ಕುಮಟಾ : ಶ್ರೀ ರಾಮ‌ಮಂದಿರ ನಿರ್ಮಾಣ ಕಾರ್ಯಕ್ಕಾಗಿ ಹಮ್ಮಿಕೊಂಡಿರುವ ಅಭಿಯಾನದ ಚಾಲನಾ ಕಾರ್ಯಕ್ರಮದಿನಾಂಕ-10-01-2021ರಂದು ಸಂಜೆ ಸಂಜೆ 5.30 ಕ್ಕೆ , ಶ್ರೀ ಉಪ್ಪಿನಗಣಪತಿ ದೇವಸ್ಥಾನ ಕುಮಟಾದಲ್ಲಿ ನಡೆಯಿತು.
ಅಭಿಯಾನ ಚಾಲನೆಯನ್ನು ಪರಮಪೂಜ್ಯ ಶ್ರೀ ಶ್ರೀ ವಾಮನಾಶ್ರಮ ಮಹಾಸ್ವಾಮಿಗಳು ಶ್ರೀ ಸಂಸ್ಥಾನ ಶಾಂತಾಶ್ರಮ ಮಠ ಹಳದೀಪುರ ಇವರು ನಡೆಸಿದರು.
ಉತ್ತರ ಪ್ರಾಂತ ಪ್ರಚಾರಕರಾದ ಶ್ರೀ ಸುಧಾಕರ ಜಿ ಅವರು ನಿಧಿ ಸಮರ್ಪಣ ಅಭಿಯಾನದ ಮಹತ್ವ ತಿಳಿಸಿಕೊಟ್ಟರು. ಶ್ರೀಗಳು ಅಯೋಧ್ಯೆ ಶ್ರೀರಾಮಮಂದಿರ ನಿರ್ಮಾಣಕ್ಕೆ ಹಿಂದಿನವರಿಗೆ ಭಾಗ್ಯವಿರಲಿಲ್ಲ…ಮುಂದಿನ ಪೀಳಿಗೆಯವರಿಗೆ ಅವಕಾಶವಿಲ್ಲ.. ನಮಗೆಲ್ಲ ದೊರೆತ ಪುಣ್ಯದ ಕಾರ್ಯವಿದು ಎಂದು ಆಶೀರ್ವಚನ ನೀಡಿದರು.
ವೇದಿಕೆಯಲ್ಲಿ ವಿಶ್ವ ಹಿಂದೂ ಪರಿಷತ್ ಜಿಲ್ಲಾ ಅಧ್ಯಕ್ಷರಾದ ಡಾ ವಿ.ಜಿ ಶೆಟ್ಟಿ ಅವರು ಉಪಸ್ಥಿತರಿದ್ದರು. ಕೊನೆಯಲ್ಲಿ ಶ್ರೀ ಗಳಿಂದ ರಾಮನಾಮ ಭಜನೆ, ಶಾಂತಿ ಮಂತ್ರದೊಂದಿಗೆ ಕಾರ್ಯಕ್ರಮ ಮುಕ್ತಾಯವಾಯಿತು.
