ಕುಮಟಾ: ರಾಮಚಂದ್ರಾಪುರಮಠದ ಶ್ರೀಗಳಾದ ಗೋಕರ್ಣ ಮಂಡಲಾಧೀಶ್ವರ ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀ ರಾಘವೇಶ್ವರಭಾರತೀ ಮಹಾಸ್ವಾಮಿಗಳವರ ಆಶೀರ್ವಾದದೊಂದಿಗೆ ಶ್ರೀ ನಾಗ ಜಟಗೇಶ್ವರ ಹಳಕಾರ ಇವರ ಆಶ್ರಯದಲ್ಲಿ ಮುಕ್ರಿ ಸಮಾಜ ಬಾಂಧವರಿಗಾಗಿ ಜಿಲ್ಲಾಮಟ್ಟದ ದ್ವಿತೀಯ ವರ್ಷದ ಕ್ರಿಕೆಟ್ ಪಂದ್ಯಾವಳಿ ಶ್ರೀ ನಾಗ ಜಟಗೇಶ್ವರ ಪ್ರೀಮಿಯರ್ ಕಪ್ ಇತ್ತೀಚಿಗೆ ಕಡ್ಲೆಯ ಗಾಂಧಿವನ ಮೈದಾನದಲ್ಲಿ ಇತ್ತೀಚಿಗೆ ಸಂಪನ್ನವಾಯಿತು.
ಕಾಂಗ್ರೇಸ್ ಮುಖಂಡ ರವಿಕುಮಾರ ಶೆಟ್ಟಿಯವರು ಕಾರ್ಯಕ್ರಮದಲ್ಲಿ ಭಾಗವಹಿಸಿ ಶುಭ ಹಾರೈಸಿದರು.
ಶ್ರೀಮಠದ ಪರವಾಗಿ ಎಸ್.ಜಿ ಹೆಗಡೆ, ಕೆ.ಎನ್ ಹೆಗಡೆ ಹಾಜರಿದ್ದರು. ಮಾರುತಿ ಮುಕ್ರಿ, ವೆಂಕಟೇಶ ಮುಕ್ರಿ, ಪ್ರಕಾಶ ಪಟಗಾರ, ನಾಗೇಶ ಪಟಗಾರ, ಎನ್.ಆರ್ ಮುಕ್ರಿ, ಮಂಜುಳಾ ಮುಕ್ರಿ ಹಾಗೂ ಇತರರು ಹಾಜರಿದ್ದರು.
ಸಮಿತಿಯ ಅಧ್ಯಕ್ಷರಾದ ವೆಂಕಟೇಶ ರಾಮಾ ಮುಕ್ರಿ, ಉಪಾಧ್ಯಕ್ಷ ಗಣೇಶ ಕೆ. ಮುಕ್ರಿ, ಕಾರ್ಯದರ್ಶಿ ಉದಯ ಎಸ್ ಮುಕ್ರಿ ಹಾಗೂ ಇತರರು ಹಾಜರಿದ್ದರು.
ನಾಗ ಜಟಗೇಶ್ವರ ಹಳಕಾರ ಇವರ ಆಶ್ರಯದಲ್ಲಿ ಮುಕ್ರಿ ಸಮಾಜ ಬಾಂಧವರಿಗಾಗಿ ಜಿಲ್ಲಾಮಟ್ಟದ ಕ್ರಿಕೆಟ್ ಪಂದ್ಯಾವಳಿಯನ್ನು ಕಳೆದ ಅನೇಕ ವರ್ಷಗಳಿಂದ ನಡೆಸಿಕೊಂಡು ಬರಲಾಗುತ್ತಿದೆ.
ಈ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಪ್ರಥಮ ಸ್ಥಾನವನ್ನು ಶಾಂತಿಕಾಂಬಾ ಹೆಗಡೆ ತಂಡ ಪಡೆದರೆ ದ್ವಿತೀಯ ಸ್ಥಾನವನ್ನು ಹಂದಿಗೋಣ ತಂಡದವರು ಪಡೆದರು.
