ಕಾರವಾರ : ಕಾರವಾರದ ರಾಷ್ಟ್ರೀಯ ಹೆದ್ದಾರಿ 66ರ ಬಿಣಗಾ ಬಳಿ ಅತಿಯಾದ ಮಳೆಯಿಂದಾಗಿ ಟ್ಯಾಂಕರ್ ಹಾಗೂ ಬೈಕ್ ನಡುವೆ ಮುಖಾಮುಖಿ ಡಿಕ್ಕಿಯಾದ ಪರಿಣಾಮ ಬೈಕ್‌ನಲ್ಲಿ ತೆರಳುತ್ತಿದ್ದ ಸವಾರರಿಬ್ಬರು ಸಾವನ್ನಪ್ಪಿದ ಘಟನೆ ನಡೆದಿದೆ.
ಡಿಕ್ಕಿ ಹೊಡೆತಕ್ಕೆ ಟ್ಯಾಂಕರ್ ಅಡಿಯಲ್ಲಿ ಬೈಕ್ ಸಿಕ್ಕಿಕೊಂಡಿದ್ದು ಸವಾರರಿಬ್ಬರೂ ಸ್ಥಳದಲ್ಲೇ ಸಾವುಕಂಡಿದ್ದಾರೆ. ಬೈಕ್ ಸವಾರ ಫಕೀರಪ್ಪ, ಹಿಂಬದಿ ಸವಾರ ಯುವತಿ ಸಾವು ಕಂಡಿದ್ದಾರೆ ಎಂದು ವರದಿಯಾಗಿದೆ.
ಮೃತರು ಕೊಲ್ಲಾಪುರ ಮೂಲದವರಾಗಿದ್ದು ನೃತ್ಯ ತರಬೇತಿ ನೀಡುತಿದ್ದರು ಎನ್ನಲಾಗಿದೆ.. ಘಟನೆ ಸಂಬಂಧ ಕಾರವಾರ ಸಂಚಾರಿ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದ್ದು ಪೊಲೀಸರು ಸ್ಥಳಕ್ಕೆ ಭೇಟಿನೀಡಿ ಪರಿಶೀಲನೆ ನಡೆಸಿದ್ದಾರೆ.
