನತೆ ಆತಂಕ ಪಡುವಂತೆ ಮಾಡಿದೆ. ಇಂದು ಭಟ್ಕಳ ತಾಲೂಕಿನ ನಿಶಾತ್ ನರ್ಸಿಂಗ್ ಹೋಮ್ ಹತ್ತಿರ ಅಡುಗೆ ಅನಿಲ ತುಂಬುವ ಖಾಲಿ ಇದ್ದ ಹಿಂದುಸ್ಥಾನ ಪೆಟ್ರೋಲಿಯಂ ಕಂಪನಿಗೆ ಸೇರಿದ (ಕೆಎ೦೧,ಸಿ-೯೪೭೬) ಟ್ಯಾಂಕರ್ ಚಾಲಕನ ನಿಯಂತ್ರಣ ತಪ್ಪಿ ರಾಷ್ಟೀಯ ಹೆದ್ದಾರಿ ೬೬ರ ಪಕ್ಕದಲ್ಲಿ ಹೊಂಡಕ್ಕೆ ಪಲ್ಟಿಯಾಗಿ ಬಿದ್ದಿದ್ದ ಘಟನೆ ನಡೆದಿದೆ.
ಟ್ಯಾಂಕರ್ ಚಾಲಕ, ಜಾರ್ಖಂಡ್ ರಾಜ್ಯದ ಅಜಯ್ ಯಾದವು (೨೫)ಅಪಾಯದಿಂದ ಪಾರಾಗಿದ್ದಾರೆ.
ಪಲ್ಟಿಯಾದ ಟ್ಯಾಂಕರ್ ಗೋವಾನಿಂದ ಮಂಗಳೂರಿಗೆ ತೆರಳುತ್ತಿತ್ತು ಎನ್ನಲಾಗಿದೆ.ಸ್ಥಳಕ್ಕೆ ನಗರ ಠಾಣೆ ಪೋಲಿಸರು ತೆರಳಿದ್ದಾರೆ.
ಗ್ಯಾಸ್ ಟೆಂಪರ್ ಪಲ್ಟಿಯಾಗಿದ್ದು ನೋಡಿ ಜನರು ಕೆಲಕಾಲ ಗೊಂದಲಕ್ಕೆ ಈಡಾಗಿದ್ದರು. ಗ್ಯಾಸ್ ತುಂಬಿದ್ದ ಟ್ಯಾಂಕರ್ ಇರಬಹುದು ಎಂದು ಜನರು ಭಯಗೊಂಡಿದ್ದರು. ನಂತರ ಪರಿಸ್ಥಿತಿ ಅರಿತು ಸಮಾಧಾನಗೊಂಡರು ಎನ್ನಲಾಗಿದೆ.
