ಶಿರಸಿ: ತಾಲೂಕಿನ ಗಡಿಹಳ್ಳಿಯ ಸನ್ಮತಿ ರಾಜೇಶ ಹೆಗಡೆ ಪ್ರಸಕ್ತ ಸ್ನಾತಕೋತ್ತರ ಸಿ.ಇ.ಟಿ. ಸಾಮಾನ್ಯ ಪ್ರವೇಶ ಪರೀಕ್ಷೆ- 2020 ರ ಎಂ.ಸಿ.ಎ. ವಿಭಾಗದಲ್ಲಿ ರಾಜ್ಯಕ್ಕೆ 22ನೇ ಸ್ಥಾನ ಪಡೆಯುವುದರ ಮೂಲಕ ವಿಶೇಷ ಸಾಧನೆಗೈದು ಕುಟುಂಬಕ್ಕೂ, ತಾನು ಕಲಿತ ಶಿಕ್ಷಣ ಸಂಸ್ಥೆಗಳಿಗೂ ಹಾಗೂ ಜಿಲ್ಲೆಗೂ ಕೀರ್ತಿ ತಂದಿದ್ದಾಳೆ.
ಗಡಿಹಳ್ಳಿ ಮತ್ತು ಕುಳುವೆಯಲ್ಲಿ ಪ್ರಾಥಮಿಕ ಶಿಕ್ಷಣ, ಬರೂರು ಜನತಾ ವಿದ್ಯಾಲಯದಲ್ಲಿ ಮಾಧ್ಯಮಿಕ ಹಾಗೂ ಶಿರಸಿಯ ಎಂ.ಇ.ಎಸ್ ಪ.ಪೂ. ಕಾಲೇಜಿನಲ್ಲಿ ಪಿ.ಯು.ಸಿ. ಪೂರೈಸಿದ ಸನ್ಮತಿ ಧಾರವಾಡದ ಜೆ.ಎಸ್.ಎಸ್. ಕಾಲೇಜಿನಲ್ಲಿ ಬಿ.ಸಿ.ಎ. ಪದವಿ ಪಡೆದುಕೊಂಡಿದ್ದಾಳೆ. ಲಾಕ್‍ಡೌನ್ ಸಮಯದಲ್ಲಿ ಸರಿಯಾದ ಮೊಬೈಲ್ ನೆಟ್‍ವರ್ಕ್ ಕೂಡ ಇಲ್ಲದ ಗಡಿಹಳ್ಳಿಯ ಮನೆಯಲ್ಲಿದ್ದುಕೊಂಡೇ ಪರೀಕ್ಷೆ ಸಿದ್ಧತೆ ನಡೆಸಿಕೊಂಡು, ಧಾರವಾಡದಲ್ಲಿ ಈ ಪರೀಕ್ಷೆ ಬರೆದು ಸಾಧನೆ ಮಾಡಿ ತಂದೆ-ತಾಯಿಯಾದ ರಾಜೇಶ, ಶ್ರೀಮತಿಗೆ ಮತ್ತು ಸಮಸ್ತ ಕುಟುಂಬದವರು ಹೆಮ್ಮೆ ಪಡುವಂತೆ ಮಾಡಿದ್ದಾಳೆ.
